Sprouts: മുളപ്പിച്ച പയറുവർഗങ്ങൾ നല്ലതാണ്; എന്നാൽ ദിവസവും കഴിക്കുന്നവർ ശ്രദ്ധിക്കണം
Sprouts: മുളപ്പിച്ച പയറുവർഗങ്ങൾ കാർബോഹൈ‍‍ഡ്രേറ്റുകളുടെയും കൊഴുപ്പിന്റെയും അളവ് കുറയ്ക്കുന്നു.
മുളപ്പിച്ച പയറുവർഗങ്ങൾ കഴിക്കുന്നത് ആരോഗ്യത്തിന് വളരെ നല്ലതാണെന്നാണ് ആരോഗ്യ വിദഗ്ധർ അഭിപ്രായപ്പെടുന്നത്. പ്രത്യേകിച്ച്, മുളപ്പിച്ച ചെറുപയർ. ആന്റി ഓക്സിഡന്റുകളുടെ മികച്ച ഉറവിടമാണ് മുളപ്പിച്ച പയറുവർഗങ്ങൾ. മുളപ്പിച്ച പയറിൽ സോഡിയം, കൊഴുപ്പ് എന്നിവ കുറവാണ്. മുളപ്പിച്ച പയറുവർഗങ്ങൾ കാർബോഹൈ‍‍ഡ്രേറ്റുകളുടെയും കൊഴുപ്പിന്റെയും അളവ് കുറയ്ക്കുന്നു.
എന്നാൽ, ദിവസവും മുളപ്പിച്ച പയർ കഴിക്കുന്നത് ആരോഗ്യത്തിന് നല്ലതല്ല. കാരണം ചിലരിൽ ഇത് ദഹനപ്രശ്നങ്ങൾക്ക് കാരണമാകും. വായു സംബന്ധമായ പ്രശ്നങ്ങളിലേക്കും ഇത് നയിക്കും. മുളപ്പിച്ച മുളപ്പിച്ച പയറുവർഗങ്ങൾ ആഴ്ചയിൽ മൂന്ന് ദിവസം കഴിക്കുന്നത് ശരീരഭാരം കുറയ്ക്കാൻ സഹായിക്കുമെന്ന് പഠനങ്ങൾ തെളിയിച്ചിട്ടുണ്ട്. എന്നാൽ ദിവസവും കഴിച്ചാൽ വാതം, പൈൽസ് തുടങ്ങിയ ആരോഗ്യപ്രശ്നങ്ങൾക്ക് കാരണമാകും.
മുളപ്പിച്ച പയറിനൊപ്പം കുരുമുളക്, കറുവപ്പട്ട തുടങ്ങിയവ ചേർത്ത് കഴിക്കുന്നത് ദഹനപ്രശ്നങ്ങൾ കുറയ്ക്കാൻ സഹായിക്കും. മുളപ്പിച്ച പയർ സാലഡ് രൂപത്തിൽ കഴിക്കുന്നത് ആരോഗ്യത്തിന് ഫലപ്രദമാണ്. മുളപ്പിച്ച പയർ കൊഴുപ്പും കലോറിയും കുറയ്ക്കാൻ സഹായിക്കുന്നു. ശരീരത്തിലെ ആസിഡിന്റെ അളവ് കുറച്ച് പിഎച്ച് നില നിയന്ത്രിച്ച് നിർത്താനും മുളപ്പിച്ച പയർ കഴിക്കുന്നത് നല്ലതാണ്.
Healthy Foods: വാഴപ്പഴം, അവോക്കാഡോ, സാൽമൺ എന്നിവ കഴിക്കുന്നത് സ്ത്രീകൾക്ക് ഗുണകരമെന്ന് പഠനം
വാഴപ്പഴം, അവോക്കാഡോ, സാൽമൺ എന്നിവ കഴിക്കുന്ന സ്ത്രീകളിൽ ഉപ്പിന്റെ പ്രതികൂല ഫലങ്ങൾ കുറയുന്നതായി പഠനം. പൊട്ടാസ്യം അടങ്ങിയ ഭക്ഷണക്രമം പിന്തുടരുന്ന സ്ത്രീകളിൽ കുറഞ്ഞ രക്തസമ്മർദ്ദം ഉണ്ടാകുന്നതായി കണ്ടെത്തുന്നുവെന്നാണ് പഠനം വ്യക്തമാക്കുന്നത്. എന്നാൽ, പുരുഷന്മാരിൽ പൊട്ടാസ്യവും രക്തസമ്മർദ്ദവും തമ്മിൽ അത്തരം ബന്ധമൊന്നും ഗവേഷകർ കണ്ടെത്തിയില്ല. ഉപ്പ് കൂടുതലായി ഉപയോഗിക്കുന്നത് രക്തസമ്മർദ്ദവുമായി ബന്ധപ്പെട്ടിരിക്കുന്നു. ഇത് ഹൃദയാഘാതം പോലുള്ള അതീവ ഗുരുതര ആരോഗ്യപ്രശ്നങ്ങളിലേക്ക് നയിച്ചേക്കാം. ഉപ്പിന്റെ ഉപയോഗം കുറയ്ക്കാനാണ് ആരോഗ്യ വിദഗ്ധർ നിർദേശിക്കുന്നത്. എന്നാൽ, സംസ്കരിച്ച ഭക്ഷണങ്ങളിൽ ഉപ്പിന്റെ അളവ് കൂടുതലാണ്. അതിനാൽ, ഭക്ഷണത്തിൽ ഉപ്പിന്റെ അളവ് കുറയ്ക്കുന്നത് എല്ലാവർക്കും എളുപ്പമുള്ള കാര്യമല്ല. എന്നാൽ, മൂത്രത്തിലൂടെ അധിക സോഡിയം പുറന്തള്ളാൻ പൊട്ടാസ്യം സഹായിക്കുന്നു. ഇത് സ്ത്രീകളിലെ വലിയ ആരോഗ്യനേട്ടമാണെന്നാണ് നെതർലാൻഡിലെ ആംസ്റ്റർഡാം യൂണിവേഴ്സിറ്റി മെഡിക്കൽ സെന്ററിലെ പ്രൊഫസർ ലിഫർട്ട് വോഗ്റ്റ് പറയുന്നത്.
