Health | കുഞ്ഞിനായി തയ്യാറെടുക്കുന്നോ? കഴിക്കേണ്ടതും ഒഴിവാക്കേണ്ടതുമായ ഭക്ഷണങ്ങൾ ഇവയാണ്
ആരോഗ്യകരമായ ഗർഭധാരണത്തിന് നിങ്ങൾ കഴിക്കേണ്ട ഭക്ഷണങ്ങളിലും പ്രത്യേകം ശ്രദ്ധ പുലർത്തണം.
ന്യൂഡൽഹി: കോവിഡ്-19 കാലത്ത് പുതിയ അംഗത്തെ സ്വീകരിക്കാൻ തയ്യാറെടുക്കുമ്പോൾ, അമ്മമാരാകാൻ പോകുന്ന സ്ത്രീകൾ അനുഭവിക്കുന്ന സമ്മർദ്ദം വളരെ വലുതാണ്. എല്ലാ മുൻകരുതലുകളും പാലിക്കേണ്ടതുണ്ടെങ്കിലും, ആരോഗ്യകരമായ ഗർഭധാരണത്തിന് നിങ്ങൾ കഴിക്കേണ്ട ഭക്ഷണങ്ങളിലും പ്രത്യേകം ശ്രദ്ധ പുലർത്തണം.
ഗർഭസ്ഥ ശിശുവിന്റെ വളർച്ചയുടെ ആദ്യ ദിവസങ്ങളിൽ അത്യന്താപേക്ഷിതമായ ചില പോഷകങ്ങളുണ്ട് - പ്രത്യേകിച്ച് തലച്ചോറിന്റെയും നട്ടെല്ലിന്റെയും വളർച്ചയ്ക്ക് ആവശ്യമായവ. ആദ്യ ദിനങ്ങൾ മുതൽ ഇവ ലഭ്യമാകണം. അതിനാൽ ഗർഭധാരണത്തിനൊപ്പം ഭക്ഷണ ക്രമീകരണവും ശ്രദ്ധിക്കണം.
എല്ലാ പോഷകങ്ങളും പ്രധാനമാണെങ്കിലും, കുഞ്ഞിന്റെ വളർച്ചയിലും വികാസത്തിലും പ്രധാന പങ്ക് വഹിക്കുന്നവ ഇവയാണ് - ഫോളിക് ആസിഡ്, ഇരുമ്പ്, കാൽസ്യം, വിറ്റാമിൻ ഡി, അയോഡിൻ, ഡിഎച്ച്എ. ന്യൂറൽ ട്യൂബ് വൈകല്യങ്ങൾ (നട്ടെല്ലിനും തലച്ചോറിനുമുള്ള വൈകല്യങ്ങൾ) തടയാൻ ഫോളിക് ആസിഡ് പ്രധാനമാണ്. ഗർഭം ആസൂത്രണം ചെയ്യുമ്പോൾ, ആസൂത്രണ ഘട്ടത്തിൽ തന്നെ നിങ്ങളുടെ ഡോക്ടർ നിങ്ങൾക്ക് ഫോളിക് ആസിഡ് സപ്ലിമെന്റേഷൻ ആരംഭിക്കും, എന്നാൽ ഭക്ഷണത്തിലൂടെ ലഭിക്കുന്ന പോഷകങ്ങൾ പോലെ മറ്റൊന്നും ലഭ്യമല്ല.
ഫോളിക് ആസിഡ് ധാരാളമായി അടങ്ങിയ ഭക്ഷണ പദാർത്ഥങ്ങൾ- ഇലക്കറികൾ, പയർ വർഗ്ഗങ്ങൾ, മുട്ട, ബീറ്റ്റൂട്ട്, ഓറഞ്ച്, നാരങ്ങ, ബ്രോക്കോളി, വാൽനട്ട്, ഫ്ളാക്സ് സീഡുകൾ, ബീഫിന്റെ കരൾ, ഗോതമ്പ്, പപ്പായ, വാഴപ്പഴം, അവോക്കാഡോ.
ഇരുമ്പ് -ശ്വാസകോശത്തിൽ നിന്ന് ശരീരത്തിന്റെ മറ്റ് ഭാഗങ്ങളിലേക്ക് ഓക്സിജൻ എത്തിക്കുന്ന ഹീമോഗ്ലോബിൻ എന്ന പ്രോട്ടീൻ നിർമ്മിക്കാൻ ഇരുമ്പ് ഉപയോഗിക്കുന്നു. ഗർഭാവസ്ഥയിൽ, നിങ്ങളുടെ കുഞ്ഞിലേക്കും ഓക്സിജൻ കൊണ്ടുപോകാൻ കൂടുതൽ രക്തം ഉണ്ടാക്കാൻ നിങ്ങൾക്ക് ഇരുമ്പിന്റെ അളവ് കൂടുതൽ ആവശ്യമാണ്. നിങ്ങളുടെ കുഞ്ഞിന് രക്തം ഉണ്ടാക്കാനും ഇരുമ്പ് ആവശ്യമാണ്. അതിനാൽ, ഇരുമ്പിന്റെ ഏറ്റവും നന്നായി ആഗിരണം ചെയ്യപ്പെടുന്ന സ്രോതസ്സുകളായ കരൾ, മത്തി, സാൽമൺ, ടർക്കി തുടങ്ങിയ ഇരുമ്പ് സമ്പുഷ്ടമായ ഭക്ഷണങ്ങൾ കഴിക്കുക. പയറ്, ടോഫു, കടല, മത്തങ്ങ വിത്തുകൾ, എള്ള്, ഫ്ളാക്സ് വിത്തുകൾ, പച്ച ഇലകൾ, തക്കാളി ജ്യൂസ്/പേസ്റ്റ്, ജാക്കറ്റ് ഉരുളക്കിഴങ്ങ്, കൂൺ, പ്രൂൺ ജ്യൂസ്, ഒലിവ് എന്നിവയെല്ലാം ഇരുമ്പ് ധാരാളം ലഭിക്കുന്ന ഭക്ഷണങ്ങളാണ്. ഭക്ഷണത്തോടൊപ്പം നാരങ്ങ നീര് കഴിക്കുന്നത് സസ്യാഹാരങ്ങളിൽ നിന്ന് ഇരുമ്പിന്റെ ആഗിരണത്തെ മെച്ചപ്പെടുത്താൻ സഹായിക്കുന്നു.
