Karnataka Blast: കർണാടകയിലെ പടക്ക നിർമ്മാണശാലയിൽ വൻഫോടനം; രണ്ടു മലയാളികൾ ഉൾപ്പെടെ മൂന്നുപേർക്ക് ദാരുണാന്ത്യം

ബംഗളൂരു: കർണാടകയിൽ പടക്ക നിർമ്മാണശാലയിൽ ഉണ്ടായ സ്ഫോടനത്തെ തുടർന്ന് രണ്ടു മലയാളികൾ ഉൾപ്പെടെ മൂന്ന് പേർ മരിച്ചു. ദക്ഷിണ കന്നട ജില്ലയിലെ ബെൽത്തങ്കടിയിൽ ആണ് അപകടം ഉണ്ടായത്. മലയാളികളായ സ്വാമി (55 )വർഗീസ് (68 )എന്നിവരും ഹസൻ സ്വദേശിയായ ചേതൻ (25 )വയസ്സ് ആണ് അപകടത്തിൽ മരിച്ചത്.വൈകുന്നേരം 5 മണിയോടെ വേനൂർ പോലീസ് സ്റ്റേഷൻ പരിധിയിലാണ് അപകടം നടന്നത്. മലപ്പുറം സ്വദേശിയായ ബഷീറിന്റെ ഫാമിലെ പടക്കശാലയിലാണ് സ്ഫോടനം ഉണ്ടായത്. സ്ഫോടനം നടക്കുമ്പോൾ 9 പേർ സ്ഥലത്തുണ്ടായിരുന്നു.

 സ്ഫോടനത്തിന്റെ ആഘാതം നാല് കിലോമീറ്റർ ദൂരത്ത് അനുഭവപ്പെട്ടതായാണ് ഗ്രാമവാസികൾ പറയുന്നത്. മരിച്ച ഒരാളുടെ ശരീരം സംഭവം സ്ഥലത്തു തന്നെയാണ് കിട്ടിയത് എന്നാൽ ബാക്കി രണ്ടുപേരുടെയും 100 കിലോമീറ്ററോളം അകലെയായി  ചിതറി കിടക്കുകയായിരുന്നു എന്നാണ് റിപ്പോർട്ട്‌.