Winter Dry Fruits : മഞ്ഞ് കാലത്ത് കഴിക്കാൻ പറ്റുന്ന ഡ്രൈ ഫ്രൂട്ട്‌സ്

മഞ്ഞുകാലത്ത് ജലദോഷം, ചുമ തുടങ്ങിയ പല രോഗങ്ങളും അഭിമുഖീകരിക്കേണ്ടി വരും. ഭക്ഷണശീലങ്ങൾ മെച്ചപ്പെടുത്തുന്നതിലൂടെ ഇവ ഒഴിവാക്കാം. എങ്കിലും ചില  ഡ്രൈ ഫ്രൂട്ട്‌സ് ശൈത്യകാലത്ത് കഴിക്കുന്നതിലൂടെ നമുക്ക് പൂർണ്ണമായും ആരോഗ്യം നിലനിർത്താം. ചൂടുള്ള തരത്തിലുള്ള ഡ്രൈഫ്രൂട്ട്സ് കഴിക്കാം. 

വിറ്റാമിനുകളും ധാതുക്കളും ആന്റിഓക്‌സിഡന്റുകളും ഇവയിൽ ധാരാളമായി കാണപ്പെടുന്നു. ഇത് പ്രതിരോധശേഷി ശക്തിപ്പെടുത്തുകയും വൈറസുകളെയും അണുബാധകളെയും ചെറുക്കാനുള്ള ശക്തി വർദ്ധിപ്പിക്കുകയും ചെയ്യുന്നു. ഡ്രൈ ഫ്രൂട്ട്‌സ് കഴിച്ചാൽ ജലദോഷം ഒഴിവാക്കാം. അവ ഏതൊക്കെയാണെന്ന് നോക്കാം. 

വാൽനട്ട്

ശൈത്യകാലത്ത് വാൽനട്ട് കഴിക്കുന്നത് ഉപയോഗപ്രദമാണ്, ആരോഗ്യകരമായ കൊഴുപ്പുകൾ, പ്രോട്ടീൻ, വിറ്റാമിൻ ഇ, മഗ്നീഷ്യം, ഫോസ്ഫറസ്, ഇരുമ്പ് തുടങ്ങിയ പോഷകങ്ങൾ വാൽനട്ടിൽ അടങ്ങിയിട്ടുണ്ട്. ഇവ ഊർജം പ്രദാനം ചെയ്യുകയും ശരീര താപനില നിലനിർത്താൻ സഹായിക്കുകയും ചെയ്യും. മഞ്ഞുകാലത്ത് വാൽനട്ട് പതിവായി കഴിക്കുന്നതിലൂടെ ശരീരത്തിൽ ചൂടും തണുപ്പും നിലനിർത്താനും രോഗങ്ങൾ ഒഴിവാക്കാനും സാധിക്കും.

ബദാം

ബദാമിൽ ആരോഗ്യകരമായ കൊഴുപ്പുകൾ, പ്രോട്ടീൻ, നാരുകൾ, വിറ്റാമിനുകൾ, ധാതുക്കൾ തുടങ്ങിയവ ധാരാളമായി കാണപ്പെടുന്നു. ഇവ ശരീരത്തിന് ഗുണകരമാണ്. ശൈത്യകാലത്ത് ദിവസവും ബദാം കഴിയ്ക്കുന്നതിലൂടെ ജലദോഷം, ചുമ, മറ്റ് രോഗങ്ങൾ എന്നിവയിൽ നിന്ന് ആശ്വാസം ലഭിക്കും.

കശുവണ്ടി

കശുവണ്ടിയിൽ കലോറിയും കൊഴുപ്പും കൂടുതലാണ്, ശൈത്യകാലത്ത് ദിവസവും കശുവണ്ടി കഴിക്കുന്നത് പ്രതിരോധശേഷി ശക്തിപ്പെടുത്തുകയും വൈറസുകളും അണുബാധകളും തടയുകയും ചെയ്യും.  

പിസ്ത

പിസ്തയിൽ കലോറി, കാർബോഹൈഡ്രേറ്റ്, പ്രോട്ടീൻ, ആരോഗ്യകരമായ കൊഴുപ്പ്, വിറ്റാമിൻ ബി6, ഇരുമ്പ്, മഗ്നീഷ്യം, കാൽസ്യം, മറ്റ് ധാതുക്കൾ എന്നിവ അടങ്ങിയിട്ടുണ്ട്. മഞ്ഞുകാലത്ത് ശരീരം ചൂടാക്കാൻ പിസ്തക്ക് കഴിയും.