Diabetics: പ്രമേഹ രോഗികളുടെ ശ്രദ്ധയ്ക്ക്; ഈ 6 ഭക്ഷണങ്ങൾ അറിയാതെ പോലും കഴിക്കരുത്...

ഇന്ന് പലരും നേരിടുന്ന പ്രധാന പ്രശ്നങ്ങളിലൊന്നാണ് പ്രമേഹം. തിരക്കേറിയ ജീവിതശൈലിയും അനാരോഗ്യകരമായ ആഹാര രീതികളുമെല്ലാം പ്രമേഹത്തിന് കാരണമാകുന്നുണ്ട്. പ്രമേഹ രോഗികൾ ഭക്ഷണ കാര്യങ്ങളിൽ വളരെയേറെ ശ്രദ്ധിക്കേണ്ടത് പ്രധാനമാണ്. ഭക്ഷണത്തിന്റെ കാര്യത്തിൽ ഉണ്ടാകുന്ന ചെറിയ അശ്രദ്ധ പോലും വലിയ ആരോഗ്യ പ്രശ്നങ്ങളിലേയ്ക്ക് നയിക്കാനുള്ള സാധ്യതയുണ്ട്. ഇത് പിന്നീട് ജീവൻ പോലും അപകടത്തിലാക്കും.

പ്രമേഹ രോഗികൾ എല്ലാ ഭക്ഷണവും കഴിക്കാൻ പാടില്ല. ഒരിക്കലും കഴിക്കാൻ പാടില്ലാത്ത ചില ഭക്ഷണങ്ങളെ കുറിച്ചാണ് ഇനി പറയാൻ പോകുന്നത്. ഇവ കഴിച്ചാൽ രക്തത്തിലെ പഞ്ചാസരയുടെ അളവ് വീണ്ടും വർധിക്കും. 

അത്തിപ്പഴം

പ്രമേഹ രോഗികൾ അത്തിപ്പഴം കഴിക്കരുത്. ഇതിൽ പഞ്ചസാരയും കാർബോഹൈഡ്രേറ്റും ഉയർന്ന അളവിൽ അടങ്ങിയിട്ടുണ്ട്. 

മധുരപലഹാരങ്ങൾ

പ്രമേഹരോഗികൾ പേസ്ട്രികൾ, മിഠായികൾ, ഐസ്ക്രീം, മധുരപലഹാരങ്ങൾ എന്നിവ കഴിക്കരുത്. ഇവയിലെ അമിതമായ പഞ്ചസാരയുടെ അളവ് പ്രമേഹ രോഗികളെ ദോഷകരമായി ബാധിക്കും.

സംസ്കരിച്ച ഭക്ഷണങ്ങൾ

സംസ്കരിച്ച ഭക്ഷണങ്ങളിൽ കൃത്രിമ പഞ്ചസാരയും കാർബോഹൈഡ്രേറ്റും അടങ്ങിയിട്ടുണ്ട്, ഇത് ശരീരത്തിലെ കൊഴുപ്പ് വർദ്ധിപ്പിക്കാൻ കാരണമാകുന്നു. കൂടാതെ, ഇത് പ്രമേഹ രോഗികൾക്ക് ദോഷം ചെയ്യും. 

ഉരുളക്കിഴങ്ങ്

ഉരുളക്കിഴങ്ങിൽ കാർബോഹൈഡ്രേറ്റ് വളരെ കൂടുതലാണ്. ഈ കാർബോഹൈഡ്രേറ്റുകൾ പഞ്ചസാരയായി മാറുകയും രക്തത്തിലെ പഞ്ചസാരയുടെ അളവ് വർദ്ധിപ്പിക്കുകയും ചെയ്യുന്നു. അതിനാൽ പ്രമേഹരോഗികൾ ഉരുളക്കിഴങ്ങ് കഴിക്കരുത്.

മാമ്പഴം

മാമ്പഴം പഞ്ചസാരയാൽ സമ്പന്നമാണ്. അതിനാൽ പ്രമേഹ രോഗികൾ മാമ്പഴം കഴിക്കരുത്. പ്രമേഹ രോഗികൾ വറുത്ത ഭക്ഷണങ്ങളും ഒഴിവാക്കണം. ഇതിന്റെ ഉപയോഗം രക്തത്തിലെ പഞ്ചസാരയുടെ അളവ് വർദ്ധിപ്പിക്കും.