Green Chilli Benefits: എരിവ് മാത്രമല്ല ആരോഗ്യവും നൽകും, പറഞ്ഞാൽ തീരില്ല പച്ചമുളകിന്റെ ആരോഗ്യ ഗുണങ്ങൾ
പച്ചമുളക് രക്തത്തിലെ കൊളസ്ട്രോളിന്റെ അളവ് കുറയ്ക്കുക വഴി അതിറോസ്ക്ലീറോസിസ് ഉണ്ടാകാനുള്ള സാധ്യതയും കുറയ്ക്കുന്നു.
ഭക്ഷണം പാകം ചെയ്യുന്നതിലെ ഒരു പ്രധാന ഘടകമാണ് ഈ പച്ചമുളക്. ഇതില്ലാതെ കറികൾ ഉണ്ടാക്കിയാൽ ഒരു സംതൃപ്തി ഉണ്ടാവില്ല. മുളക് പൊടിയെക്കാളേറെ പച്ചമുളകിന്റെ എരിവാണ് പലർക്കും ഇഷ്ടം. ചുക്കില്ലാത്ത കഷായമില്ല എന്ന് പറയും പോലെ തന്നെയാണ് പച്ചമുളകിന്റെ കാര്യവും. പച്ചമുളകില്ലാത്ത അടുക്കള ഉണ്ടാവില്ല. എന്നാൽ ചിലർക്ക് കറികളിൽ എരിവ് താൽപര്യമുണ്ടാകില്ല. അത് കൊണ്ട് തന്നെ അവർ അത് ഒഴിവാക്കാറുണ്ട്. പച്ചമുളക് തിന്നാൽ എരിയും, ഇതായിരിക്കുമല്ലോ എല്ലാവരുടെയും മനസിലുള്ളത്. പച്ചമുളകിന്റെ ആരോഗ്യ ഗുണങ്ങളെക്കുറിച്ച് എത്ര പേർക്ക് അറിയാം?
തമാശയല്ല, കറികൾക്ക് എരിവ് കിട്ടാൻ വേണ്ടി പാകം ചെയ്യുന്ന ഈ പച്ചമുളകിന്റെ ആരോഗ്യ ഗുണങ്ങൾ അറിഞ്ഞാൽ പിന്നെ നിങ്ങൾ അത് ഒഴിവാക്കില്ല. പച്ചമുളകിൽ ക്യാപ്‌സൈസിൻ എന്ന രാസ തന്മാത്രയുണ്ട്. ഇതാണ് നിങ്ങളുടെ ഭക്ഷണത്തിന് 'എരിവ്' നൽകുന്നത്. ഒപ്പം അവിശ്വസനീയമായ ചില ആരോഗ്യ ഗുണങ്ങളും ഇതിനുണ്ട്. പച്ചമുളകിൽ വൈറ്റമിൻ സിയും ഉണക്കമുളകിൽ വിറ്റാമിൻ എയും കൂടുതലാണ്. വിറ്റാമിൻ ബി, ഇ, ഇരുമ്പ്, പൊട്ടാസ്യം എന്നിവയാൽ സമ്പുഷ്ടമാണ് പച്ചമുളക്. പച്ചമുളകിന്റെ ചില അത്ഭുതകരമായ ആരോഗ്യ ഗുണങ്ങളെ കുറിച്ച് അറിയാം.
ആരോഗ്യകരമായ ചർമ്മം നിലനിർത്തുന്നു: പച്ചമുളകിൽ ഉയർന്ന അളവിൽ വിറ്റാമിൻ സി അടങ്ങിയിട്ടുണ്ട്. ഇത് ചർമ്മത്തെ കൂടുതൽ കൊളാജൻ ഉത്പാദിപ്പിക്കാൻ സഹായിക്കുന്നു. നിങ്ങളുടെ ചർമ്മത്തിന് ആരോഗ്യകരവും മനോഹരവുമായ തിളക്കം നൽകുന്നതിനാൽ ഈ വിറ്റാമിൻ നിങ്ങളുടെ സൗന്ദര്യസംരക്ഷണത്തിന് ആവശ്യമാണ്. പച്ചമുളകിൽ വിറ്റാമിൻ ഇ അടങ്ങിയിട്ടുണ്ട്. ഇത് വാർദ്ധക്യത്തെ ചെറുക്കാൻ സഹായിക്കുന്നു.
