Road Accident: കാറും ലോറിയും കൂട്ടിയിടിച്ച് 8 മരണം; മരിച്ചത് ഒരു കുടുംബത്തിലെ ഏഴുപേർ

ചെന്നൈ: തമിഴ്നാട് തിരുവണ്ണാമലയിൽ കാറും ലോറിയും കൂട്ടിയിടിച്ച് എട്ടുപേര്‍ മരിച്ചു. ഒരു കുടുംബത്തിലെ ഏഴ് പേരും ഡ്രൈവറുമാണ് മരിച്ചത്. മരിച്ചവരിൽ മൂന്ന് കുട്ടികളും ഉൾപ്പെടുന്നു. ബെംഗളൂരു ദേശീയപാതയിൽ പക്രിപാളത്തുവച്ചാണ്  അപകടം സംഭവിച്ചത്. ബെംഗളൂരുവിലേക്കുള്ള യാത്രയ്ക്കിടെ കാർ നിയന്ത്രണംവിട്ട് ലോറിയിൽ ഇടിക്കുകയായിരുന്നു. 6 പേർ സംഭവസ്ഥലത്ത് വെച്ച് തന്നെ മരിച്ചു. 2 പേർ ആശുപത്രിയിൽ വച്ചുമാണ് മരിച്ചത്.  

അപകടം സംഭവിച്ചതിന് പിന്നാലെ ലോറി ഡ്രൈവര്‍ ഓടി രക്ഷപ്പെട്ടു. തുടർന്ന് അഗ്നിരക്ഷാസേന എത്തിയാണ് കാറിനുള്ളില്‍ നിന്നും ആളുകളെ പുറത്തെടുത്തത്. മൃതദേഹങ്ങൾ ‌തിരുവണ്ണാമലൈ മെഡിക്കൽ കോളേജ് ആശുപത്രിയിൽ സൂക്ഷിച്ചിരിക്കുകയാണ്. മരണപ്പെട്ടവരുടെ കുടുംബത്തിന് മുഖ്യമന്ത്രി എം.കെ സ്റ്റാലിൻ 2 ലക്ഷം രൂപ ധനസഹായം പ്രഖ്യാപിച്ചു.