Sathyan Mokeri LDF Candidate: വയനാട്ടിൽ എൽ‍ഡിഎഫ് സ്ഥാനാർഥി സത്യൻ മൊകേരി; പ്രഖ്യാപിച്ച് സിപിഐ

തിരുവനന്തപുരം: വയനാട്ടിൽ എൽഡിഎഫ് സ്ഥാനാർഥി സത്യൻ മൊകേരി. പ്രിയങ്ക ​ഗാന്ധിക്കെതിരെ സത്യൻ മൊകേരി മത്സരിക്കും. സ്ഥാനാർഥിയെ സിപിഐ സംസ്ഥാന സെക്രട്ടറി ബിനോയ് വിശ്വം പ്രഖ്യാപിച്ചു. എൽഡിഎഫ് തെരഞ്ഞെടുപ്പിന് സജ്ജമാണെന്നും രാഷ്ട്രീയ പോരാട്ടമാണ് വയനാട്ടിൽ നടക്കാൻ പോകുന്നതെന്നും ബിനോയ് വിശ്വം പറഞ്ഞു. സത്യൻ മൊകേരിയേയും ഇഎസ് ബിജിമോളെയുമാണ് സ്ഥാനാർഥിത്വത്തിന് പരി​ഗണിച്ചിരുന്നത്. മൂന്ന് തവണ എംഎൽഎ ആയിരുന്ന സത്യൻ മൊകേരി നിലവിൽ സിപിഐ ദേശീയ കൗൺസിൽ അം​ഗമാണ്. ശുഭാപ്തി വിശ്വാസമുണ്ടെന്ന് സത്യൻ മൊകേരി പ്രതികരിച്ചു. വയനാട്ടിലെ ജനങ്ങൾ ഇടതുപക്ഷത്തോടൊപ്പം ചേർന്നുനിൽക്കും എന്നാണ് വിശ്വാസം.  നിയമസഭയിൽ മത്സരിച്ച  അനുഭവം  ശക്തമാണ്.  ഈ തെരഞ്ഞെടുപ്പിൽ മത്സരിക്കുന്നത് ജയിക്കുക എന്ന ലക്ഷ്യത്തോടെ.  പ്രിയങ്ക ഗാന്ധി തെരഞ്ഞെടുപ്പിൽ പരാജയപ്പെടും.  ഇന്ദിരാഗാന്ധി പരാജയപ്പെട്ട ചരിത്രം ഉണ്ടെന്നും സത്യൻ മൊകേരി ഓർമിപ്പിച്ചു.

Updating.......