Also Read: മുടി കൊഴിച്ചിലുണ്ടോ, വിഷമിക്കേണ്ട ഇവ ഭക്ഷണത്തിൽ ഉൾപ്പെടുത്തിയാൽ മതി
ശരീരഭാരം കുറയ്ക്കാൻ സഹായിക്കുന്നു: പച്ചമുളകിൽ കലോറി ഇല്ല. ശരീരഭാരം കുറയ്ക്കാൻ ആഗ്രഹിക്കുന്ന ആളുകൾക്ക് അനുയോജ്യമാണ്. പച്ചമുളകിന്റെ ദൈനംദിന ഉപഭോഗം മെറ്റബോളിസത്തെ 50% വർധിപ്പിക്കുന്നു. ശരീരഭാരം കുറയ്ക്കാൻ സഹായിക്കുന്നു.
പച്ചമുളകിന് ആന്റീഡിപ്രസന്റുകളായും മൂഡ് സ്റ്റെബിലൈസറായും പ്രവർത്തിക്കാൻ കഴിയും. തലച്ചോറിലെ എൻഡോർഫിൻ (ഫീൽ ഗുഡ് ഹോർമോൺ) അളവ് ഉയർത്തുന്ന ക്യാപ്‌സൈസിൻ സാന്നിധ്യമാണ് ഇതിന് കാരണം. നിങ്ങളുടെ ഭക്ഷണത്തിൽ പച്ചമുളക് ഉൾപ്പെടുത്തുന്നത് ഉറപ്പാക്കുക, അതിലൂടെ നിങ്ങൾക്ക് അവയുടെ എല്ലാ ഗുണങ്ങളും ആസ്വദിക്കാനാകും, എന്നാൽ അവ മിതമായി ഉപയോഗിക്കണം.
പച്ചമുളക് രക്തത്തിലെ കൊളസ്ട്രോളിന്റെ അളവ് കുറയ്ക്കുക വഴി അതിറോസ്ക്ലീറോസിസ് ഉണ്ടാകാനുള്ള സാധ്യതയും കുറയ്ക്കുന്നു. രക്തം കട്ടപിടിക്കുന്നതിനെ തടയുക വഴി ഹൃദയാഘാതവും പക്ഷാഘാതവും തടയാനും പച്ചമുളകിന് സാധിക്കും. രക്തത്തിലെ പഞ്ചസാരയുടെ അളവ് നിയന്ത്രിക്കാനും പച്ചമുളകിന് കഴിയുമെന്ന് തെളിഞ്ഞിട്ടുണ്ട്. പ്രമേഹരോഗികൾക്ക് കഴിക്കാവുന്ന ഒന്നാണ് പച്ചമുളക്.
പച്ചമുളകിന്റെ ആൻറി-ഇൻഫ്ലമേറ്ററി സ്വഭാവസവിശേഷതകൾ ശരീരത്തിലെ വേദനയുടെ അളവ് കുറയ്ക്കാൻ സഹായിക്കുന്നു. സന്ധിവാതം, ഓസ്റ്റിയോപൊറോസിസ് തുടങ്ങിയ കോശജ്വലന രോഗങ്ങളുള്ള രോഗികൾക്ക് ഇത് പ്രത്യേകിച്ചും നല്ലതാണ്. നിരോക്സീകാരികൾ ധാരാളമുള്ള പച്ചമുളക്, ഫ്രീ റാഡിക്കലുകളിൽ നിന്നു ശരീരത്തെ സംരക്ഷിക്കും. ഇവ അർബുദം തടയുന്നു. പ്രോസ്റ്റേറ്റ് പ്രശ്നങ്ങൾ വരാതെ തടയാനും പച്ച മുളക് സഹായിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...