UP Marriage News: അറിയില്ലെങ്കിൽ പഠിച്ചോളൂ ഇല്ലെങ്കിൽ പണി പാളും...! വരൻ രണ്ടിന്റെ ഗുണന പട്ടിക പറഞ്ഞില്ല; വധു ചെയ്തത്...

വിവാഹം നടക്കാനും നടക്കാതിരിക്കാനും നിരവധി കാരണങ്ങളാണ്. എന്നാൽ ചില വിവാഹങ്ങൾ നാടക്കാതെ പോകുന്ന കാരണങ്ങൾ ശരിക്കും ഞെട്ടിക്കും. അത്തരത്തിൽ ഇപ്പോഴൊരു വിവാഹം നടക്കാതിരുന്നതിന്റെ കാരണമാണ് സോഷ്യൽ മീഡിയയിൽ വൈറലായി കൊണ്ടിരിക്കുന്നത്. സം​ഗതി നിസ്സാരമെന്ന് തോന്നിപ്പിക്കുമെങ്കിലും അതത്ര നിസ്സാരമല്ല. വിദ്യാഭ്യാസത്തിന്റെ പ്രാധാന്യം കൂടി വരുന്ന ഈ കാലഘട്ടത്തിൽ രണ്ടിന്റെ ​ഗുണന പട്ടികയാണ് ഈ വിവാഹത്തിൽ വില്ലനായി മാറിയത്. ഉത്തരേന്ത്യയിലാണ് സംഭവം നടക്കുന്നത്. 

വരന് വിദ്യാഭ്യാസമില്ലെന്ന കാരണത്താലാണ് ഈ വിവാഹം മുടങ്ങിയത്. ഉത്തർപ്രദേശഷിലെ മഹോബിയിലാണ് സംഭവം. വിവാഹം ഉറപ്പിക്കുന്നതിനു മുന്നോടിയായി വധുവിന്റെ വീട്ടുകാർ വരന്റെ വിദ്യാഭ്യസ വിവരങ്ങൾ അന്വേഷിച്ചിരുന്നു. എന്നാൽ അന്ന് ഇയാൾ നിരക്ഷരനാണെന്ന വിവരം ഇവർ മറച്ചു വെച്ചു. എന്നാൽ ഈ കാര്യത്തിൽ വധുവിന് അപ്പോഴും സംശയം ഉണ്ടായിരുന്നു. അതുകൊണ്ട് ഇയാളുടെ വിദ്യാഭ്യാസ യോ​ഗ്യത അളക്കാൻ തന്നെ വധു തീരുമാനിച്ചു. അങ്ങിനെ വിവാഹ ദിവസം എത്തി. 

വേദിയിലെത്തിയ വരൻ മാല ചാർത്താൻ ഒരുങ്ങിയപ്പോൾ വധു അത് തടഞ്ഞു കൊണ്ട് വരനോട് രണ്ടിന്റെ ​ഗുണനപട്ടിക ചൊല്ലാൻ ആവശ്യപ്പെട്ടു. എന്നാൽ അത് പറയാനായി അയാൾക്ക് സാധിച്ചില്ല. ഇതിനു പിന്നലെ വിവാഹം വേണ്ടെന്ന വച്ച് വധു വേദിയിൽ നിന്നും ഇറങ്ങി പോയി. 2021 മേയിലാണ് ഈ സംഭവം നടക്കുന്നത്. ഷയാർ യോ​ഗി എന്ന ഇൻസ്റ്റ​ഗ്രാം പേജിലാണ് ഇത് സംബന്ധിച്ച വാർത്തയുടെ പത്ര കട്ടിങ് പങ്കുവെച്ചിരിക്കുന്നത്. ഇത് ഇപ്പോൾ വൈറലായി മാറിക്കൊണ്ടിരിക്കുകയാണ്. യുവാവിനെ അനുകൂലിച്ചും പ്രതികൂലിച്ചും പ്രതികരണങ്ങൾ എത്തുന്നുണ്ട്.