Covid updates India | രാജ്യത്തെ കോവിഡ് കേസുകളിൽ ആശ്വാസം; പ്രതിദിന കേസുകളിൽ വൻ കുറവ്
657 മരണങ്ങൾ റിപ്പോർട്ട് ചെയ്യപ്പെട്ടതായും കേന്ദ്ര ആരോഗ്യമന്ത്രാലയം വ്യക്തമാക്കി.
ന്യൂഡൽഹി: രാജ്യത്ത് കോവിഡ് കണക്കുകളിൽ ആശ്വാസം. പ്രതിദിന കോവിഡ് കേസുകളിൽ വൻ കുറവാണ് രേഖപ്പെടുത്തുന്നത്. കഴിഞ്ഞ 24 മണിക്കൂറിനിടെ 58,077 പേർക്കാണ് കോവിഡ് സ്ഥിരീകരിച്ചത്. 657 മരണങ്ങൾ റിപ്പോർട്ട് ചെയ്യപ്പെട്ടതായും കേന്ദ്ര ആരോഗ്യമന്ത്രാലയം വ്യക്തമാക്കി.
ഇതോടെ ആകെ മരണസംഖ്യ 5,07,177 ആയി ഉയർന്നതായി ആരോഗ്യ മന്ത്രാലയം പുറത്തുവിട്ട കണക്കുകൾ വ്യക്തമാക്കുന്നു. സജീവ കോവിഡ് കേസുകൾ 6,97,802 ആണ്. രാജ്യത്ത് ഇന്ന് 1,50,407 പേർ രോഗമുക്തി നേടി. പ്രതിദിന പോസിറ്റിവിറ്റി നിരക്ക് 3.89 ശതമാനമാണ്. വാക്സിനേഷൻ ഡ്രൈവിന് കീഴിൽ രാജ്യത്ത് ഇതുവരെ 1,71.79 കോടി വാക്സിൻ ഡോസുകൾ നൽകിയതായും ആരോഗ്യമന്ത്രാലയം അറിയിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...