Earthquake In Jammu Kashmir: ജമ്മു കാശ്മീരിൽ ഭൂചലനം; 4.9 തീവ്രത രേഖപ്പെടുത്തി!

ശ്രീനഗർ: ജമ്മുകശ്മീരിലെ ബാരാമുള്ള ജില്ലയിൽ ഭൂചലനം രേഖപ്പെടുത്തിയതായി റിപ്പോർട്ട്. തുടർച്ചയായി രണ്ട് ഭൂചലനങ്ങൾ ഉണ്ടായതായി നാഷണൽ സെൻ്റർ ഫോർ സീസ്മോളജി അറിയിച്ചിട്ടുണ്ട്.  

രാവിലെ 6:45 നും 6:52 നുമായി 4.9, 4.8 തീവ്രത രേഖപ്പെടുത്തിയ ഭൂചലനങ്ങളാണ് ഉണ്ടായത്.  4.8 തീവ്രത രേഖപ്പെടുത്തിയ രണ്ടാമത്തെ ഭൂചലനം 10 കിലോമീറ്റർ ആഴത്തിലാണ് ഉണ്ടായതെന്നും നാഷണൽ സെൻ്റർ ഫോർ സീസ്മോളജി വ്യക്തമാക്കി.

ഭൂചലനത്തിൽ ആളപായമോ കാര്യമായ നാശനഷ്ടങ്ങളോ ഒന്നും ഇതുവരെ റിപ്പോർട്ട് ചെയ്തിട്ടില്ല. അധികൃതർ സ്ഥിതിഗതികൾ നിരീക്ഷിച്ചുവരികയാനിന്നാണ് റിപ്പോർട്ട്. ഇന്ത്യയുടെ ഭൂകമ്പ സാധ്യത ഭൂപടത്തിലെ ഏറ്റവും ഭൂകമ്പ സാധ്യതയുള്ള മേഖലയായ സോൺ 5 ൽ ജമ്മു കശ്മീരും ഉൾപ്പെടുന്നു.

പ്രധാനമന്ത്രി നരേന്ദ്രമോദി വെള്ളിയാഴ്ച  ഉക്രൈയിനിലേക്ക്

ന്യൂഡൽഹി: പ്രധാനമന്ത്രി നരേന്ദ്ര മോദി ഉക്രൈൻ സന്ദർശനത്തിനൊരുങ്ങുന്നു. ആഗസ്റ്റ് 23 വെള്ളിയാഴ്ചയാണ് പ്രധാനമന്ത്രിയുടെ ഉക്രൈൻ സന്ദർശനം.   റഷ്യ യുക്രൈൻ യുദ്ധം തുടങ്ങിയ ശേഷം ഇതാദ്യമായാണ് പ്രധാനമന്ത്രി നരേന്ദ്ര മോദി ഉക്രൈൻ സന്ദർശിക്കുന്നത്.  ബുധൻ, വ്യാഴം ദിവസങ്ങളിൽ നിശ്ചയിച്ച പോളണ്ട് സന്ദർശനത്തിന് ശേഷമാകും പ്രധാനമന്ത്രി ഉക്രൈനിൽ എത്തുക.

സന്ദർശനത്തിൽ യുക്രൈന്‍ പ്രസിഡൻ്റ്  വ്ളാദിമിർ സെലന്‍സ്‍കിയുമായി നരേന്ദ്രമോദി ചർച്ച നടത്തും. സെലൻസികി നേരത്തെ മോദിയെ യുക്രൈനിലേക്ക് ക്ഷണിച്ചിരുന്നു. മൂന്ന് പതിറ്റാണ്ടിനിടെ ഇതാദ്യമായാണ് ഒരു ഇന്ത്യൻ പ്രധാനമന്ത്രി യുക്രൈൻ സന്ദർശിക്കുന്നത് എന്ന പ്രത്യേകതയും മോദിയുടെ സന്ദർശനത്തിനുണ്ട്. കഴിഞ്ഞ മാസം നരേന്ദ്രമോദി റഷ്യയിൽ സന്ദർശനം നടത്തിയിരുന്നു. അന്ന് റഷ്യൻ പ്രസിഡന്റ് പുടിനെ മോദി ആലിംഗനം ചെയ്തതിൽ ഉക്രൈൻ അതൃപ്തിയും അറിയിച്ചിരുന്നു.