Mustard Oil Benefits: കടുകോളം ചെറുതല്ല കടുകെണ്ണയുടെ ​ഗുണങ്ങൾ

കടുകെണ്ണ ഇന്ത്യൻ അടുക്കളകളിൽ ഏറ്റവും സാധാരണയായി കാണപ്പെടുന്ന ചേരുവകളിൽ ഒന്നാണ്. എന്നാൽ നിങ്ങളിൽ എത്രപേർക്ക് അതിന്റെ ഔഷധ ഉപയോഗത്തെക്കുറിച്ച് അറിയാം? കടുക് ചെടിയായ ബ്രാസിക്ക ജുൻസിയയുടെ വിത്തുകളിൽ നിന്ന് കടുകെണ്ണ വേർതിരിച്ചെടുക്കുന്നു , ഇതിന് വ്യതിരിക്തമായ സുഗന്ധവും സ്വാദും ഉണ്ട്. നിങ്ങളുടെ ഭക്ഷണത്തിൽ, പ്രത്യേകിച്ച് ശൈത്യകാലത്ത് കടുകെണ്ണ ചേർക്കുന്നതിന്റെ നിരവധി ആരോഗ്യ ഗുണങ്ങൾ എന്തെല്ലാമാണെന്ന് പരിശോധിക്കാം.

ശൈത്യകാലത്തെ തണുത്തതും വരണ്ടതുമായ കാറ്റ് ജലദോഷം, പനി, വൈറൽ പനി, ചർമ്മ പ്രശ്നങ്ങൾ, ശ്വാസകോശ സംബന്ധമായ ആരോഗ്യ പ്രശ്‌നങ്ങൾ എന്നിവയ്ക്ക് കാരണമാകും. കടുകെണ്ണ ഇത്തരം രോഗങ്ങളിൽ നിന്ന് ആശ്വാസം നൽകുന്നു. മാത്രമല്ല, ചില ഗുരുതരമായ രോഗങ്ങളിൽ നിന്ന് ആശ്വാസം നൽകുന്നതിനും കടുകെണ്ണ സഹായിക്കുന്നു.

കടുകെണ്ണയിൽ ഒമേഗ-3 ഫാറ്റി ആസിഡുകളും ഒമേഗ-6 ഫാറ്റി ആസിഡുകളും പോളിഅൺസാച്ചുറേറ്റഡ് കൊഴുപ്പുകളും വിറ്റാമിൻ ഇയും ധാതുക്കളും പോലുള്ള അവശ്യ പോഷകങ്ങൾ അടങ്ങിയിട്ടുണ്ട്. ശൈത്യകാലത്ത് കടുകെണ്ണ നമുക്ക് ഒരു ഔഷധം പോലെയാണ് പ്രവർത്തിക്കുന്നത്.

ജലദോഷം, പനി എന്നിവയുടെ ലക്ഷണങ്ങളെ മറികടക്കാൻ സഹായിക്കുന്നു. തണുപ്പുകാലത്ത് ജലദോഷവും ചുമയും വളരെ സാധാരണമാണ്. ഏതാനും തുള്ളി കടുകെണ്ണ നെഞ്ചിലും മൂക്കിലും പുരട്ടിയാൽ തൽക്ഷണ ആശ്വാസം ലഭിക്കും. നെഞ്ചിൽ അടിഞ്ഞുകൂടിയ കഫം പുറന്തള്ളാനും ശരീരത്തിലെ ദ്രാവകം നീക്കം ചെയ്യാനും ഈ എണ്ണ സഹായിക്കുന്നു.

