Earth quake in Andaman: ആൻഡമാൻ നിക്കോബാറിൽ ഭൂചലനം: 4.3 തീവ്രത രേഖപ്പെടുത്തി

Earth quake in Andaman: ആൻഡമാൻ നിക്കോബാറിൽ ഭൂചലനം.  ആൻഡമാനിലെ പോർട്ട് ബ്ലെയറിൽ വ്യാഴാഴ്‌ച റിക്‌ടർ സ്കെയിലിൽ 4.3 തീവ്രത രേഖപ്പെടുത്തിയ ഭൂചലനമാണ് ഉണ്ടായതെന്ന് നാഷണൽ സെന്റർ ഫോർ സീസ്മോളജി (NCS) അറിയിച്ചു. 

പുലർച്ചെ 2.29 ഓടെയാണ് ഭൂചലനം ഉണ്ടായത്.  ഭൂകമ്പത്തിന്റെ ആഴം ഭൂമിയിൽ നിന്ന് 10 കിലോമീറ്റർ താഴെയായിരുന്നു. ഭൂചലനത്തിൽ ആളപായമോ നാശ നഷ്‌ടമോ ഉണ്ടായതായി ഇതുവരെ റിപ്പോർട്ട് ചെയ്‌തിട്ടില്ല. കൂടുതൽ വിശദാംശങ്ങൾ വൈകാതെ പുറത്തുവരും.

ബുധനാഴ്‌ച ദേശീയ തലസ്ഥാനത്ത് ഭൂചലനം അനുഭവപ്പെട്ടതിനെ പിന്നാലെയാണ് ഇന്ന് ആൻഡമാനിൽ ഭൂചലനം റിപ്പോർട്ട് ചെയ്തത്. പുലർച്ചെ 1.57 ഓടെയായിരുന്നു ഭൂചലനം അനുഭവപ്പെട്ടത്. നേപ്പാൾ ആയിരുന്നു പ്രഭവകേന്ദ്രം. 6.3 തീവ്രത രേഖപ്പെടുത്തിയ ഭൂചലനമായിരുന്നു രേഖപ്പെടുത്തിയത്. അതുപോലെ ഇന്നലെ രാവിലെ 6.27 ന് ഉത്തരാഖണ്ഡിലും റിക്‌ടർ സ്കെയിലിൽ 4.3 തീവ്രത രേഖപ്പെടുത്തിയ ഭൂചലനം രേഖപ്പെടുത്തിയിരുന്നു. പിത്തോർഗഡിൽ അഞ്ച് കിലോമീറ്റർ ആഴത്തിലുള്ള ഭാഗമാണ് പ്രഭവകേന്ദ്രം. ഒരിടത്തും ആളപായമായമോ നാശനഷ്‌ടങ്ങളോ റിപ്പോർട്ട് ചെയ്‌തിട്ടില്ല. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy