Ginger For Immunity: രോ​ഗപ്രതിരോധശേഷി വർധിപ്പിക്കാം, അണുബാധകളെ തടയാം; ഇഞ്ചി ഇങ്ങനെ കഴിക്കൂ!

മഴക്കാലം നിരവധി അണുബാധകളുടെയും രോ​ഗസാധ്യതകളുടെയും കൂടി കാലമാണ്. കാലാവസ്ഥാ വ്യതിയാനങ്ങൾ വിവിധ രോ​ഗങ്ങളും വൈറസുകളും വ്യാപിക്കാൻ ഇടയാക്കും. ഈ സമയം, വിവിധ പകർച്ചാവ്യാധികൾ പടരുന്നു. കൂടാതെ ഡെങ്കിപ്പനി, മലേറിയ തുടങ്ങിയ മഴക്കാല രോ​ഗങ്ങളും അപകടസാധ്യത വർധിപ്പിക്കുന്നു.

അതിനാൽ തന്നെ മഴക്കാലത്ത് രോ​ഗപ്രതിരോധശേഷി വർധിപ്പിക്കേണ്ടത് പ്രധാനമാണ്. രോ​ഗപ്രതിരോധ ശേഷി വർധിപ്പിക്കുന്നതിന് ആരോ​ഗ്യകരമായ ഭക്ഷണക്രമവും ജീവിതശൈലിയും പിന്തുടരേണ്ടത് പ്രധാനമാണ്. ഇഞ്ചി നിരവധി ആരോ​ഗ്യ ​ഗുണങ്ങളുള്ള ഒരു സു​ഗന്ധവ്യ‍ഞ്ജനമാണ്. ഇതിൽ വിറ്റാമിൻ സി, അവശ്യ ധാതുക്കൾ എന്നിവ അടങ്ങിയിരിക്കുന്നു. ഇത് രോ​ഗപ്രതിരോധശേഷി വ‍ർധിപ്പിക്കുന്നതിന് മികച്ചതാണ്.

ജിഞ്ചർ ടീ: ഇഞ്ചി ചായ കുടിക്കുന്നത് ശരീരത്തിലെ വീക്കം കുറയ്ക്കാനും ജലദോഷം, പനി എന്നിവയിൽ നിന്ന് ആശ്വാസം നൽകാനും സഹായിക്കുന്നു. ഇഞ്ചി രോ​ഗപ്രതിരോധശേഷി മികച്ചതാക്കാനും മൊത്തത്തിലുള്ള ആരോ​ഗ്യം സംരക്ഷിക്കാനും നല്ലതാണ്.

ഇഞ്ചി വെള്ളം: ഇഞ്ചി ചേർത്ത് വെള്ളം തിളപ്പിച്ച് കുടിക്കുന്നത് രോ​ഗപ്രതിരോധ ശേഷി വർധിപ്പിക്കാൻ മികച്ച മാർ​ഗമാണ്. ഇഞ്ചിയിലെ ആൻ്റി-ഇൻഫ്ലമേറ്ററി, ആൻ്റിഓക്‌സിഡൻ്റ് ഗുണങ്ങൾ വൈറൽ അണുബാധകളെ തടയാൻ സഹായിക്കുന്നു.

ഇഞ്ചി ജ്യൂസ്: ഇഞ്ചി ജ്യൂസ് കുടിക്കുന്നത് മഴക്കാലത്ത് വിവിധ രോ​ഗങ്ങളെ ചെറുക്കാനും ആരോഗ്യം മികച്ചതാക്കാനും ഗുണം ചെയ്യും. പനി, ജലദോഷം, ചുമ എന്നിവയുടെ ലക്ഷണങ്ങൾ കുറയ്ക്കാനും തൊണ്ട വേദന ശമിപ്പിക്കാനും പ്രതിരോധശേഷി വർധിപ്പിക്കാനും ഇത് മികച്ചതാണ്.

ഇഞ്ചി കറിയിൽ ചേ‍‍ർത്ത് കഴിക്കാം: ഇഞ്ചി സാധാരാണയായി പാചകത്തിന് ഉപയോ​ഗിക്കുന്നു. വിവിധ കറികളിൽ ഇഞ്ചി ചേർക്കാറുണ്ട്. ഭക്ഷണത്തിൽ ഇഞ്ചി ചേർക്കുന്നത് രുചി വർധിപ്പിക്കുക മാത്രമല്ല രോഗപ്രതിരോധ ശേഷി വർധിപ്പിക്കുകയും ചെയ്യുന്നു.

ഇഞ്ചി സ്മൂത്തികളിൽ ചേർക്കാം: സ്മൂത്തികളിൽ ഇഞ്ചി ചേർക്കുന്നത് രുചിയും പോഷക​ഗുണങ്ങളും വർധിപ്പിക്കും. ഈ കോമ്പിനേഷൻ പ്രതിരോധശേഷി മെച്ചപ്പെടുത്തുക ശരീരത്തിന് ആവശ്യമായ അവശ്യപോഷകങ്ങളും നൽകുന്നു.