ആരോഗ്യം മികച്ചതായി നിലനിർത്താൻ കൃത്യസമയത്ത് ഭക്ഷണം കഴിക്കേണ്ടത് പ്രധാനമാണ്. എന്നാൽ, കൃത്യമായ ഇടവേളകളിൽ ഉപവസിക്കുന്നതും ആരോഗ്യത്തിന് ഗുണം ചെയ്യുമെന്നാണ് വിദഗ്ധർ വ്യക്തമാക്കുന്നത്. ഉപവാസം ശരീരത്തിന് പല ഗുണങ്ങളും നൽകുന്നുവെന്നാണ് ആയുർവേദത്തിൽ വ്യക്തമാക്കുന്നത്.
ആയുർവേദം മാത്രമല്ല, പല ആധുനിക ആരോഗ്യ വിദഗ്ധരും വിശ്വസിക്കുന്നത്, ഉപവാസം പാലിക്കുന്നത് ശരീരത്തിന് പലതരത്തിലുള്ള ഗുണങ്ങൾ നൽകുമെന്നാണ്. ശരീരത്തെ ആരോഗ്യത്തോടെ നിലനിർത്താനും വിവിധ രോഗങ്ങളിൽ നിന്ന് സംരക്ഷിക്കാനും ഉപവാസം സഹായിക്കും. ഉപവാസത്തിന്റെ ആരോഗ്യ ഗുണങ്ങൾ എന്തൊക്കെയാണെന്ന് നോക്കാം.
ALSO READ: Lung Health: ശ്വാസകോശത്തിന്റെ ആരോഗ്യം പ്രധാനം; ഈ മുന്നറിയിപ്പുകൾ അവഗണിക്കരുത്
രക്തത്തിലെ പഞ്ചസാരയുടെ അളവ് നിയന്ത്രിക്കുന്നു: രക്തത്തിലെ പഞ്ചസാരയുടെ അളവ് മെച്ചപ്പെടുത്താൻ ഉപവാസം സഹായിക്കുമെന്ന് ചില പഠനങ്ങൾ കണ്ടെത്തിയിട്ടുണ്ട്. പ്രമേഹം വരാൻ സാധ്യത കൂടുതലുള്ള ആളുകൾക്ക് ഉപവാസം പ്രത്യേകിച്ചും പ്രയോജനകരമാണ്. ഉപവാസം ഇൻസുലിൻ പ്രതിരോധത്തിനുള്ള സാധ്യത കുറയ്ക്കുമെന്നും ചില പഠനങ്ങൾ കണ്ടെത്തിയിട്ടുണ്ട്.
ഹൃദയത്തിന്റെ ആരോഗ്യത്തിന് മികച്ചത്: ഹൃദയത്തെ ആരോഗ്യകരമായി നിലനിർത്തുന്നതിന് ഉപവാസം വളരെ പ്രയോജനപ്രദമായി കണക്കാക്കപ്പെടുന്നു. ചില പഠനങ്ങൾ അനുസരിച്ച്, കൃത്യസമയത്ത് ഉപവസിക്കുന്നത് രക്തസമ്മർദ്ദവും ചീത്ത കൊളസ്ട്രോളും നിയന്ത്രിക്കാൻ സഹായിക്കുന്നു. ഇതുകൂടാതെ, ഹൃദയത്തെ ആരോഗ്യകരമായി നിലനിർത്താനും ഉപവാസം സഹായിക്കുമെന്ന് കണ്ടെത്തി.
ALSO READ: Diabetes diet: ഭക്ഷണത്തിൽ ശ്രദ്ധിക്കാം; പോഷകാഹാരം കഴിച്ച് പ്രമേഹത്തെ ചെറുക്കാം
പൊണ്ണത്തടി കുറയ്ക്കാൻ സഹായിക്കുന്നു: വർദ്ധിച്ചുവരുന്ന ഭാരം നിയന്ത്രിക്കാൻ ഉപവാസം ശരീരത്തിന് വളരെ ഗുണം ചെയ്യും. എന്നാൽ, ഉപവസിക്കുന്നത് കൊണ്ട് മാത്രം ശരീരഭാരം കുറയില്ല. എന്നാൽ, ഉപവസിക്കുന്നത് ശരീരഭാരം ക്രമാതീതമായി ഉയരുന്നത് തടയാൻ സഹായിക്കും.
മാനസികാരോഗ്യം മെച്ചപ്പെടുത്തുന്നു: വിഷാദം, ഉത്കണ്ഠ അല്ലെങ്കിൽ സമ്മർദ്ദം പോലുള്ള പ്രശ്‌നങ്ങളാൽ നിങ്ങൾ അസ്വസ്ഥരാണെങ്കിൽ, ഉപവാസം നിങ്ങൾക്ക് വളരെ ഗുണം ചെയ്യും. ശരിയായ രീതിയിലുള്ള ഉപവാസം നിങ്ങളുടെ ശരീരത്തിലെ ഹോർമോണുകളുടെ ബാലൻസ് ശരിയാക്കാൻ സഹായിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
