Medicines: പാരസെറ്റാമോളും അസിത്രോമൈസിനും ഉൾപ്പെടെ 800ലധികം മരുന്നുകളുടെ വില കൂടുന്നു

രാജ്യത്തെ പാരസെറ്റ മോളും അസിത്രോമൈസിനും ഉൾപ്പെടെയുള്ള ആവശ്യ മരുന്നുകളുടെ വില കൂടുന്നു. ഏപ്രിൽ 1 മുതൽ ഈ മരുന്നുകളുടെ പുതിയ വില പ്രാബല്യത്തിൽ വരുമെന്ന് നാഷണൽ ഫാർമസ്യൂട്ടിക്കൽ പ്രൈസിങ്  അതോറിറ്റി എൻ പി എ വ്യക്തമാക്കി.

ആന്റിബയോട്ടിക്കുകൾ വേദനസംഹാരികൾ പകർച്ചവ്യാധികൾ തടയുന്നതിനുള്ള മരുന്നുകൾ തുടങ്ങി ആവശ്യം മരുന്നുകളുടെയൊക്കെ വില ഇതോടൊപ്പം വർദ്ധിക്കും. കൂടാതെ അമോക്സിസില്ലിൻ, ആംഫോട്ടെറിസിൻ ബി, സെഫാ ഡോക്രിസീൻ സെറ്റി റൈസിൻ, ഡക്സമെതസോൺ, ഫ്ലുകൊണസോൾ, ഫോളിക് ആസിഡ് ഹെപ്പാരിന്, ഇബ്രൂപ്രൊഫൈൻ തുടങ്ങിയവയൊക്കെ വില വർധിക്കുന്ന മരുന്നുകളുടെ പട്ടികയിൽ ഉണ്ട്.

നാണയപ്പെരുപ്പം വര്‍ദ്ധിക്കുന്ന സാഹചര്യത്തിൽ വില വര്‍ദ്ധിപ്പിക്കണമെന്ന മരുന്നു കമ്പനികളുടെ ആവശ്യം കഴിഞ്ഞ കുറച്ചു നാളുകളായി ഉയർന്നിരുന്നു.  മരുന്ന് വിലയില്‍ മാറ്റം കൊണ്ടുവരണമെന്ന് ആവശ്യപ്പെട്ട്  ആയിരത്തിലധികം മരുന്ന് നിർമ്മാതാക്കളുടെ നേതൃത്വത്തിലുള്ള സംഘം വിലയിൽ മാറ്റം വരുത്താൻ സർക്കാരിനോട് അനുമതി തേടിയിരുന്നു. 

മരുന്ന് വിപണി ഇന്ന്  കനത്ത നിര്‍മ്മാണ ചിലവാണ്‌ നേരിടുന്നത് എന്നും  മരുന്നുകളുടെ വിലയില്‍ ഉണ്ടാകുന്ന നേരിയ വര്‍ദ്ധന `'ജനങ്ങളെ അധികം ബാധിക്കില്ല' എന്നുമാണ്  മരുന്ന് കമ്പനികള്‍ അവകാശപ്പെടുന്നത്. വാര്‍ഷിക മൊത്തവില സൂചികയിലെ (ഡബ്ല്യുപിഐ) മാറ്റത്തിന് ശേഷം, ദേശീയ അവശ്യമരുന്ന് പട്ടികയിൽ (എൻഎൽഇഎം) വരുന്ന മരുന്നുകളുടെ വിലയിൽ 0.0055% വർദ്ധനവ് സർക്കാർ അംഗീകരിക്കാൻ പോകുന്നു.