Excess Sweating: അധികം വിയര്‍ക്കാറുണ്ടോ? ചില മുന്‍കരുതലുകളാവാം
Excess Sweating: ആരോഗ്യ വിദഗ്ധരുടെ അഭിപ്രായത്തിൽ, ഹൈപ്പർ ഹൈഡ്രോസിസ് ഉള്ളവരില്‍ നമ്മുടെ ശരീരത്തിലെ വിയർപ്പ് ഗ്രന്ഥികൾ അമിതമായി പ്രവർത്തിക്കുന്നു. ഇക്കാരണത്താൽ, ഇവരുടെ ശരീരത്തില്‍ വിയര്‍പ്പ് ധാരാളമായി ഉത്പാദിപ്പിക്കപ്പെടുന്നു.
Excess Sweating: പലപ്പോഴും നമുക്ക് ബുദ്ധിമുട്ടായി തോന്നുന്ന ഒന്നാണ് അമിതമായ വിയര്‍പ്പ്. ചിലര്‍ അല്പ ദൂരം നടന്നാൽ മതി, ശരീരം മുഴുവനായി വിയർക്കും, എന്നാല്‍ ചിലര്‍ക്കാകട്ടെ ഒട്ടു വിയര്‍ക്കാറില്ല...
അമിതമായി വിയർക്കുന്ന ചിലർ നമുക്കിടയിലുണ്ട്, നമ്മൾ അത് സാധാരണമാണെന്ന് കരുതി അവഗണിക്കുന്നു. ഈ ആളുകൾ തണുത്ത കാലാവസ്ഥയിൽ പോലും വിയർക്കുന്നു, അമിതമായ വിയർപ്പ് ആരോഗ്യത്തിന് ഹാനികരമാണ്, അത്തരമൊരു സാഹചര്യത്തിൽ ഇത് ഗുരുതരമായ രോഗത്തിന്‍റെ ലക്ഷണമാകാം. ഈ രോഗത്തെ ഹൈപ്പർ ഹൈഡ്രോസിസ് എന്ന് വിളിക്കുന്നു.
Also Read; Weight Gain Diet Plan: ശരീരഭാരം വർദ്ധിപ്പിക്കാം, ഈ 5 ഭക്ഷണങ്ങൾ ഡയറ്റില്‍ ഉള്‍പ്പെടുത്തൂ
ഈ രോഗം മിക്കവാറും മറ്റ് പ്രശ്‌നങ്ങളൊന്നും ഉണ്ടാക്കാറില്ല. എങ്കിലും മുമ്പില്ലാത്തത് പോലെ അമിതമായി വിയര്‍ക്കുന്നവര്‍ തീര്‍ച്ചയായും അത് എന്തുകൊണ്ടാണെന്ന് പരിശോധിച്ചേ മതിയാകൂ. കാരണം അമിതമായി വിയര്‍ക്കുമ്പോള്‍ ശരീരത്തില്‍ നിന്നും കൂടുതല്‍ ജലാംശം നഷ്ടപ്പെടുന്നു. ഇത് മറ്റ് ശാരീരിക പ്രശ്നങ്ങളിലേയ്ക്ക് നയിയ്ക്കുന്നു.
Also Read: Sukhdev Singh Gogamedi Murder: കർണി സേന അദ്ധ്യക്ഷന്‍ സുഖ്ദേവ് സിംഗ് ഗോഗമേദി കൊല്ലപ്പെട്ടു
എന്താണ് ഹൈപ്പർ ഹൈഡ്രോസിസ്?
ആരോഗ്യ വിദഗ്ധരുടെ അഭിപ്രായത്തിൽ, ഹൈപ്പർ ഹൈഡ്രോസിസ് ഉള്ളവരില്‍ നമ്മുടെ ശരീരത്തിലെ വിയർപ്പ് ഗ്രന്ഥികൾ അമിതമായി പ്രവർത്തിക്കുന്നു. ഇക്കാരണത്താൽ, ഇവരുടെ ശരീരത്തില്‍ വിയര്‍പ്പ് ധാരാളമായി ഉത്പാദിപ്പിക്കപ്പെടുന്നു. കൂടാതെ ഇവരുടെ വിയർപ്പ് ഗ്രന്ഥികൾ വളരെ സജീവമാവുകയും സാധാരണയേക്കാൾ കൂടുതൽ വിയർക്കാൻ തുടങ്ങുകയും ചെയ്യുന്നു.
