Diabetics: പ്രമേഹ രോഗികളുടെ ശ്രദ്ധയ്ക്ക്; ഈ 5 ഭക്ഷണങ്ങൾ ബ്രേക്ക് ഫാസ്റ്റിൽ പാടില്ല

ഇന്ന് നമ്മുടെ ഇടയിൽ പ്രമേ​ഹ സംബന്ധമായ അസുഖങ്ങൾ അലട്ടുന്നവരുടെ എണ്ണം ദിനംപ്രതി വർധിച്ചു വരികയാണ്. പ്രമേഹ രോഗികൾ ഭക്ഷണ ശീലങ്ങളുടെ കാര്യത്തിൽ ശ്രദ്ധ പുലർത്തണം. ദൈനംദിന ഭക്ഷണകാര്യങ്ങളിൽ ഒരു വിട്ടുവീഴ്ചയും പാടില്ല. ചിട്ടയല്ലാത്ത ജീവിതശൈലിയും അനാരോ​ഗ്യകരമായ ഭക്ഷണശീലങ്ങളും ഉടനടി മാറ്റേണ്ടത് അത്യാവശ്യമാണ്. രക്തത്തിലെ പഞ്ചസാര നിയന്ത്രണത്തിലാക്കാനും ആരോഗ്യം നിലനിർത്താനും പ്രത്യേകിച്ച് 5 തരം ഭക്ഷണങ്ങൾ പ്രഭാതഭക്ഷണത്തിൽ നിന്ന് ഒഴിവാക്കണം. 

1) മധുര പലഹാരങ്ങൾ 

പ്രമേഹ രോ​ഗികൾ ഒരിക്കലും തൊടാൻ പാടില്ല. ഇതുമൂലം രക്തത്തിലെ പഞ്ചസാരയുടെ അളവ് ക്രമാതീതമായി വർദ്ധിക്കുന്നു. ഇത് പിന്നീട് ​ഗുരുതരമായ ആരോ​ഗ്യപ്രശ്നങ്ങളിലേയ്ക്ക് നയിക്കുകയും ചെയ്യും.

2) ചായ-കാപ്പി 

നമ്മളിൽ പലരും ചായയോ കാപ്പിയോ കുടിക്കാൻ ഇഷ്ടപ്പെടുന്നവരാണ്. പലരും ചായയിലോ കാപ്പിയിലോ ദിവസം തുടങ്ങാൻ ഇഷ്ടപ്പെടുന്നവരാണ്. എന്നാൽ പ്രമേഹ രോഗികൾ രാവിലെ ചായയും കാപ്പിയും ഒഴിവാക്കുന്നതാണ് നല്ലത്.

3) മൈദ 

മൈദയെ വൈറ്റ് പോയിസൺ എന്നാണ് വിളിക്കുന്നത്. മൈദ ഭക്ഷണങ്ങൾ കഴിച്ചാൽ അവ വയറ്റിൽ അടിഞ്ഞു കൂടുന്നു. ഇത് പിന്നീട് വയറുമായി ബന്ധപ്പെട്ട പ്രശ്നങ്ങൾ ഉണ്ടാക്കുന്നു. അതുകൊണ്ടാണ് പ്രമേഹരോഗികൾ മൈദ കൊണ്ട് ഉണ്ടാക്കുന്ന ഉൽപ്പന്നങ്ങൾ ഒഴിവാക്കേണ്ടത് ആവശ്യമാണെന്ന് പറയുന്നത്. 

4) പാക്കറ്റ് ജ്യൂസ്

ജ്യൂസ് കുടിക്കുന്നത് ആരോഗ്യത്തിന് നല്ലതാണെങ്കിലും പാക്കറ്റ് ജ്യൂസ് കുടിക്കരുത്. പ്രത്യേകിച്ച് രാവിലെ പ്രഭാതഭക്ഷണ സമയത്ത് ഇത് കഴിക്കാൻ പാടില്ല. ഇതിൽ നാരുകൾ കുറവാണ്, ഇത് പ്രമേഹരോഗികൾക്ക് ദോഷകരമാണ്. 

5) വറുത്ത ഭക്ഷണങ്ങൾ 

പ്രമേഹ രോഗികൾ രാവിലെ പ്രഭാതഭക്ഷണത്തിൽ ചിലതരം ഭക്ഷണങ്ങൾ ഒഴിവാക്കിയേ തീരൂ. പ്രത്യേകിച്ച് വറുത്ത ഭക്ഷണങ്ങൾ ഒരിക്കലും കഴിക്കാൻ പാടില്ല. ഇത് രക്തത്തിലെ പഞ്ചസാരയുടെ അളവ് അതിവേഗം ഉയരാൻ കാരണമാകുന്നു.