Omicron XBB: ഒമിക്രോണിന്റെ എക്സ്ബിബി വകഭേദത്തിനെതിരെ പ്രതിരോധശേഷി നിലനിർത്താൻ ഈ ഭക്ഷണങ്ങൾ കഴിക്കാം
Omicron XBB.1.5 Variant: സൂര്യകാന്തി വിത്തുകളിൽ സിങ്കും സെലിനിയവും വലിയ അളവിൽ അടങ്ങിയിട്ടുണ്ട്. ഇത് രോഗപ്രതിരോധ സംവിധാനത്തിൽ ഒരു പ്രധാന പങ്ക് വഹിക്കുന്നു.
കോവിഡ് മഹാമാരിയെ തുടർന്ന് നമ്മുടെ രോഗപ്രതിരോധ സംവിധാനങ്ങൾ ഏറ്റവും മോശമായ അവസ്ഥയിലാണ്. പുതിയ ഒമിക്രോൺ എക്സ്ബിബി വകഭേദം വ്യാപിക്കുന്നത് വീണ്ടും ആശങ്കയിലേക്ക് നയിക്കുകയാണ്. ഈ സാഹചര്യത്തിൽ കോവിഡിന്റെ പുതിയ വകഭേദമായ ഒമിക്രോൺ എക്സ്ബിബി വകഭേദത്തെ ചെറുക്കാൻ രോഗപ്രതിരോധശേഷി വർധിപ്പിക്കുന്നത് സഹായിക്കുന്ന ഭക്ഷണങ്ങൾ ഏതൊക്കെയാണെന്ന് നോക്കാം.
സൂര്യകാന്തി വിത്ത്: സൂര്യകാന്തി വിത്തുകളിൽ സിങ്കും സെലിനിയവും വലിയ അളവിൽ അടങ്ങിയിട്ടുണ്ട്. ഇത് രോഗപ്രതിരോധ സംവിധാനത്തിൽ ഒരു പ്രധാന പങ്ക് വഹിക്കുന്നു. രോഗപ്രതിരോധ കോശങ്ങളെ പരിപാലിക്കുന്നതിനും വികസിപ്പിക്കുന്നതിനും ഈ പോഷകങ്ങൾ ശരീരത്തെ സഹായിക്കുന്നു. സൂര്യകാന്തി വിത്തുകളിലെ തയാമിൻ എന്നും അറിയപ്പെടുന്ന വിറ്റാമിൻ ബി 1, ഭക്ഷണത്തെ ഊർജ്ജം നൽകുന്ന എൻസൈമുകളാക്കി മാറ്റുകയും ദിവസം മുഴുവൻ നിങ്ങളെ ഊർജസ്വലരാക്കി നിലനിർത്തുകയും ചെയ്യുന്നു. കൂടാതെ, ഈ വിത്തുകളിൽ ഫോസ്ഫറസ്, മഗ്നീഷ്യം എന്നിവയും വിറ്റാമിനുകളായ ബി-6, ഇ എന്നിവയും അടങ്ങിയിട്ടുണ്ട്. രാത്രി മുഴുവൻ വെള്ളത്തിൽ കുതിർത്തതിന് ശേഷം, ഷെല്ലുകൾ നീക്കം ചെയ്ത് സൂര്യകാന്തി വിത്ത് നിങ്ങളുടെ ഭക്ഷണത്തിൽ ഉൾപ്പെടുത്താം.
