ക്ഷേത്രങ്ങള്‍ ശുദ്ധീകരിക്കാന്‍ മുസ്ലീം യുവതി, സന്തോഷപൂര്‍വ്വം സ്വീകരിച്ച് പൂജാരി!!
കൊറോണ വൈറസ് പ്രതിരോധത്തിന്‍റെ ഭാഗമായി ക്ഷേത്രം ശുദ്ധീകരിക്കാന്‍ വന്ന മുസ്ലീം യുഅവ്തിയും അവരെ ഇരുകയ്യും നീട്ടി സ്വീകരിച്ച പൂജാരിയുമാണ് ഇപ്പോള്‍ വാര്‍ത്തകളിലെ താരം.
ന്യൂഡല്‍ഹി: കൊറോണ വൈറസ് പ്രതിരോധത്തിന്‍റെ ഭാഗമായി ക്ഷേത്രം ശുദ്ധീകരിക്കാന്‍ വന്ന മുസ്ലീം യുഅവ്തിയും അവരെ ഇരുകയ്യും നീട്ടി സ്വീകരിച്ച പൂജാരിയുമാണ് ഇപ്പോള്‍ വാര്‍ത്തകളിലെ താരം.
ഡല്‍ഹി നെഹ്റു വിഹാറിലെ നവ് ദുര്‍ഗ ക്ഷേത്രം ശുദ്ധീകരിക്കാന്‍ ബുര്‍ഖ ധരിച്ചാണ് 32കാരിയായ ഇമ്രാന സൈഫിയെത്തിയത്.
കൊറോണയ്ക്കെതിരെ ഒറ്റക്കെട്ടായി... രണ്ട് ലക്ഷം രൂപ സംഭാവന നല്‍കി നഴ്സ്
അണുനാശിനിയുമായാണ് ആരോഗ്യപ്രവര്‍ത്തക കൂടിയായ ഇമ്രാന ക്ഷേത്രത്തിലെത്തിയത്. ക്ഷേത്രവും പരിസരവും ശുദ്ധീകരിക്കാന്‍ അനുവാദം ചോദിച്ച ഇമ്രാനയെ സന്തോഷപൂര്‍വമാണ് പൂജാരി സ്വീകരിച്ചത്.
റംസാന്‍ മാസത്തില്‍ പ്രദേശത്തെ അമ്പലങ്ങളും ഗുരുദ്വാരകളും പള്ളികളും എല്ലാം വൃത്തിയാക്കുന്നത് ഇമ്രാനയടങ്ങിയ മൂവര്‍ സംഘമാണ്. എഴാം ക്ലാസ് വിദ്യാഭ്യാസ൦ മാത്രമുള്ള ഇമ്രാന സിഎഎ പ്രതിഷേധത്തിനിടെ ആക്രമിക്കപ്പെട്ടവര്‍ക്ക് സഹായവുമായും രംഗത്തെത്തിയിരുന്നു.
ചൈനയിലെ ബിസിനസ് അവസാനിപ്പിക്കുന്നവര്‍ക്ക് ഇന്ത്യയുടെ ഗംഭീര ഓഫര്‍!!
ജഫ്രാബാദിലും മുസ്തഫാബാദിലും ചന്ദ്ബാഗിലും നെഹ്റു വിഹാറിലും ശിവ് വിഹാറിലും ബാബു നഗറിലുമാന് മൂന്നു കുട്ടികളുടെ അമ്മയായ ഇമ്രാനയുടെ സേവനം.
ഇന്ത്യയുടെ മതേതരത്വ കാഴ്ചപാട് മറ്റുള്ളവര്‍ക്ക് മുന്‍പില്‍ ഉയര്‍ത്തി പിടിക്കേണ്ടതുണ്ടെന്നാണ് ഇമ്രാന പറയുന്നത്. കൂടാതെ, ഇതുവരെ ഒരു ബുദ്ധിമുട്ടുകളും അനുഭവിക്കേണ്ടി വന്നിട്ടില്ലെന്നും ഒരു ക്ഷേത്രത്തിലും തങ്ങളെ തടഞ്ഞിട്ടില്ലെന്നും ഇമ്രാന പറയുന്നു.