വിജയവാഡയില്‍ വിനോദസഞ്ചാര ബോട്ട് മുങ്ങി 17 പേര്‍ മരിച്ചു

വി​ജ​യ​വാ​ഡ: ആ​ന്ധ്രാ​പ്ര​ദേ​ശി​ലെ വിജയവാഡയില്‍ കൃ​ഷ്ണ നദിയി​ൽ വിനോദസഞ്ചാര ബോ​ട്ട് മു​ങ്ങി കാ​ണാ​താ​യ യാ​ത്ര​ക്കാ​രി​ൽ 17 പേ​രു​ടെ മൃ​ത​ദേ​ഹം ക​ണ്ടെ​ടു​ത്തു. നി​ര​വ​ധി പേ​രെ ഇ​നി​യും ക​ണ്ടു​കി​ട്ടാ​നു​ണ്ട്. തെ​ര​ച്ചി​ൽ ഇപ്പോഴും തു​ട​രു​ക​യാ​ണ്. 

‌
38 വി​നോ​ദ​സ​ഞ്ചാ​രി​ക​ളു​മാ​യി പോ​കു​ക​യാ​യി​രു​ന്ന സ്വ​കാ​ര്യ ഏ​ജ​ൻ​സി​യു​ടെ ബോ​ട്ടാ​ണ് മു​ങ്ങി​യ​ത്. 20 പേരെ രക്ഷപ്പെടുത്തി. ഞാ​യ​റാ​ഴ്ച വൈ​കു​ന്നേ​രം കൃ​ഷ്ണ-​ഗോ​ദാ​വ​രി ന​ദി​ക​ളു​ടെ സം​ഗ​മ​സ്ഥാ​ന​ത്താ​ണ് അ​പ​ക​ടം ന​ട​ന്ന​ത്. വെളിച്ചക്കുറവ് കാരണം ഗതിമാറിയ ബോട്ട് മണല്‍ത്തിട്ടയില്‍ ഇടിച്ചതാണ് അപകടകാരണമെന്നാണ് നിഗമനം. യാത്രക്കാര്‍ ആരും ലൈഫ് ജാക്കറ്റ് ധരിച്ചിരുന്നില്ല. ഇ​വ​ർ ഭ​വാ​നി ദ്വീ​പി​ൽ​നി​ന്നും പ​വി​ത്ര സം​ഗ​മ​ത്തി​ലേ​ക്കു​പോ​കു​ക​യാ​യി​രു​ന്നു. ചെ​റു ബോ​ട്ടി​ൽ അ​നു​വ​ദ​നീ​യ​മാ​യ​തി​ലും അ​ധി​കം ആ​ളു​ക​ൾ ക​യ​റി​യ​താ​ണ് അ​പ​ക​ട​ത്തി​നു കാ​ര​ണ​മാ​യ​തെ​ന്നു പ​റ​യു​ന്നു. ബോ​ട്ടി​ൽ ലൈ​ഫ് ജാ​ക്ക​റ്റു​ക​ളി​ല്ലാ​യി​രു​ന്നെ​ന്നും സു​ര​ക്ഷ​യ്ക്കാ​യി ബോ​ട്ടി​ൽ ഒ​രു സൗ​ക​ര്യ​വും ക്ര​മീ​ക​രി​ച്ചി​രു​ന്നി​ല്ലെ​ന്നും അ​പ​ക​ട​ത്തി​ൽ​നി​ന്നും ര​ക്ഷ​പ്പെട്ടൊ​രാ​ൾ പ​റ​ഞ്ഞു. ദേ​ശീ​യ ദു​ര​ന്ത നി​വാ​ര​ണ സേ​ന ര​ക്ഷാ​പ്ര​വ​ര്‍​ത്ത​ന​ത്തി​നാ​യി എ​ത്തി​യി​ട്ടു​ണ്ട്.