Kidney stone: കിഡ്നി സ്റ്റോൺ ഉള്ളവരുടെ ശ്രദ്ധയ്ക്ക്..! അബദ്ധത്തിൽ പോലും ഈ പച്ചക്കറികൾ കഴിക്കരുത്

നമ്മുടെ ശരീരം വൃത്തിയായി സൂക്ഷിക്കുന്നതിൽ വൃക്കകൾ വഹിക്കുന്ന പങ്ക് ഏറെ പ്രധാനമാണ്. തിരക്കുപിടിച്ച ജീവിതശൈലിയും അനാരോഗ്യകരമായ ഭക്ഷണരീതിയും കാരണം വൃക്കകൾ ശരിയായി പ്രവർത്തിക്കാതെ വരികയും അതുവഴി വിവിധ ആരോ​ഗ്യ പ്രശ്നങ്ങൾ ഉണ്ടാകുകയും ചെയ്യുന്നു. നിങ്ങൾ അറിഞ്ഞോ അറിയാതെയോ ചെയ്യുന്ന പല തെറ്റുകളും കാരണം കിഡ്നി സ്റ്റോൺ പ്രശ്നം ആരംഭിക്കുന്നു. കിഡ്‌നിയിൽ സ്റ്റോണുള്ളവർ പല വിധത്തിലുള്ള ആരോഗ്യ പ്രശ്‌നങ്ങൾ അഭിമുഖീകരിക്കേണ്ടി വരും.

കൃത്യമായി ഭക്ഷണം കഴിക്കുകയും ദിവസവും മൂന്ന് ലിറ്റർ വെള്ളം കുടിക്കുകയും സ്ഥിരമായി വ്യായാമം ചെയ്യുകയും ചെയ്യുന്നവർക്ക് കിഡ്‌നിയുടെ കാര്യത്തിൽ ഒരു പ്രശ്‌നവും ഉണ്ടാകില്ല. കിഡ്‌നി സ്‌റ്റോൺ പ്രശ്‌നമുള്ളവർ ചില തരം പച്ചക്കറികൾ ഒഴിവാക്കണം. ഈ പ്രശ്‌നമുള്ളവർ തക്കാളി, വെള്ളരിക്ക, വഴുതന, ചീര എന്നിവ അബദ്ധത്തിൽ പോലും കഴിക്കരുത്. 

ചീരയിൽ വലിയ അളവിൽ ഓക്സലേറ്റുകൾ അടങ്ങിയിട്ടുണ്ട്. കിഡ്നി സ്റ്റോണുള്ളവർ ചീര കഴിക്കാൻ പാടില്ല. വഴുതനങ്ങയിലും ഉയർന്ന അളവിൽ ഓക്‌സലേറ്റുകൾ അടങ്ങിയിട്ടുണ്ട്. വൃക്കയിലെ കല്ലുകളുടെ വലിപ്പം കൂട്ടുന്നതിനാൽ ഓക്‌സലൈറ്റ് തീരെ കഴിക്കരുത്. കൂടാതെ വെള്ളരിക്കയുടെ അമിത ഉപഭോഗം മൂലം വൃക്ക തകരാറിലാകാനും സാധ്യതയുണ്ട്. കാരണം വെള്ളരിക്കയിൽ പൊട്ടാസ്യത്തിന്റെ അളവ് കൂടുതലാണ്. കിഡ്‌നി സ്റ്റോൺ ഉള്ളവർക്ക് ഇത് ഗുരുതരമായ പ്രശ്നങ്ങളുണ്ടാക്കും. അതുകൊണ്ട് കിഡ്‌നി സ്റ്റോണിന്റെ പ്രശ്‌നമുള്ളവർ ഭക്ഷണകാര്യത്തിൽ എപ്പോഴും ശ്രദ്ധാലുവായിരിക്കുകയും സമയാസമയങ്ങളിൽ ഭക്ഷണത്തെക്കുറിച്ച് ഡോക്ടറുടെ ഉപദേശം സ്വീകരിക്കുകയും വേണം.