ഹൈപ്പർ ഹൈഡ്രോസിസിന്‍റെ ലക്ഷണങ്ങൾ: -
- അമിതമായ വിയർപ്പ്
- സ്ഥിരമായി നനഞ്ഞതും ഒട്ടിപ്പിടിക്കുന്നതുമായ കൈകൾ, പാദങ്ങൾ, നെറ്റി, മുഖം
- ഉറങ്ങുമ്പോൾ പോലും വിയർക്കൽ
ഹൈപ്പർ ഹൈഡ്രോസിസ് എങ്ങനെ ഭേദമാക്കാം?
ഹൈപ്പർ ഹൈഡ്രോസിസിന് കൃത്യമായ ചികിത്സയില്ല, എന്നാൽ ജീവിതശൈലിയിൽ ചില മാറ്റങ്ങൾ വരുത്തിയാൽ ഇത് സുഖപ്പെടുത്താം എന്നാണ് ആരോഗ്യവിദഗ്ധര്‍ പറയുന്നത്.
-ശരീരഭാരം നിയന്ത്രണവിധേയമാക്കുക
- വ്യായാമംപതിവാക്കുക
-കഫീൻ, ആൽക്കഹോൾ എന്നിവയിൽ നിന്ന് വിട്ടുനിൽക്കുക
-ആന്റിപെർസ്പിറന്റ് ലോഷനുകളും അലൂമിനിയം ക്ലോറൈഡ് മരുന്നുകളും ആശ്വാസം നൽകും
-ബോട്ടോക്സ് കുത്തിവയ്പ്പുകളും ഫലപ്രദമാണ്
-സമ്മർദവും ഉത്കണ്ഠയും ഒഴിവാക്കുക
-പോഷകമായ ഭക്ഷണം കഴിക്കുക
-വിറ്റമിനുകൾ ധാരാളം കഴിക്കുക
-ധാരാളം വെള്ളം കുടിക്കുക
- നാരങ്ങ വെള്ളം കുടിക്കുക
അമിതമായി വിയര്‍ത്താല്‍ എന്താണ് ചെയ്യേണ്ടത്?
അമിതമായി വിയര്‍ക്കുന്നവര്‍ ഒന്നാമതായി ഭക്ഷണ കാര്യത്തില്‍ ശ്രദ്ധിക്കണം. ഉപ്പിന്‍റെ ഉപയോഗം കുറയ്ക്കണം. മദ്യപാനം ഒഴിവാക്കണം. ഗർഭാവസ്ഥയിൽ അമിതമായ വിയർപ്പ് ഉണ്ടായാൽ ഉടൻ ഡോക്ടറെ സമീപിക്കണം. വിറ്റമിനുകൾ അടങ്ങിയ പോഷകഗുണമുള്ള ഭക്ഷണ സാധനങ്ങൾ ഭക്ഷണത്തിൽ ഉൾപ്പെടുത്തുക.
അമിതമായി വിയര്‍ക്കുന്നവര്‍ ചെയ്യേണ്ടത്?
അമിതമായി വിയര്‍ക്കുന്നവര്‍ ഒന്നാമതായി ചെയ്യേണ്ടത് ധാരാളം വെള്ളം കുടിക്കുക എന്നതാണ്. അമിതമായ ചൂട് അനുഭവപ്പെടാതിരിക്കാൻ കോട്ടൺ വസ്ത്രങ്ങൾ ധരിയ്ക്കുക. വിയർപ്പിന്‍റെ ഗന്ധം ഒഴിവാക്കാം. കൂടെക്കൂടെ നാരങ്ങാവെള്ളം കുടിയ്ക്കുന്നത്‌ നല്ലതാണ്. കൂടാതെ, ശരീരം തണുപ്പിക്കാൻ ധാരാളം വെള്ളം കുടിക്കുക. പുരുഷന്മാർ ഒരു ദിവസം 3.7 ലിറ്ററും സ്ത്രീകൾ 2.7 ലിറ്ററും വെള്ളം കുടിക്കണം. ഇത് നമ്മുടെ ശരീര താപനില കുറയ്ക്കുകയും ശരീരത്തിൽ നിന്ന് അമിത വിയർപ്പ് ഉണ്ടാകുന്നത് കുറയ്ക്കുകയും ചെയ്യുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.