കാൽസ്യം- നിങ്ങളുടെ കുഞ്ഞിന്റെ എല്ലുകൾ, പല്ലുകൾ, ഹൃദയം, പേശികൾ, ഞരമ്പുകൾ എന്നിവ വികസിപ്പിക്കാൻ കാൽസ്യം സഹായിക്കുന്നു. അതിനാൽ നിങ്ങളുടെ ഭക്ഷണത്തിൽ കാൽസ്യം ഉൾപ്പെടുത്തേണ്ടത് പ്രധാനമാണ്. പാൽ, മത്സ്യം, പാൽ ഉൽപന്നങ്ങൾ എന്നിവ കാൽസ്യത്തിന്റെ മികച്ച ഉറവിടങ്ങളാണ്. അജൈവ പാലിൽ നിന്നുള്ള അധിക ഹോർമോണുകളുടെ കടന്നുകയറ്റം ഒഴിവാക്കാൻ കഴിയുന്നത്ര ഓർഗാനിക് പാലും അതിന്റെ ഉൽപ്പന്നങ്ങളും ഉപയോഗിക്കാൻ ശ്രമിക്കുക.
വിറ്റാമിൻ ഡി- കാൽസ്യം ആഗിരണം ചെയ്യുന്നതിന് വിറ്റാമിൻ ഡി ആവശ്യമാണ്. ഇത് വളരെയധികം ഉറവിടങ്ങളിൽ നിന്ന് ലഭ്യമല്ല, അതിനാൽ നിങ്ങളുടെ ഡോക്ടറുമായി ദിവസേനയുള്ള സപ്ലിമെന്റിനെക്കുറിച്ച് ചർച്ച ചെയ്യണം. നിങ്ങളുടെ രോഗപ്രതിരോധ സംവിധാനത്തിന്റെ സമഗ്രത നിലനിർത്തുന്നതിനും വിറ്റാമിൻ ഡി പ്രധാനമാണ്. കൂൺ, സാൽമൺ എന്നിവ വൈറ്റമിൻ ഡി വർധിപ്പിക്കാൻ സഹായിക്കുന്ന ഭക്ഷണങ്ങളാണ്. സൂര്യപ്രകാശം കൊള്ളുന്നതും വൈറ്റമിൻ ഡി വർധിപ്പിക്കാൻ സഹായകമാണ്.
അയോഡിൻ- തൈറോയ്ഡ് ഹോർമോണുകൾ നിർമ്മിക്കുന്നതിന് അയോഡിൻ പ്രധാനമാണ്. ഇത് ഗർഭകാലത്ത് നിങ്ങളുടെ കുഞ്ഞിന്റെ നാഡീവ്യവസ്ഥയെ വികസിപ്പിക്കാൻ സഹായിക്കുന്നു. അതിനാൽ പഴങ്ങളും പച്ചക്കറികളും കഴിക്കുക. ഉപ്പിൽ നിന്നുള്ള അയോഡിൻ നിങ്ങളുടെ ദൈനംദിന ഉറവിടമാണ്. കൂടാതെ, മത്സ്യവും പാലുൽപ്പന്നങ്ങളും അയോഡിന്റെ നല്ല ഉറവിടങ്ങളാണ്.
നിങ്ങളുടെ സപ്ലിമെന്റ് പായ്ക്ക് ശ്രദ്ധാപൂർവ്വം പരിശോധുക്കുക. മൾട്ടിവിറ്റാമിനുകളുടെ കാര്യത്തിൽ ഡോക്ടറുമായി ആശയവിനിമയം നടത്തുക.
ഗർഭകാലത്ത് ഒഴിവാക്കേണ്ട ഭക്ഷണങ്ങൾ
• മദ്യവും പുകവലിയും കർശനമായി ഒഴിവാക്കുക
• ട്രാൻസ് ഫാറ്റുകൾ ഒഴിവാക്കുക- സസ്യ എണ്ണകൾക്ക് പകരം പരിപ്പ്/വിത്ത് എണ്ണകൾ ഉപയോഗിക്കുക.
• സംസ്കരിച്ച ഭക്ഷണങ്ങൾ ഒഴിവാക്കുക: അവയിൽ അധികവും ഉപ്പ്, പഞ്ചസാര, പ്രിസർവേറ്റീവുകൾ, കൃത്രിമ നിറം, കൊഴുപ്പ് എന്നിവ അടങ്ങിയിരിക്കുന്നു
• പഞ്ചസാരയുടെ അളവ് കുറയ്ക്കുക
(എന്തെങ്കിലും നിർദേശങ്ങൾ പിന്തുടരുന്നതിന് മുമ്പ് ദയവായി നിങ്ങളുടെ ഡോക്ടറെ സമീപിക്കുക).
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...