Habits Make You Look Old: ഈ ശീലങ്ങള്‍ ഒഴിവാക്കൂ, എന്നും ചെറുപ്പമായിരിയ്ക്കാം...!!

Habits Make You Look Old: ഇന്നത്തെ കാലത്ത് ആരും പ്രായമാകാൻ ആഗ്രഹിക്കുന്നില്ല, എല്ലാവര്‍ക്കും ചെറുപ്പമായിരിക്കാനാണ് താത്പര്യം. എന്നാൽ നമ്മുടെ ചില ദൈനംദിന ശീലങ്ങൾ നമ്മുടെ യഥാര്‍ത്ഥ പ്രായത്തിന് മുമ്പേ നമ്മെ വൃദ്ധരാക്കുന്നു. അതായത്, 30 വയസില്‍ 50 വയസ് തോന്നിക്കുന്ന ചില ജീവിത ശീലങ്ങളുണ്ട്.

നമുക്കറിയാം, വാർദ്ധക്യം ഏറ്റവുമാദ്യം പ്രത്യക്ഷപ്പെടുന്നത് നമ്മുടെ മുഖത്താണ്. ഇതിനു പ്രധാന കാരണം നമ്മുടെ ചില ശീലങ്ങളാണ്. അതായത്, നമ്മുടെ ദൈനംദിന ശീലങ്ങള്‍ നമ്മെ സമയത്തിന് മുന്‍പേ വൃദ്ധരാക്കുന്നു..!!  ഈ ശീലങ്ങൾ കാരണം, ചെറു പ്രായത്തില്‍ പോലും കൂടുതല്‍ പ്രായം തോന്നിക്കുകയും മുഖത്ത് ചുളിവുകൾ പ്രത്യക്ഷപ്പെടുകയും ചെയ്യുന്നു. 

നമ്മുടെ ദൈനംദിന ചില ശീലങ്ങൾ നമ്മെ വൃദ്ധരാക്കുന്നു. നമ്മുടെ  പ്രായത്തിന് മുന്‍പേ നമ്മെ പ്രായമായതായി തോന്നിപ്പിക്കുന്ന ആ ശീലങ്ങളെക്കുറിച്ച് അറിയാം....   

ഈ ശീലങ്ങൾ നിങ്ങളെ  വാര്‍ധക്യത്തിലേയ്ക്ക് അടുപ്പിക്കുന്നു...

മോശം ഭക്ഷണ ശീലങ്ങൾ  

നമ്മുടെ ചർമ്മത്തെ ആരോഗ്യകരമായി നിലനിർത്തുന്നതിൽ ഭക്ഷണ ശീലങ്ങൾ ഒരു പ്രധാന പങ്ക് വഹിക്കുന്നു. അനാരോഗ്യകരമായ വസ്തുക്കൾ കഴിച്ചാല്‍ അത് നമ്മുടെ ചർമ്മത്തിൽ വ്യക്തമായി കാണാം. ഇത് മാത്രമല്ല, ഇതുമൂലം നിങ്ങളുടെ ചർമ്മം കൂടുതല്‍ പ്രയഴം തോന്നിപ്പിക്കുന്ന അവസ്ഥയിലേയ്ക്ക് നീങ്ങുന്നു. നിങ്ങൾക്ക് ആരോഗ്യകരവും തിളക്കമുള്ളതുമായ ചർമ്മം ലഭിക്കണമെങ്കിൽ, നിങ്ങളുടെ ഭക്ഷണത്തിൽ പഴങ്ങളും പച്ചക്കറികളും ധാരാളം ഉൾപ്പെടുത്തുക. നിങ്ങളുടെ ഭക്ഷണത്തിൽ നിന്ന് കൊഴുപ്പുള്ള ഭക്ഷണം, കാപ്പി പഞ്ചസാര പാനീയങ്ങൾ തുടങ്ങിയവ ഉപേക്ഷിക്കണം.

അനാരോഗ്യകരമായ ഭക്ഷണക്രമവും അധികമായ പഞ്ചസാര ഉപഭോഗവും 

അനാരോഗ്യകരമായ ഭക്ഷണശീലങ്ങളുടെ അനന്തര ഫലങ്ങള്‍ അനന്തമാണ്. എന്നിരുന്നാലും, അനാരോഗ്യകരമായ ഭക്ഷണം ഒഴിവാക്കാനും ആരോഗ്യകരമായ ഭക്ഷണങ്ങൾ കഴിക്കുന്നത് ശീലമാക്കാനും ശ്രദ്ധിക്കുക. 

