Go First Republic Day Sale: റിപ്പബ്ലിക് ദിന വിൽപ്പനയില്‍ വന്‍ ഡിസ്കൗണ്ടുമായി ഗോ ഫസ്റ്റ്
Go First എയർലൈൻ നല്‍കുന്ന അറിയിപ്പ് അനുസരിച്ച് ആഭ്യന്തര വിമാനങ്ങൾക്ക് 1,199/- രൂപ മുതലും അന്താരാഷ്ട്ര യാത്രകൾക്ക് 6,599/- രൂപ മുതലുമാണ് ടിക്കറ്റ് നിരക്ക്.
Go First Republic Day Sale: എയർ ഇന്ത്യയ്ക്ക് പിന്നാലെ റിപ്പബ്ലിക് ദിനത്തില്‍ വിമാന യാത്ര ടിക്കറ്റുകൾക്ക് വമ്പൻ ഓഫറുമായി ഗോ ഫസ്റ്റ് എയര്‍ലൈന്‍സ്.
എയർലൈൻ നല്‍കുന്ന അറിയിപ്പ് അനുസരിച്ച് ആഭ്യന്തര വിമാനങ്ങൾക്ക് 1,199/- രൂപ മുതലും അന്താരാഷ്ട്ര യാത്രകൾക്ക് 6,599/- രൂപ മുതലുമാണ് ടിക്കറ്റ് നിരക്ക്. 74-ാമത് റിപ്പബ്ലിക് ദിനം ആഘോഷിക്കുന്നതിന്‍റെ മുന്നോടിയായി ഗോ ഫസ്റ്റ് തിങ്കളാഴ്ചയാണ് 'റിപ്പബ്ലിക് ഡേ സെയിൽ' ആരംഭിച്ചത്. ആഭ്യന്തര, അന്താരാഷ്ട്ര വിമാന ടിക്കറ്റുകളിൽ വൻ കിഴിവാണ് എയർലൈൻസ് വാഗ്ദാനം ചെയ്യുന്നത്.
'റിപ്പബ്ലിക് ഡേ സെയിൽ' ജനുവരി 23 മുതൽ 26 വരെ തുടരും. ഈ സമയത്ത് ബുക്ക് ചെയ്യുന്ന ആഭ്യന്തര, അന്തർദേശീയ ടിക്കറ്റുകൾ വഴി 2023 ഫെബ്രുവരി 12 മുതൽ സെപ്റ്റംബർ 30 വരെയുള്ള കാലയളവില്‍ യാത്ര ചെയ്യാനാകും. റിപ്പബ്ലിക് ഡേ സെയിൽ ടിക്കറ്റുകൾ GO FIRST വെബ്സൈറ്റിൽ (www.FlyGoFirst.com) ബുക്ക് ചെയ്യാവുന്നതാണ്. അല്ലെങ്കിൽ GO FIRST -ന്‍റെ ഔദ്യോഗിക മൊബൈൽ ആപ്പ് വഴിയും ടിക്കറ്റ് ബുക്ക് ചെയ്യാവുന്നതാണ്.
'GO FIRST എല്ലായ്പ്പോഴും അതിന്‍റെ എല്ലാ യാത്രക്കാർക്കും സുഖകരവും സൗകര്യപ്രദവുമായ ഫ്ലൈയിംഗ് അനുഭവം നൽകാനാണ് ലക്ഷ്യമിടുന്നത്. അടുത്തിടെ, GO FIRST അതിന്‍റെ ഈ വർഷത്തെ ഓപ്പണിംഗ് സെയിലായ 'ട്രാവൽ ഇന്ത്യ ട്രാവൽ' (Travel India Travel) വിൽപ്പനയും പ്രഖ്യാപിച്ചു', എയർലൈൻ പ്രസ്താവനയിൽ പറഞ്ഞു.
ബഡ്ജറ്റ് ഫ്രണ്ട്‌ലി നിരക്കിൽ വിനോദ യാത്രകൾ അല്ലെങ്കിൽ ബിസിനസ്സ് യാത്രകൾ ആസൂത്രണം ചെയ്യാൻ ഈ വിൽപ്പന യാത്രക്കാരെ സഹായിക്കുമെന്ന് എയർലൈൻസ് അറിയിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...