കൊറോണ: ഡൽഹി വിദ്യാർത്ഥികൾക്ക് സഹായവുമായി അവര്‍!

ന്യൂഡൽഹി: കൊറോണ വൈറസ് ബാധയുടെ പശ്ചാത്തലത്തിൽ ഡൽഹിയിലെ വിദ്യാർത്ഥികൾക്ക് സഹായവുമായി മലയാളി വിദ്യാർത്ഥികളുടെ കൂട്ടായ്മയായ കൈരളി സൗഹൃദ വേദി രംഗത്ത്  വന്നിട്ടുണ്ട്. ഡൽഹിയിലെ വിവിധ കലാലയങ്ങളിലെ വിദ്യാർത്ഥികളാണ് ഇതിനെ നയിക്കുന്നത്. 

ഡെൽഹി സർവ്വകലാശാല , ജെ എൻ യു തുടങ്ങിയ സർവ്വകലാശാലകളിലെ മലയാളി വിദ്യാർത്ഥികളാണ് ഈ കൂട്ടായ്മക്ക് പിന്നിൽ . ജെ എൻ യു വിദ്യാർത്ഥിയായ പി.എ ശബരീഷ് ആണ് സംഘടനയുടെ അധ്യക്ഷൻ. 

കോറൈന്റിനിൽ കഴിയുന്നവർക്ക് ഭക്ഷണവും ആവശ്യമുണ്ടെങ്കിൽ ഹെൽപ്പ് ലൈൻ നമ്പറിൽ വിളിക്കുകയും ചെയ്യാം. നമ്പർ 8506038404 ആണ്. വിദ്യാർത്ഥികളുടെ നേതൃത്വത്തിലുള്ള കൂട്ടായ്മ ആയത് കൊണ്ട് തന്നെ വിദ്യാർത്ഥികൾക്കായാണ് ഹെൽപ്പ് ലൈൻ. 

കൊറോണ വൈറസുമായി ബന്ധപെട്ട  സംശയ നിവാരണത്തിനായും ഈ ഹെൽപ്പ് ലൈൻ നമ്പരിൽ വിളിക്കാവുന്നതാണ് . രക്ത ദാന ക്യാംപ് അടക്കം  നിരവധി പ്രവർത്തനങ്ങൾ നേരത്തെയും സംഘടനയുടെ നേതൃത്വത്തിൽ നടത്തിയിട്ടുണ്ട്