തുടർച്ചയായി ഇരിക്കുന്ന ശീലം 

ഇരുന്നുകൊണ്ടുള്ള ജോലി ചെയ്യുന്നവരാണോ നിങ്ങള്‍? എങ്കില്‍ ഈ  കാര്യം പ്രത്യേകം ശ്രദ്ധിക്കാം. തുടർച്ചയായ ഇരിപ്പ് നിങ്ങളുടെ ചർമ്മത്തെ ചെറുപ്രായത്തിൽ തന്നെ പ്രായമാകുന്ന അവസ്ഥ യിലേയ്ക്ക് നയിക്കുന്നു. പകൽ മുഴുവൻ മണിക്കൂറുകളോളം ഒരിടത്ത് ഇരുന്ന് ജോലി ചെയ്യുന്ന ശീലം ചിലർക്കുണ്ട്. ഈ ശീലം നിങ്ങളുടെ ആരോഗ്യത്തെ  ദോഷകരമായി ബാധിക്കും. കാരണം ഇരിക്കുന്നത് കോശങ്ങൾക്ക് പെട്ടെന്ന് പ്രായമാകാൻ കാരണമാകുന്നു, ഇതുമൂലം നിങ്ങളുടെ ചർമ്മത്തിൽ ദൃശ്യമായ വ്യത്യാസം ദൃശ്യമാകും.

വളരെ കുറച്ച് വെള്ളം കുടിക്കുന്ന ശീലം

പലർക്കും വെള്ളം കുടിയ്ക്കാന്‍ മടിയാണ്. വെള്ളം കുറച്ച് കുടിയ്ക്കുന്ന ശീലമുള്ളവര്‍ ധാരാളമാണ്. എന്നാൽ വെള്ളം കുടിക്കുന്നത് ശരീരത്തോടൊപ്പം ചർമ്മത്തെ ജലാംശം നിലനിർത്താന്‍ ഏറെ ആവശ്യമാണ്. വെള്ളം കുറച്ച് കുടിക്കുന്നത് ചർമ്മത്തെ മങ്ങിയതും നിർജീവവുമാക്കുന്നു. അതിനാൽ, നിങ്ങളുടെ ചർമ്മത്തെ ആരോഗ്യകരമായി നിലനിർത്താൻ നിങ്ങൾ ആഗ്രഹിക്കുന്നുവെങ്കിൽ, ധാരാളം വെള്ളം കുടിക്കുക.

ഉറങ്ങുന്ന വശങ്ങൾ  

ഭൂരിഭാഗം ആളുകളും എങ്ങിനെയാണ് കിടന്നുറങ്ങുന്നത് എന്ന്  ചിന്തിക്കാറില്ല. സുഖകരമായ ഒരു രീതിയില്‍ ഉറങ്ങുകയാണ്‌ പതിവ്. എന്നാല്‍, ഇത് നമ്മുടെ ആരോഗ്യത്തെയും ചര്‍മ്മത്തേയും ബാധിക്കും എന്നാണ് പഠനങ്ങള്‍ പറയുന്നത്.  വശം ചെരിഞ്ഞു കിടന്നുറങ്ങുന്നവര്‍ക്ക് മുഖത്ത് ചുളിവുകള്‍ ഉണ്ടാകാം.  ഇത് ക്രമേണ ചര്‍മ്മത്തിന് അധികം  പ്രായം തോന്നിപ്പിക്കുന്ന  അവസ്ഥയിലേയ്ക്ക് എത്തിയ്ക്കും. 

