Weight Loss Drinks: ശരീരഭാരം കുറയ്ക്കാനുള്ള പാനീയങ്ങൾ; വേനൽക്കാലത്ത് കലോറി കുറഞ്ഞ ഈ പാനീയങ്ങൾ കുടിക്കാം

ശരീരഭാരം കുറയ്ക്കുന്നതിന് കൃത്യമായ ഭക്ഷണക്രമവും വ്യായാമവും ദിനചര്യയുടെ ഭാ​ഗമാക്കേണ്ടത് പ്രധാനമാണ്. ശരീരഭാരം കുറയ്ക്കാനുള്ള ദിനചര്യയിൽ വിവിധ പാനീയങ്ങൾ പ്രധാന പങ്കുവഹിക്കുന്നു. രാവിലെ നമ്മൾ പാലിക്കുന്ന ഭക്ഷണക്രമം ദിവസം മുഴുവൻ ഊർജം പ്രധാനം ചെയ്യുന്നതിൽ പ്രധാന പങ്കുവഹിക്കുന്നു.

ആരോ​ഗ്യകരമായ പാനീയങ്ങൾ രാവിലെ ശീലമാക്കുന്നത് വേനൽക്കാലത്ത് രാവിലെയുണ്ടാകുന്ന ക്ഷീണം കുറയ്ക്കാനും മെറ്റബോളിസം വേ​ഗത്തിലാക്കാനും സഹായിക്കും. കലോറി കുറഞ്ഞ പാനീയങ്ങൾ തിരഞ്ഞെടുക്കുന്നത് ശരീരഭാരം കുറയ്ക്കാനും ആരോ​ഗ്യകരമായ ഭാരം നിലനിർത്താനും സഹായിക്കും.

ചെറുചൂടുള്ള നാരങ്ങ വെള്ളം: ഒരു കപ്പ് ചെറുചൂടുള്ള വെള്ളത്തിൽ അര നാരങ്ങയുടെ നീര് ചേർക്കുക. നാരങ്ങ വെള്ളം ഉന്മേഷവും ജലാംശവും നൽകും. ഇതിൽ കലോറി കുറവാണ്. ഇത് ദഹനത്തെ സഹായിക്കുകയും മെറ്റബോളിസം വർധിപ്പിക്കുകയും വിറ്റാമിൻ സി നൽകുകയും ചെയ്യും.

​ഗ്രീൻ ടീ: മെറ്റബോളിസം വർധിപ്പിക്കാനും ശരീരഭാരം കുറയ്ക്കാനും ​ഗ്രീൻ ടീ മികച്ചതാണ്. വയറിലെ കൊഴുപ്പ് കുറയ്ക്കാൻ സഹായിക്കുന്ന കാറ്റെച്ചിൻസ് എന്ന ആന്റി ഓക്സിഡന്റുകൾ ​ഗ്രീൻ ടീയിൽ അടങ്ങിയിരിക്കുന്നു. ഇതിന് കലോറി കുറവാണ്. ​ഗ്രീൻ ടീ മധുരം ചേർക്കാതെ രാവിലെ കഴിക്കുന്നത് നല്ലതാണ്.

തേങ്ങാവെള്ളം: തേങ്ങാവെള്ളം നിരവധി ആരോ​ഗ്യ ​ഗുണങ്ങൾ നൽകുന്നു. ഇത് പ്രകൃതിദത്ത ഇലക്ട്രോലൈറ്റാണ്. ഇത് ശരീരത്തിലെ ഇലക്ട്രോലൈറ്റുകളുടെ സന്തുലിതാവസ്ഥ ഉറപ്പാക്കുന്നു. തേങ്ങാവെള്ളം ശരീരത്തിൽ കൂടുതൽ നേരം ജലാംശം നിലനിർത്തുകയും വയറിലെ കൊഴുപ്പ് കത്തിക്കാൻ ആവശ്യമായ പോഷകങ്ങൾ നൽകുകയും ചെയ്യുന്നു.

ഹെർബൽ പാനീയങ്ങൾ: പെപ്പർമിന്റ്, ചമോമൈൽ, ഇഞ്ചി ചായ പോലുള്ള ഹെർബൽ പാനീയങ്ങൾ ആരോ​ഗ്യത്തിന് ​ഗുണം ചെയ്യും. ഈ പാനീയങ്ങളിൽ കലോറി കുറവാണ്. മാത്രമല്ല, ഇവ ദഹനത്തെ സഹായിക്കാനും വയറുവേദന കുറയ്ക്കാനും മൊത്തത്തിലുള്ള ആരോ​ഗ്യം മികച്ചതാക്കാനും ഇവ സഹായിക്കുന്നു.

വെജിറ്റബിൾ ജ്യൂസ്: ചീര, സെലറി, കുക്കുമ്പർ, നാരങ്ങ, ഇഞ്ചി എന്നിവ സംയോജിപ്പിച്ച് ജ്യൂസ് തയ്യാറാക്കി കുടിക്കുന്നത് ആരോ​ഗ്യത്തിന് ​ഗുണം ചെയ്യും. പച്ചക്കറി ജ്യൂസുകൾ പോഷകസമ്പുഷ്ടമാണ്. ഇവ ശരീരത്തിന് ആവശ്യമായ ജലാംശം നൽകുന്നു. കലോറി കുറഞ്ഞ പാനീയങ്ങൾ കുടിച്ചുകൊണ്ട് ദിവസം ആരംഭിക്കുന്നത് ശരീരഭാരം കുറയ്ക്കാൻ സഹായിക്കും.