P. Sarin: 'കൈ'വിട്ട് ഇനി ഇടതിനൊപ്പം; സരിനെ പുറത്താക്കി കോൺഗ്രസ്

ഇനി  ഇടതുപക്ഷത്തോട് ചേർന്ന് പ്രവർത്തിക്കുമെന്ന് കോൺ​ഗ്രസ് നേതാവ് പി. സരിൻ. രാഷ്ട്രീയമായി ബിജെപിയെ എതിർക്കുന്നത് ഇടതുപക്ഷമാണെന്നും ഇനി ജനങ്ങൾക്കിടയിലേക്ക് ഇറങ്ങുകയാണെന്നും സരിൻ പറഞ്ഞു.

സിപിഎം ആവശ്യപ്പെട്ടാൽ സ്ഥാനാർത്ഥിയാകുമെന്നും സരിൻ പറഞ്ഞു. വിഡി സതീശനെതിരെയും രാഹുൽ മാങ്കൂട്ടതിനെതിരെയും രൂക്ഷവിമർഷനമുയർത്തിയ ശേഷമാണ് പാർട്ടി മാറ്റം പ്രഖ്യാപിച്ചത്. 

അതേസമയം പാർട്ടി വിരുദ്ധ പ്രവർത്തനത്തിന്  സരിനെ കോൺ​ഗ്രസ് പുറത്താക്കി. 'ഗുരുതരമായ സംഘടനാവിരുദ്ധ പ്രവർത്തനവും അച്ചടക്ക ലംഘനവും നടത്തിയ പി.സരിനെ കോൺ​ഗ്രസ് പാർട്ടിയുടെ പ്രാഥമിക അം​ഗത്വത്തിൽനിന്ന് കെപിസിസി പ്രസിഡന്റ് കെ.സുധാകരൻ എംപി പുറത്താക്കി' ജനറൽ സെക്രട്ടറി എം.ലിജു വാർത്താക്കുറിപ്പിൽ അറിയിച്ചു.