സൂര്യപ്രകാശം ഏൽക്കുന്നതും സൺസ്‌ക്രീൻ ഉപയോഗിക്കാതിരിക്കുന്നതും

അധികം സൂര്യപ്രകാശം ഏല്‍ക്കുന്നത് ചർമ്മത്തിന് ഒട്ടും ആരോഗ്യകരമല്ല. ദീർഘനേരം സൂര്യപ്രകാശം ഏൽക്കുന്നത് ചര്‍മ്മത്തില്‍ ചുളിവുകൾക്ക് കാരണമാകുകയും ചര്‍മ്മത്തില്‍ ഉണ്ടാകുന്ന  വാര്‍ദ്ധക്യ ലക്ഷണങ്ങള്‍ പ്രകടമാവുന്നത് 8% വേഗത്തിലാക്കുകയും ചെയ്യും. സൂര്യന്‍റെ അൾട്രാവയലറ്റ് രശ്മികൾ ചുളിവുകൾ, ചര്‍മ്മത്തില്‍ അയവ്,  പിഗ്മെന്‍റേഷൻ, വരൾച്ച എന്നിവയ്ക്ക് കാരണമാകും. ആ അവസരത്തിലാണ് സൺസ്ക്രീൻ രക്ഷയ്ക്കായി എത്തുന്നത്‌. സൺസ്‌ക്രീനിന്‍റെ  സ്ഥിരമായ ഉപയോഗം ഏകദേശം 20 ശതമാനം സൂര്യരശ്മികളെ തടയും. ഇത് ചര്‍മ്മത്തിന്‍റെ രക്ഷയ്ക്ക് ഏറെ സഹായകരമാണ്.  അതിനാല്‍, വേഗത്തിൽ പ്രായമാകുന്നത് തടയാൻ നിങ്ങൾ ആഗ്രഹിക്കുന്നുവെങ്കിൽ സൺസ്ക്രീൻ ഉപയോഗിക്കാതെ വെളിയില്‍ ഇറങ്ങുന്നത് പൂര്‍ണ്ണമായും ഒഴിവാക്കുക. 

പുകവലിയും മദ്യപാനവും  

പുകവലി ആരോഗ്യത്തിന് ഹാനികരമാണ്. സിഗരറ്റിന്‍റെ ഓരോ ബോക്സിലും നമുക്ക് ഈ ഈ മുന്നറിയിപ്പ് കാണുവാന്‍ സാധിക്കും.  എന്നിരുന്നാലും നമ്മളിൽ പലരും പുകവലി തിരഞ്ഞെടുക്കുന്നു. ഇത് വിവിധ അവയവങ്ങളുടെ  ആരോഗ്യകരമായ അവസ്ഥയെ വഷളാക്കുന്നു. ഒപ്പം ഇത് ഇത് ചർമ്മത്തിനും ഏറെ ദോഷം വരുത്തുന്നു. അതായത്,  വാർദ്ധക്യം വേഗത്തിലാക്കുന്നു.

കൂടാതെ, പതിവായി മദ്യം കഴിക്കുന്നത് വാർദ്ധക്യത്തെ വേഗത്തിലാക്കും, കാരണം ഇത് വിവിധ അവയവങ്ങളുടെ പ്രവർത്തനത്തെ വളരെയധികം ബാധിക്കുന്നു.

ഇലക്ട്രോണിക് ഉപകരണങ്ങളുടെ അമിത ഉപയോഗം 

ആളുകൾ വീട്ടിലിരുന്ന് ജോലി ചെയ്യാൻ ഇഷ്ടപ്പെടുന്ന ഇന്നത്തെ കാലഘട്ടത്തിൽ, ഞങ്ങളുടെ ജോലികളിൽ ഭൂരിഭാഗവും ഓൺലൈനിലോ ഇലക്ട്രോണിക് ഉപകരണങ്ങൾ ഉപയോഗിച്ചോ ആണ് ചെയ്യുന്നത്.  സാധാരണയായി, ആളുകൾ ഇലക്ട്രോണിക് ഉപകരണങ്ങൾ ഉപയോഗിച്ച് പ്രതിദിനം ആറ് മണിക്കൂറിലധികം ചെലവഴിക്കുന്നു. നീല വെളിച്ചം നിങ്ങളുടെ ചർമ്മകോശങ്ങളെ ബാധിക്കുകയും കോശങ്ങൾ ചുരുങ്ങാൻ ഇടയാക്കുകയും ചെയ്യും. ഇതും വാര്‍ദ്ധഖ്യത്തെ എളുപ്പം ക്ഷണിച്ചു വരുത്താന്‍ ഇടയാക്കുന്നു.