നക്സലിസം വെല്ലുവിളി തന്നെ, എങ്കിലും ഭീഷണി കുറഞ്ഞ് തുടങ്ങിയിരിക്കുന്നു: രാജ്നാഥ് സിംഗ്

ഛത്തീ​സ്ഗ​ഡ്‌: നക്സലിസം ഇന്നും ഒരു വെല്ലുവിളി തന്നെയാണ് എന്ന് കേന്ദ്ര ആഭ്യന്തരമന്ത്രി രാജ്നാഥ് സിംഗ്. എന്നാല്‍ നക്സലിസം ഉയര്‍ത്തുന്ന ഭീഷണിയില്‍ കുറവ് വന്നിട്ടുണ്ടെന്നും നക്സലിസം തന്നെ നിലനില്‍പ് ഭീഷണി നേരിടുകയാണെന്നും അദ്ദേഹം പറഞ്ഞു. സുരക്ഷാസേനയ്ക്ക് നേരെയുള്ള ആക്രമങ്ങളും കുറഞ്ഞിരിക്കുന്നതായി അദ്ദേഹം സൂചിപ്പിച്ചു.

ഛത്തീ​സ്ഗ​ഡിലെ അംബികാപുറില്‍ നടന്ന 261 ബസ്തരിയ ബറ്റാലിയന്‍റെ പാസ്സിംഗ്ഔട്ട്‌ പരേഡില്‍ സംസാരിക്കവേ ആണ് അദ്ദേഹം ഇപ്രകാരം അഭിപ്രായപ്പെട്ടത്. 

വളരെയേറെ പ്രത്യേകതയുള്ളതാണ് ബസ്തരിയ ബറ്റാലിയന്‍. ഈ ബറ്റാലിയനിലെ അംഗങ്ങള്‍ നക്സൽ ബാധിത ജില്ലകളില്‍ നിന്നുള്ളവരാണ് എന്നതാണ് ഇതിന്‍റെ  ഏറ്റവും വലിയ പ്രത്യേകത. ഇത് സിആര്‍പിഎഫിന്‍റെ ഭാഗമാണ്. ഈ ബറ്റാലിയനിലെ അംഗങ്ങള്‍ ബീജാപ്പൂർ, ദന്തേവാഡ, നാരായൺപുർ, സുക്മ ജില്ലകളില്‍ നിന്നുള്ളവരാണ്. 

അതുകൂടാതെ ഈ ബറ്റാലിയനില്‍ 33% ബനിതകളാണ് എന്നതും ഒരു മുഖ്യ സവിശേഷതയായി കാണാം. 

അതേസമയം, ഛത്തീ​സ്ഗ​ഡി​ൽ മാ​വോ​യി​സ്റ്റ് ആ​ക്ര​മ​ണ​ത്തി​ൽ മരിച്ച ജ​വാ​ന്മാരുടെ എണ്ണം ഏഴായി. ഇന്നലെ ജ​വാ​ന്മാ​ർ സ​ഞ്ച​രി​ച്ചി​രു​ന്ന വാ​ഹ​ന​ങ്ങ​ൾ​ക്കു നേ​രെ​യാ​യി​രു​ന്നു ആ​ക്ര​മ​ണം. 

ജ​വാ​ന്മാ​ർ ചോ​ള​നാ​റി​ൽ​നി​ന്നും കി​ർ​ന്ധു​വി​ലേ​ക്കു പോ​കു​ന്ന​തി​നി​ടെ ദ​ന്തേ​വാ​ഡ​യി​ലാ​യി​രു​ന്നു സം​ഭ​വം. റോ​ഡ​രു​കി​ൽ സ്ഥാ​പി​ച്ചി​രു​ന്ന കു​ഴി​ബോം​ബ് പൊ​ട്ടി​ത്തെ​റി​ച്ചു​ണ്ടാ​യ അ​പ​ക​ട​ത്തി​ൽ സൈ​നി​ക വാ​ഹ​നം പൂ​ർ​ണ​മാ​യും ത​ക​ർന്നിരുന്നു. മാവോവാദികള്‍ക്കായുള്ള തെരച്ചിലിന്റെ ഭാഗമായി വാഹനത്തിലെത്തിയ സുരക്ഷാ സൈനികരാണ് അപകടത്തില്‍പെട്ടത്.