DGCA suspends ATCO: ഒരേസമയം രണ്ട് വിമാനങ്ങൾ പറന്നുയര്‍ന്നു, തലനാരിഴയ്ക്ക് ഒഴിവായത് വന്‍ ദുരന്തം, എടിസിഒയ്ക്ക് സസ്പെന്‍ഷന്‍
ഒരേസമയം രണ്ട് വിമാനങ്ങൾക്ക് പറന്നുയരാൻ അനുമതി നൽകി, എടിസിഒയ്ക്ക് സസ്പെന്‍ഷന്‍
DGCA suspends ATCO: ഒരേസമയം രണ്ട് വിമാനങ്ങൾക്ക് പറന്നുയരാൻ അനുമതി നൽകി, എടിസിഒയ്ക്ക് സസ്പെന്‍ഷന്‍
New Delhi: വിമാനത്താവളത്തിൽനിന്ന് രണ്ട് ഇൻഡിഗോ വിമാനങ്ങൾക്ക് ഒരേസമയം ടേക്ക് ഓഫ് ചെയ്യാന്‍ അനുമതി നൽകിയതിന് എയർ ട്രാഫിക് കൺട്രോളര്‍ക്ക് മൂന്ന് മാസത്തെ സസ് പെന്‍ഷന്‍. Directorate General of Civil Aviation (DGCA) മെയ്‌ 30നാണ് ഇത് സംബന്ധിച്ച ഉത്തരവ് പുറപ്പെടുവിച്ചത്.
ജനുവരി 7 ന് ബെംഗളൂരു വിമാനത്താവളത്തിലാണ് സംഭവം നടക്കുന്നത്. 2 ഇൻഡിഗോ വിമാനങ്ങൾ ഒരേ സമയം പറന്നുയർന്നു. ഒരേ സമയം പറന്നുയര്‍ന്നതോടെ ഇരു വിമാനങ്ങളും പരസ്പരം അപകടകരമായി തോതില്‍ അടുത്തുവരാൻ കാരണമായി. വിമാനങ്ങള്‍ തമ്മില്‍ ഉണ്ടായിരുന്നത് വെറും 100 അടി അകലം മാത്രമായിരുന്നു. എന്നാല്‍, വിമാനങ്ങള്‍ തമ്മില്‍ പാലിക്കേണ്ടത് കുറഞ്ഞത്‌ 1,000 അടി ദൂരമാണ്.
ബെംഗളൂരു വിമാനത്താവളത്തിലെ രണ്ട് റൺവേകളിൽ നിന്ന് ഒരേസമയം രണ്ട് വിമാനങ്ങൾക്ക് പറന്നുയരാൻ അനുമതി നൽകിയതിനെ തുടർന്നാണ് ഇത് സംഭവിച്ചത്.
ഇൻഡിഗോയുടെ രണ്ട് വിമാനങ്ങൾ - 6E455 (ബെംഗളൂരു മുതൽ കൊൽക്കത്ത), 6E246 (ബെംഗളൂരു മുതൽ ഭുവനേശ്വർ വരെ) - ജനുവരി 7 ന് രാവിലെ യഥാക്രമം വടക്കൻ റൺവേയിൽ നിന്നും സൗത്ത് റൺവേയിൽ നിന്നും ഒരേസമയം ടേക്ക് ഓഫ് ചെയ്യുകയായിരുന്നു. അപകടകരമായ തോതില്‍ വിമാനങ്ങള്‍ അടുത്തെത്തിയതോടെ ഈ വിമാനങ്ങളെ വേർതിരിക്കുന്നതിന് അപ്രോച്ച് റഡാർ കൺട്രോളർ diverging heading സിഗ്നല്‍ നല്‍കി, ഏറെ ഗുരുതരമായ ഈ സംഭവത്തെക്കുറിച്ച് ഡിജിസിഎ റിപ്പോർട്ട് പറയുന്നു.
ടേക്ക് ഓഫില്‍ സംഭവിച്ച വലിയ പിഴവിന് എടിസി ഓഫീസറെ ഡിജിസിഎ മൂന്ന് മാസത്തേക്ക് സസ്പെൻഡ് ചെയ്തു.
ഈ സംഭവത്തെ "ഗുരുതരമായ സംഭവം" എന്നാണ് ഡിജിസിഎ തരംതിരിച്ചിരിയ്ക്കുന്നത്. എയർ ആക്‌സിഡന്‍റ് ഇൻവെസ്റ്റിഗേഷൻ ബ്യൂറോ (എഎഐബി) സംഭവത്തില്‍ അന്വേഷണം നടത്തിവരികയാണ്.
എടിസി ടവറിന്‍റെ പ്രവർത്തനങ്ങൾ നിരീക്ഷിക്കാത്തതിനും സംഭവം റിപ്പോർട്ട് ചെയ്യാത്തതിനും ടവർ സൂപ്പർവൈസർക്ക് താക്കീത് നല്‍കി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...