Omicron Symptoms: രണ്ട് ഡോസ് വാക്സിൻ എടുത്ത ആളുകള്‍ക്കും ഒമിക്രോണ്‍ വരാം, ഈ 7 ലക്ഷണങ്ങള്‍ അവഗണിക്കരുത്
കോവിഡിന്‍റെ പുതിയ വകഭേദമായ ഒമിക്രോണ്‍ ഭീതിയിലാണ് ലോകം. കൊറോണയുടെ മറ്റു വകഭേദങ്ങളെ അപേക്ഷിച്ച് വളരെ വേഗമാണ് ഒമിക്രോണ്‍ വ്യാപിക്കുന്നത്.
Omicron Symptoms: കോവിഡിന്‍റെ പുതിയ വകഭേദമായ ഒമിക്രോണ്‍ ഭീതിയിലാണ് ലോകം. കൊറോണയുടെ മറ്റു വകഭേദങ്ങളെ അപേക്ഷിച്ച് വളരെ വേഗമാണ് ഒമിക്രോണ്‍ വ്യാപിക്കുന്നത്.
മഹാമാരിയ്ക്കിടെയിലും ലോകം സാധാരണ നിലയിലേക്ക് വരുമെന്ന് പ്രതീക്ഷിക്കുമ്പോഴാണ് പുതിയ വകഭേദം പതിന്മടങ്ങ് ഭീകരതയോടെ എത്തിയത്.
ഒമിക്രോണ്‍ അസാധാരണമായ മ്യൂട്ടേഷനുകളുള്ള കനത്ത പരിവർത്തനം സംഭവിച്ച ഒരു കൊറോണ വകഭേദമാണ്. കഴിഞ്ഞ രണ്ട് വർഷമായി പ്രചരിച്ച മറ്റ് വകഭേദങ്ങളില്‍നിന്നും ഇത് വളരെ വ്യത്യസ്തമാണ്.
രണ്ട് ഡോസ് കോവിഡ് വാക്സിൻ എടുത്തവരും ഒമിക്രോണിന്‍റെ പിടിയില്‍ അകപ്പെടാനുള്ള സാധ്യത ഏറെയാണ്‌. ഇതുവരെയുള്ള പഠനങ്ങള്‍ അതാണ്‌ തെളിയിക്കുന്നത്. അതിനാലാണ് സര്‍ക്കാര്‍ ബൂസ്റ്റര്‍ ഡോസ് നല്‍കാനുള്ള പദ്ധതികള്‍ ആസൂത്രണം ചെയ്യുന്നത്.
വാക്സിന്‍ എടുത്തവര്‍ക്കും ഒമിക്രോണ്‍ വരാന്‍ സാധ്യതയുള്ളതിനാല്‍ അതീവ ജാഗ്രത അനിവാര്യമാണ്. ഈ പരിസ്ഥിതിയ്ല്‍ ഈ 7 ലക്ഷണങ്ങള്‍ അവഗണിക്കരുത്
Also Read: ബിഹാറിൽ കോവിഡ് മൂന്നാം തരംഗം ആരംഭിച്ചു, മുന്നറിയിപ്പ് നൽകി നിതീഷ് കുമാർ
താഴെപ്പറയുന്ന ലക്ഷണങ്ങള്‍ കണ്ടാല്‍ തീര്‍ച്ചയായും RT-PCR നടത്തി രോഗമുണ്ടോ ഇല്ലയോ എന്ന് ഉറപ്പുവരുത്തണം. ആ ലക്ഷണങ്ങള്‍ ചുവടെ:-
ചുമ: റിപ്പോർട്ടുകൾ പ്രകാരം, പൂർണ്ണമായി വാക്സിനേഷൻ എടുത്ത വ്യക്തികളിൽ ചുമയാണ് ഏറ്റവും സാധാരണമായ ലക്ഷണം. ചുമ ഉള്ളവരിൽ അടുത്ത കാലത്തായി ഒമിക്രോണ്‍ വകഭേദം ഉള്ളതായി കണ്ടെത്തിയിട്ടുണ്ട്.
Also Read: രാജ്യത്ത് ഒമിക്രോൺ കേസുകൾ എണ്ണൂറിനടുത്ത്, 9,195 പുതിയ കോവിഡ് രോഗികൾ
മൂക്കൊലിപ്പ്: ഒമിക്രോണ്‍ ബാധിച്ചവരില്‍ മൂക്കൊലിപ്പ് മറ്റൊരു സാധാരണ ലക്ഷണമാണ്, ഇത് പലപ്പോഴും പനിയുമായി ആശയക്കുഴപ്പത്തിലാകുന്നു. മൂക്കൊലിപ്പ്, തലവേദന, ക്ഷീണം തുടങ്ങിയ ഫ്ലൂവിന്‍റെ അവസ്ഥകൾ നിങ്ങൾക്കുണ്ടെങ്കിൽ, ചിലപ്പോള്‍ നിങ്ങള്‍ക്ക് ഒമിക്രോണ്‍ ഉണ്ടാവാന്‍ സാധ്യതയുണ്ട്.
ക്ഷീണം: അണുബാധ നിങ്ങളെ അമിതമായ ആലസ്യത്തിലേക്ക് നയിച്ചേക്കാം. ജലദോഷം, ചുമ, ക്ഷീണം തുടങ്ങിയ ലക്ഷണങ്ങളുണ്ടെങ്കിൽ, സ്വയം പരിശോധനയ്ക്ക് വിധേയമാക്കേണ്ട സമയമാണിത്.
തൊണ്ടവേദന: മാറിക്കൊണ്ടിരിക്കുന്ന കാലാവസ്ഥയുമായി ആളുകൾ പലപ്പോഴും തൊണ്ടവേദനയെ ബന്ധപ്പെടുത്തുന്നു. ഇത് ഒമിക്രോൺ വകഭേദത്തിന്‍റെ നാലാമത്തെ സാധാരണ ലക്ഷണമാണ്.
തലവേദന: വിവിധ കാരണങ്ങളാൽ തലവേദന ഉണ്ടാകാം, പക്ഷേ ഇത് ഒമിക്രോണിന്‍റെ സാധാരണ ലക്ഷണങ്ങളിൽ ഒന്നാണ്.
പേശി വേദന: പേശി വേദന അനുഭവിക്കുന്നുണ്ടോ? എങ്കിൽ അത് കോവിഡിന്‍റെ ലക്ഷണമാകാം. കോവിഡ് പോസിറ്റീവ് ആയ 58% ആളുകളും ഈ ലക്ഷണം പ്രകടിപ്പിച്ചിരുന്നു.
പനി: വിറയലും പനിയും പുതിയ വകഭേദത്തിന്‍റെ മറ്റൊരു സാധാരണ ലക്ഷണമാണ്.
ഒമിക്രോണ്‍ വൈറസ് കോവിഡിനേക്കാൾ ജലദോഷത്തോട് സാമ്യമുള്ളതാണെന്ന് യുകെ പഠനം പറയുന്നു. നേരെമറിച്ച്, സാധാരണ കോവിഡ് ലക്ഷണങ്ങളിൽ തുടർച്ചയായ ചുമ, ഉയർന്ന താപനില അല്ലെങ്കിൽ അവരുടെ രുചിയും ഗന്ധവും മനസ്സിലാക്കാനുള്ള കഴിവ് നഷ്ടപ്പെടുക എന്നിവ ഉൾപ്പെടുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...