മകളുടെ വിവാഹ നിശ്ചയത്തിന് നൃത്തച്ചുവടുകളുമായി നിത അംബാനി
ഇംഗ്ലീഷ്-വിഗ്ലീഷ് എന്ന ചിത്രത്തില്‍ ശ്രീദേവി പകര്‍ന്നാടിയ ഗാനത്തിനാണ് നിത അംബാനി ചുവട് വച്ചത്
ബോളിവുഡ് താരം സോനം കപൂറിന്‍റെ വിവാഹ ചിത്രങ്ങള്‍ക്കൊപ്പം നിത അംബാനിയുടെ ഡാന്‍സ് വീഡിയോയും ആഘോഷമാക്കുകയാണ് സോഷ്യല്‍ മീഡിയ. തിങ്കളാഴ്ച രാത്രി നടന്ന മുകേഷ് അംബാനി-നിത അംബാനി ദമ്പതികളുടെ മകള്‍ ഇഷയുടെ വിവാഹ നിശ്ചയചടങ്ങിലെ വീഡിയോ ആണ് സാമൂഹ്യ മാധ്യമങ്ങളില്‍ വൈറലായത്.
വിവാഹ നിശ്ചയ ചടങ്ങിനിടെ മകള്‍ ഇഷയ്ക്ക് ആശംസകള്‍ അര്‍പ്പിച്ചുകൊണ്ട് നിത അംബാനി നൃത്തം ചെയ്തു. ഇംഗ്ലീഷ്-വിഗ്ലീഷ് എന്ന ചിത്രത്തില്‍ ശ്രീദേവി പകര്‍ന്നാടിയ ഗാനത്തിനാണ് നിത അംബാനി ചുവട് വച്ചത്. ഇഷയ്ക്കൊപ്പം മറ്റൊരു ഗാനത്തിനും നിത അംബാനി നൃത്തം ചെയ്തു.
നിത അംബാനിയുടെ നൃത്തത്തെ പ്രോത്സാഹിപ്പിച്ച് കയ്യടിക്കുന്ന മുകേഷ് അംബാനിയെയും വീഡിയോയില്‍ കാണാം. നിരവധി ബോളിവുഡ് താരങ്ങള്‍ ചടങ്ങില്‍ പങ്കെടുത്തിരുന്നു. പിരാമല്‍ വ്യവസായ ഗ്രൂപ്പ് തലവന്‍ അജയ് പിരാമലിന്‍റെ മകന്‍ ആനന്ദ് പിരാമലിനെയാണ് ഇഷ വിവാഹം ചെയ്യുന്നത്.