Arthritis | സന്ധിവാതം ഉള്ളവർ ഭക്ഷണക്രമീകരണത്തിൽ ഈ മാറ്റങ്ങൾ വരുത്തുന്നത് ഗുണകരമാകും
ആരോഗ്യകരവും പ്രോട്ടീൻ സമ്പന്നവുമായ ഭക്ഷണക്രമം പിന്തുടരേണ്ടത് പ്രധാനമാണ്. ആർത്രൈറ്റിസ് രോഗികളും ഭക്ഷണക്രമീകരണത്തിൽ വളരെ ശ്രദ്ധിക്കേണ്ടതുണ്ട്.
ഭക്ഷണ ശീലങ്ങളും ആരോഗ്യവും തമ്മിൽ വളരെ ബന്ധമുണ്ട്. മികച്ച ഭക്ഷണശീലങ്ങൾ പിന്തുടരുന്ന് നിങ്ങളെ ആരോഗ്യമുള്ളവരാക്കും. അതിനാൽ, ആരോഗ്യകരവും പ്രോട്ടീൻ സമ്പന്നവുമായ ഭക്ഷണക്രമം പിന്തുടരേണ്ടത് പ്രധാനമാണ്. ആർത്രൈറ്റിസ് രോഗികളും ഭക്ഷണക്രമീകരണത്തിൽ വളരെ ശ്രദ്ധിക്കേണ്ടതുണ്ട്.
സാധാരണയായി രണ്ട് തരത്തിലുള്ള സന്ധിവാത രോഗങ്ങളാണ് കണ്ടുവരുന്നത്. റുമറ്റോയ്ഡ്, ഓസ്റ്റിയോ ആർത്രൈറ്റിസ്. റൂമറ്റോയ്ഡ് ആർത്രൈറ്റിസ് ഒരു വ്യക്തിയുടെ പ്രതിരോധ സംവിധാനത്തെയാണ് ബാധിക്കുന്നത്. അതേസമയം ഓസ്റ്റിയോ ആർത്രൈറ്റിസ് തരുണാസ്ഥിയെയാണ് ബാധിക്കുന്നത്. സന്ധിവാതം മാറുന്നതിന് മരുന്നുകൾ ഉപയോഗിക്കുന്നതിനൊപ്പം തന്നെ ഭക്ഷണത്തിലെ മാറ്റങ്ങളും ഗുണം ചെയ്യും. നിങ്ങൾക്ക് ആർത്രൈറ്റിസ് ഉണ്ടെങ്കിൽ, വേദന ഒഴിവാക്കാൻ ആരോഗ്യകരമായ ഭക്ഷണ ശീലങ്ങൾ പിന്തുടരാം.
ALSO READ: Breast Cancer Symptoms : സ്തനാർബുദത്തിന്റെ ആദ്യ ലക്ഷണങ്ങൾ എന്തൊക്കെ? എങ്ങനെ കണ്ടെത്താം?
ഭക്ഷണത്തിൽ മത്സ്യം ഉൾപ്പെടുത്തുക: മീൻ കഴിക്കുന്നത് സന്ധിവാതം മൂലമുണ്ടാകുന്ന വേദന കുറയ്ക്കാൻ സഹായിക്കുന്നു. ഒമേഗ 3 ഫാറ്റി ആസിഡുകളാൽ സമ്പുഷ്ടമാണ് മത്സ്യം. ട്യൂണ, സാൽമൺ, മത്തി, അയല തുടങ്ങിയ മത്സ്യങ്ങൾ ഭക്ഷണത്തിൽ ഉൾപ്പെടുത്തുന്നത് നല്ലതാണ്. മത്സ്യം ആൻറി-ഇൻഫ്ലമേറ്ററി ഒമേഗ -3 ഫാറ്റി ആസിഡുകളുടെ മികച്ച ഉറവിടമാണ്. മത്സ്യം പതിവായി കഴിക്കുന്നത് സന്ധിവാതമുള്ളവരിൽ സന്ധികളുടെ വീക്കം കുറയ്ക്കുന്നതിന് കാരണമാകുന്നു. ഡോക്ടറുടെ നിർദേശപ്രകാരം ഒമേഗ-3 സപ്ലിമെന്റുകളും ഉപയോഗിക്കാവുന്നതാണ്.
ഭക്ഷണത്തിൽ നട്സും വിത്തുകളും ഉൾപ്പെടുത്തുക: മത്സ്യം മാത്രമല്ല, അണ്ടിപ്പരിപ്പും വിത്തുകളും ഒമേഗ 3 ഫാറ്റി ആസിഡുകളുടെ മികച്ച ഉറവിടമാണ്. സന്ധിവാതം ഉള്ള ആളുകൾക്ക് പരിപ്പ്, വിത്തുകൾ എന്നിവ മികച്ച ഭക്ഷണമാണ്. വിത്തുകളിലും നട്സിലും സെലിനിയം, വിറ്റാമിൻ ഇ എന്നിവ ധാരാളം അടങ്ങിയിട്ടുണ്ട്. പരിപ്പ്, വിത്തുകൾ എന്നിവയിൽ ഉയർന്ന പ്രോട്ടീൻ അടങ്ങിയിട്ടുണ്ട്. കൂടാതെ പൂരിത കൊഴുപ്പ് കുറവാണ്. ആർത്രൈറ്റിസ് ഉള്ളവർക്ക് പ്രശ്‌നമുണ്ടാക്കുന്ന റെഡ് മീറ്റ് പോലുള്ള ഭക്ഷണങ്ങൾക്ക് പകരമായി നട്സും വിത്തുകളും ഭക്ഷണത്തിൽ ഉൾപ്പെടുത്താവുന്നതാണ്.
ALSO READ: ക്യാൻസർ പ്രതിരോധത്തിന് ആവശ്യമായ ആ മൂലകം, കൂട്ടാൻ ഇത്രയും ഭക്ഷണങ്ങൾ
ഒലിവ് ഓയിൽ ഉൾപ്പെടുത്തുക: വെണ്ണ അല്ലെങ്കിൽ സസ്യ എണ്ണയ്ക്ക് പകരമാണ് ഒലിവ് ഓയിൽ. സന്ധിവാതം ബാധിച്ച ആളുകൾക്ക് വീക്കവും വേദനയും കുറയ്ക്കാൻ ഒലിവ് ഓയിൽ ഉപയോഗിക്കുന്നത് സഹായിക്കുന്നു. ഒലിവ് ഓയിൽ ആന്റിഓക്‌സിഡന്റുകളാൽ സമ്പുഷ്ടമാണ്. കൂടാതെ ആന്റി-ഇൻഫ്ലമേറ്ററി ഘടകങ്ങളും ഇതിൽ ഉണ്ട്. ഹൃദയത്തിന്റെ ആരോഗ്യത്തിനും ഒലിവ് ഓയിൽ മികച്ചതാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...