തൈര്: ദഹനം മെച്ചപ്പെടുത്തുന്നതിന് സഹായിക്കുന്ന സൂക്ഷ്മാണുക്കളായ പ്രോബയോട്ടിക്സ് കൊണ്ട് സമ്പുഷ്ടമാണ് തൈര്. ഓർഗാനിക് ആസിഡുകളെ ഗ്ലൂക്കോസാക്കി മാറ്റാൻ സൂക്ഷ്മാണുക്കൾ സഹായിക്കുന്നു. പ്രോട്ടീനുകൾ, കാർബോഹൈഡ്രേറ്റ്സ്, ഫൈബർ, മറ്റ് പോഷകങ്ങൾ എന്നിവ മെറ്റബോളിസം ത്വരിതപ്പെടുത്തുന്നു. ഇത് ഒപ്റ്റിമൽ പോഷക ആഗിരണത്തെ മികച്ചതാക്കുന്നു. രോഗപ്രതിരോധ വ്യവസ്ഥയുടെ വികസനത്തിനും തൈര് ഗുണം ചെയ്യും. ഇതെല്ലാം ആരോഗ്യകരമായ ദഹനത്തെ പ്രോത്സാഹിപ്പിക്കുകയും ദഹനനാളത്തിലെ അണുബാധകൾ ഒഴിവാക്കാൻ സഹായിക്കുകയും ചെയ്യുന്നു. തൈര് കൊളസ്ട്രോളിന്റെ അളവ് കുറയ്ക്കുമെന്നും വിശ്വസിക്കപ്പെടുന്നു.
ഷെൽഫിഷ്: നിങ്ങൾ സീ ഫുഡ്സ് ഇഷ്ടപ്പെടുന്നവരാണെങ്കിൽ കക്കയിറച്ചി കഴിക്കുന്നത് രോഗപ്രതിരോധ ശേഷി വർധിപ്പിക്കാൻ ഗുണം ചെയ്യും. കക്കയിറച്ചി സാധാരണയായി പ്രതിരോധശേഷിയുമായി ബന്ധപ്പെട്ടതല്ല, പക്ഷേ ഉയർന്ന അളവിൽ സിങ്ക് അടങ്ങിയിട്ടുണ്ട്. നമ്മുടെ രോഗപ്രതിരോധ കോശങ്ങൾ ശരിയായി പ്രവർത്തിക്കാൻ സിങ്ക് ആവശ്യമാണ്. കൂടാതെ, ചിപ്പികളിലും കക്കകളിലും വിറ്റാമിൻ ബി-12 അടങ്ങിയിട്ടുണ്ട്, ഇത് ഊർജ്ജ നിലയും വൈജ്ഞാനിക ആരോഗ്യവും വർധിപ്പിക്കാൻ സഹായിക്കുന്നു. വിറ്റാമിൻ സി, ഇരുമ്പ്, സെലിനിയം, പൊട്ടാസ്യം എന്നിവയാലും സമ്പന്നമാണ് കക്കയിറച്ചി. ഇത് കോശങ്ങളുടെ കേടുപാടുകൾ കുറയ്ക്കുന്നു.
ഇഞ്ചിയും വെളുത്തുള്ളിയും: രോഗപ്രതിരോധ ശേഷി ഉറപ്പുനൽകുന്ന ഏറ്റവും സാധാരണമായ വിഭവങ്ങളാണ് ഇഞ്ചിയും വെളുത്തുള്ളിയും. ഇഞ്ചി, വെളുത്തുള്ളി എന്നിവയ്ക്ക് ആന്റി-ഇൻഫ്ലമേറ്ററി, ആന്റിഓക്‌സിഡന്റ് ഗുണങ്ങളുണ്ട്. ഇഞ്ചിയിലെ ജിഞ്ചറോളും ഷോഗോളും അണുബാധ തടയാനും ശ്വാസകോശ സംബന്ധമായ രോഗങ്ങൾക്കെതിരെ പോരാടാനും ഫലപ്രദമാണ്. വെളുത്തുള്ളിയിൽ അല്ലിസിൻ പോലുള്ള സൾഫർ അടങ്ങിയ മൂലകങ്ങൾ അടങ്ങിയിട്ടുണ്ടെങ്കിലും, വൈറസിനെതിരെ പോരാടുന്ന ടി-സെല്ലുകളുടെ ശതമാനം വർധിപ്പിക്കാൻ ഇത് സഹായിക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...