Fatty Liver In Children: കുട്ടികളിലെ ഫാറ്റി ലിവർ ശ്രദ്ധിക്കാം; അവഗണിക്കരുത് ഈ ലക്ഷണങ്ങൾ
Fatty Liver Symptoms: കരളിൽ അമിതമായി കൊഴുപ്പ് അടിഞ്ഞുകൂടുമ്പോൾ ഉണ്ടാകുന്ന അവസ്ഥയാണ് ഫാറ്റി ലിവർ. ഇത് കരളിനെ തകരാറിലാക്കുകയും പല വിട്ടുമാറാത്ത രോഗങ്ങളിലേക്കും നയിക്കുകയും ചെയ്യും.
എന്താണ് ഫാറ്റി ലിവർ? പലരും പറഞ്ഞു കേൾക്കുന്ന രോഗാവസ്ഥയാണിത്. എന്നാൽ, കൃത്യമായി എന്താണ് ഫാറ്റി ലിവർ എന്ന് ചിന്തിച്ചിട്ടുണ്ടോ. ഫാറ്റി ലിവറിലേക്ക് നയിക്കുന്ന കാരണങ്ങളും ഇതിന്റെ ലക്ഷണങ്ങളും എന്തൊക്കെയാണെന്ന് അറിയാം. കരളിൽ അമിതമായി കൊഴുപ്പ് അടിഞ്ഞുകൂടുമ്പോൾ ഉണ്ടാകുന്ന അവസ്ഥയാണ് ഫാറ്റി ലിവർ. ഇത് കരളിനെ തകരാറിലാക്കുകയും പല വിട്ടുമാറാത്ത രോഗങ്ങളിലേക്കും നയിക്കുകയും ചെയ്യും.
ശരീരത്തിലെ ഏറ്റവും പ്രധാനപ്പെട്ട അവയവങ്ങളിൽ ഒന്നാണ് കരൾ. ഇത് പോഷകങ്ങൾ പ്രോസസ്സ് ചെയ്യാനും രക്തത്തിൽ നിന്ന് ദോഷകരമായ വസ്തുക്കളെ ഫിൽട്ടർ ചെയ്യാനും സഹായിക്കുന്നു. നോൺ-ആൽക്കഹോളിക് ഫാറ്റി ലിവർ രോഗത്തെക്കുറിച്ച് (എൻഎഎഫ്എൽഡി) സംസാരിക്കുമ്പോൾ, ഇത് കുട്ടികളെ, പ്രത്യേകിച്ച് അമിതവണ്ണമുള്ളവരെ ബാധിക്കുന്ന ഒരു രോഗാവസ്ഥയാണ്. വിദഗ്ധരുടെ അഭിപ്രായത്തിൽ, ലോകമെമ്പാടും ഇതിനകം തന്നെ അമിതവണ്ണമുള്ളവരുടെ എണ്ണം ക്രമാതീതമായി വർധിച്ചിരിക്കുകയാണ്. ഇത് ഒരേസമയം കുട്ടികളിലും മുതിർന്നവരിലും ആശങ്കയുണ്ടാക്കുന്നു. ഉദാസീനമായ ജീവിതശൈലിയാണ് അമിതവണ്ണത്തിന്റെ പ്രധാന കാരണം. ഫാറ്റി ലിവറിന്റെ ലക്ഷണങ്ങൾ കണ്ടാൽ, പരിശോധിക്കാതെയും ചികിത്സിക്കാതെയും ഇരിക്കുന്നത് കരൾ വീക്കത്തിനും മറ്റ് ഗുരുതരമായ രോഗങ്ങൾക്കും കാരണമാകും.
കുട്ടികളിലെ ഫാറ്റി ലിവർ: കാരണങ്ങളും ലക്ഷണങ്ങളും
വളരെയധികം ട്രൈഗ്ലിസറൈഡുകൾ അല്ലെങ്കിൽ കരളിൽ കൊഴുപ്പ് അടിഞ്ഞുകൂടുന്നത് ഫാറ്റി ലിവറിന് കാരണമാകുന്നു. മോശം ഭക്ഷണക്രമം, വ്യായാമത്തിന്റെ കുറവ്, ജങ്ക് ഫുഡ് അമിതമായി കഴിക്കുന്നത് തുടങ്ങിയ ഉദാസീനമായ ജീവിതശൈലി ശീലങ്ങൾ ഫാറ്റി ലിവറിനുള്ള സാധ്യത വർധിപ്പിക്കുന്നു.
ALSO READ: Cinnamon Tea For Diabetes: പ്രമേഹത്തിനൊരു പ്രതിവിധി; കറുവപ്പട്ട ചായ കുടിക്കാം
വയറിന്റെ മുകളിൽ വലതുഭാഗത്ത് വേദന
നിരന്തരമായ ക്ഷീണം
ബലഹീനത
മഞ്ഞപ്പിത്തത്തിന്റെ ലക്ഷണങ്ങൾ കാണിക്കുന്നു
സാധാരണയേക്കാൾ വലുതായ കരൾ അല്ലെങ്കിൽ പ്ലീഹ
കുട്ടികളിലെ ഫാറ്റി ലിവർ: പ്രതിരോധ മാർഗങ്ങൾ
ആരോഗ്യകരവും സമീകൃതവുമായ ഭക്ഷണം കഴിക്കുക
പഞ്ചസാരയും ഉപ്പും കഴിക്കുന്നത് കുറയ്ക്കുക
നിങ്ങളുടെ ഭക്ഷണത്തിൽ കൂടുതൽ പച്ചക്കറികളും പഴങ്ങളും ഉൾപ്പെടുത്തുക
ബോഡി മാസ് ഇൻഡക്സ് അനുസരിച്ച് ആരോഗ്യകരമായ ഭാരം നിലനിർത്തുക
ചിട്ടയായ വ്യായാമം ആരോഗ്യകരമായ ജീവിതശൈലിയിൽ വളരെ പ്രധാനപ്പെട്ടതാണ്
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...