Maharashtra Fire: ഹാൻഡ് ഗ്ലൗസ് ഫാക്ടറിയിൽ വൻ തീപ്പിടുത്തം..! 6 തൊഴിലാളികൾ വെന്തുമരിച്ചു

മഹാരാഷ്ട്ര: മഹാരാഷ്ട്രയിൽ വൻ ദുരന്തം. ഹാൻഡ് ഗ്ലൗസ് ഫാക്ടറിയിൽ വൻ തീപിടിത്തം ഉണ്ടായി, ആറ് തൊഴിലാളികൾ ജീവനോടെ വെന്തുമരിച്ചു. കൂടാതെ നിരവധി പേർക്ക് പരിക്കേറ്റു. ഞായറാഴ്ച പുലർച്ചെ 2.15ന് ഔറംഗബാദിന് സമീപമുള്ള വാലുജ് ഛത്രപതി ശംഭാജിനഗറിലാണ് തീപിടിത്തമുണ്ടായത്. അഗ്നിശമന സേനാംഗങ്ങൾ നാല് മണിക്കൂർ പരിശ്രമിച്ചാണ് തീ നിയന്ത്രണ വിധേയമാക്കിയത്.

സൺ ഷൈൻ എന്റർപ്രൈസസ് ഹാൻഡ് ഗ്ലൗസ് ഫാക്ടറിയിൽ ഏകദേശം 25 ജീവനക്കാർ ജോലി ചെയ്യുന്നു.  പത്തും പതിനഞ്ചും ജീവനക്കാരാണ് രാത്രി ഷിഫ്റ്റിൽ ജോലി ചെയ്യുന്നത്. എല്ലാവരും ഉറങ്ങിയപ്പോൾ തീ പടർന്നു. ഇതേത്തുടർന്ന് തീപിടിത്തം ശ്രദ്ധയിൽപ്പെട്ട ചിലർ രക്ഷപ്പെട്ടു. വിവരമറിഞ്ഞ് ഫയർഫോഴ്‌സ് സ്ഥലത്തെത്തി രക്ഷാപ്രവർത്തനം ആരംഭിച്ചു. നാല് മണിക്കൂറോളം പ്രയത്നിച്ച് തീ അണച്ചു.മൃതദേഹങ്ങൾ പോസ്റ്റ്‌മോർട്ടത്തിനായി പ്രാദേശിക ആശുപത്രിയിലേക്ക് കൊണ്ടുപോയി. അപകടത്തിൽ പോലീസ് കേസെടുത്ത് അന്വേഷണം ആരംഭിച്ചു. മരിച്ചവരുടെ വിശദാംശങ്ങളും തീപിടുത്തത്തിന്റെ കാരണവും അറിവായിട്ടില്ല. എങ്കിലും വൻ നാശനഷ്ടം ഉണ്ടായിട്ടുണ്ടെന്നാണ് സൂചന.