പഠനത്തിൽ 24,963 പേർ പങ്കെടുത്തു. ഇതിൽ 11,267 പുരുഷന്മാരും 13,696 സ്ത്രീകളും ആയിരുന്നു. പുരുഷന്മാരുടെ ശരാശരി പ്രായം 59 വയസ്സും സ്ത്രീകൾക്ക് 58 വയസ്സുമായിരുന്നു. ഈ പഠനത്തിൽ പൊട്ടാസ്യം ഉപഭോഗം (പ്രതിദിനം ഗ്രാമിൽ) സ്ത്രീകളിലെ രക്തസമ്മർദ്ദവുമായി ബന്ധപ്പെട്ടിരിക്കുന്നുവെന്ന് ഗവേഷകർ കണ്ടെത്തി. പൊട്ടാസ്യം കഴിക്കുന്നത് വർദ്ധിച്ചതോടെ രക്തസമ്മർദ്ദം കുറഞ്ഞു. സോഡിയം കഴിക്കുന്നത് (കുറഞ്ഞ അളവിൽ / ഇടത്തരം അളവിൽ / ഉയർന്ന അളവിൽ) അനുസരിച്ച് വിശകലനം ചെയ്തപ്പോൾ ഉയർന്ന സോഡിയം കഴിക്കുന്ന സ്ത്രീകളിൽ മാത്രമേ പൊട്ടാസ്യവും രക്തസമ്മർദ്ദവും തമ്മിലുള്ള ബന്ധം നിരീക്ഷിക്കപ്പെട്ടുള്ളൂ. പൊട്ടാസ്യം ഭക്ഷണത്തിൽ ഉൾപ്പെടുത്തുന്നവർക്ക് ഹൃദയസംബന്ധമായ അസുഖങ്ങളുടെ അപകടസാധ്യത 13 ശതമാനം കുറവാണ്.
പുരുഷന്മാരെയും സ്ത്രീകളെയും വെവ്വേറെ വിശകലനം ചെയ്തപ്പോൾ, അനുബന്ധ അപകടസാധ്യതകൾ യഥാക്രമം ഏഴ് ശതമാനവും 11 ശതമാനവുമാണ്. ഭക്ഷണത്തിലെ ഉപ്പിന്റെ അളവ് പുരുഷന്മാരിലോ സ്ത്രീകളിലോ പൊട്ടാസ്യവും ഹൃദയ സംബന്ധമായ കാര്യങ്ങളും തമ്മിലുള്ള ബന്ധത്തെ സ്വാധീനിച്ചില്ല. ഫലങ്ങൾ സൂചിപ്പിക്കുന്നത് പൊട്ടാസ്യം ഹൃദയാരോഗ്യം സംരക്ഷിക്കാൻ സഹായിക്കുന്നു. എന്നാൽ സ്ത്രീകൾക്ക് പുരുഷന്മാരേക്കാൾ കൂടുതൽ പ്രയോജനം ലഭിക്കുന്നുവെന്നാണ്. ഉപ്പ് കഴിക്കുന്നത് പരിഗണിക്കാതെ തന്നെ പൊട്ടാസ്യവും ഹൃദയസംബന്ധമായ കാര്യങ്ങളും തമ്മിലുള്ള ബന്ധം ഒന്നുതന്നെയായിരുന്നു, ഇത് സോഡിയം വിസർജ്ജനം വർദ്ധിപ്പിച്ച് ഹൃദയത്തെ സംരക്ഷിക്കാൻ പൊട്ടാസ്യത്തിന് സാധിക്കുമെന്ന് സൂചിപ്പിക്കുന്നുവെന്നും വോഗ്റ്റ് പറയുന്നു.
(Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്)
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...