പിറകിലേക്കെടുത്തപ്പോള്‍ ശ്രദ്ധിച്ചില്ല, ബെന്‍സ് കയറിയിറങ്ങി പത്ത് മാസം പ്രായമുള്ള കുഞ്ഞ് മരിച്ചു
പിറകിലേക്കെടുത്ത കാര്‍ കയറിയിറങ്ങി പത്ത് മാസം പ്രായമുള്ള കുഞ്ഞിന് ദാരുണാന്ത്യം.
ന്യൂഡല്‍ഹി: പിറകിലേക്കെടുത്ത കാര്‍ കയറിയിറങ്ങി പത്ത് മാസം പ്രായമുള്ള കുഞ്ഞിന് ദാരുണാന്ത്യം.
ഞായറാഴ്ച നടന്ന അപകടത്തില്‍ ഡല്‍ഹി തിലക് നഗറില്‍ താമസിക്കുന്ന രാധികയാണ് മരിച്ചത്. വീടിന് പിന്നില്‍ കളിച്ചുകൊണ്ടിരുന്ന കുഞ്ഞിന്‍റെ മുകളിലേക്ക് അശ്രദ്ധമായെടുത്ത വണ്ടി കയറിയിറങ്ങുകയായിരുന്നു.
കാര്‍ ഓടിച്ച അഖിലേഷ് എന്നയാളെ പോലീസ് അറസ്റ്റ് ചെയ്തു. പാര്‍ക്കിംഗ് ഏരിയയില്‍ നിര്‍ത്തിയിട്ടിരുന്ന ആഡംബര കാര്‍ അശ്രദ്ധമായാണ് ഇയാള്‍ പുറകിലേക്ക് എടുത്തതെന്ന് പോലീസ് പറയുന്നു.
താരങ്ങളുടെ പ്രതിഫലത്തില്‍ കത്തിവച്ച് നിര്‍മ്മാതാക്കള്‍, ചിലവ് 50% കുറയ്ക്കാതെ സിനിമ ചെയ്യില്ല!!
കാറിന് പിറകിലായി കുഞ്ഞ് കളിച്ചുകൊണ്ടിരിക്കുകയായിരുന്നു. അപകടത്തില്‍ ഗുരുതരമായി പരിക്കേറ്റ കുഞ്ഞിനെ ഉടന്‍ തന്നെ ദീന്‍ദയാല്‍ ഉപാധ്യായ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
വ്യാപാരിയായ ജസ്ബീര്‍ സിംഗിന്‍റെ ഉടമസ്ഥതയിലുള്ള കാറാണിത്. മെഴ്സിഡസ് ബെന്‍സ് എസ്യുവിയായിരുന്നു കാര്‍. സംഭവത്തില്‍ കേസെടുത്ത് അന്വേഷണം ആരംഭിച്ചു. ഫോറന്‍സിക് ഉദ്യോഗസ്ഥര്‍ സ്ഥലത്തെത്തി തെളിവെടുപ്പ് നടത്തി. കുഞ്ഞിന്‍റെ മൃതദേഹം പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കുമെന്ന് പോലീസ് അറിയിച്ചു.