മൂക്ക് അടഞ്ഞ സാഹചര്യത്തിൽ, ചൂടുവെള്ളത്തിൽ ഏതാനും തുള്ളി കടുകെണ്ണ ചേർത്ത് ആവി പിടിക്കുക. നിങ്ങൾക്ക് കടുകെണ്ണയിൽ കുറച്ച് അല്ലി വെളുത്തുള്ളി ഇട്ട് ചെറിയ തീയിൽ അൽപനേരം ചൂടാക്കി എല്ലാ രാത്രിയും ഉറങ്ങുന്നതിന് മുമ്പ് ഇത് കുറച്ച് തുള്ളി മൂക്കിൽ ഒഴിക്കാം. 

ഹൃദയത്തെ ആരോഗ്യകരമായി നിലനിർത്തുന്നതിന് കടുകെണ്ണ സഹായിക്കുന്നു. കടുകെണ്ണയിൽ അടങ്ങിയിരിക്കുന്ന ഒമേഗ 3 അപൂരിത കൊഴുപ്പുകൾ, ഒമേഗ 6 അപൂരിത കൊഴുപ്പുകൾ, മോണോസാച്ചുറേറ്റഡ്, പോളിഅൺസാച്ചുറേറ്റഡ് അൺസാച്ചുറേറ്റഡ് കൊഴുപ്പുകൾ എന്നിവ ഇസ്കെമിക് കൊറോണറി രോഗത്തെ പകുതിയായി കുറയ്ക്കുന്നു. വിവിധ വിഭ​വങ്ങളിൽ കടുകെണ്ണ ചേർത്ത് ഭക്ഷണത്തിന്റെ ഭാ​ഗമാക്കുന്നത് ഹൃദയാരോ​ഗ്യത്തെ മികച്ചതാക്കും.

സന്ധി വേദനയിൽ നിന്ന് തൽക്ഷണം ആശ്വാസം ലഭിക്കുന്നതിന് സഹായിക്കുന്നു. ശൈത്യകാലത്ത് സന്ധി വേദന നിങ്ങളെ അലട്ടുന്നുണ്ടെങ്കിൽ, കടുകെണ്ണ നിങ്ങളുടെ ദിനചര്യയിൽ ചേർക്കാൻ ശ്രമിക്കുക. നിങ്ങൾ ചെയ്യേണ്ടത് കുറച്ച് വെളുത്തുള്ളി അല്ലികളോടൊപ്പം അസംസ്കൃതവും കംപ്രസ് ചെയ്തതുമായ കടുകെണ്ണയുടെ ഏതാനും തുള്ളി ചൂടാക്കുക. ഇനി ഈ എണ്ണ ഉപയോ​ഗിച്ച് ശരീരഭാഗങ്ങളിൽ പതിയെ മസാജ് ചെയ്യുക.

ആർത്രൈറ്റിസ് വേദനയിൽ നിന്ന് ആശ്വാസം നൽകുന്നു. ചെറുചൂടുള്ള കടുകെണ്ണ ഉപയോ​ഗിച്ച് മസാജ് ചെയ്യുന്നത് സന്ധിവേദന ഒഴിവാക്കാനും രക്തചംക്രമണം മെച്ചപ്പെടുത്താനും സഹായിക്കുന്നു. ഇതിൽ അടങ്ങിയിരിക്കുന്ന ധാതുക്കൾ കൈകാലുകളിലെ വേദനയും വീക്കവും കുറയ്ക്കാൻ സഹായിക്കുന്നു.

കുറിപ്പ്: കടുകെണ്ണ ആയുർവേദ സ്വഭാവമുള്ളതാണ്. നിങ്ങളുടെ ദിനചര്യയിൽ ഈ എണ്ണ എത്രമാത്രം ചേർക്കുന്നു എന്ന് നിങ്ങൾ ശ്രദ്ധിക്കേണ്ടതുണ്ട്. നിങ്ങളുടെ രോ​ഗാവസ്ഥയുടെ ലക്ഷണങ്ങൾ നിലനിൽക്കുന്നുണ്ടെങ്കിൽ, ഒരു ഡോക്ടറെ സമീപിച്ച് കൃത്യമായ ചികിത്സ തേടുക.