NSA Ajit Doval | ദേശീയ സുരക്ഷ ഉപദേഷ്ടാവ് അജിത് ഡോവലിന്റെ വസതിയിൽ അജ്ഞാതൻ അതിക്രമിച്ചു കയറി

ന്യൂ ഡൽഹി : ദേശീയ സുരക്ഷ ഉപദേഷ്ടാവ് (NSA) അജിത് ഡോവലിന്റെ (Ajit Doval) വസതിയിലേക്ക് അഞ്ജാതൻ അതിക്രമിച്ചു കയറി. ഇന്ന് ഫെബ്രുവരി 16 ബുധനാഴ്ച രാവിലെ കാറുമായി അഞ്ജാതൻ അജിത് ഡോവലിന്റെ വസതിയിലേക്കെത്തുകയായിരുന്നു (Ajit Doval Residence). 

അതിക്രമിച്ച കയറിയാളെ ഉടൻ തന്നെ സുരക്ഷ ഉദ്യോഗസ്ഥർ പിടികൂടി പോലീസ് കസ്റ്റഡിയിലേക്ക് മാറ്റി. മാനസികമായ വെല്ലുവിളി നേരിടുന്നയാളാണ് അതിക്രമിച്ച കയറിയതെന്നാണ് പ്രഥമിക വിവരം. 

വാടകയ്ക്കെടുത്ത കാറിലെത്തിയാണ് എൻഎസ്എയുടെ വസതിയിലേക്ക് അതിക്രമിച്ച് കയറി ശ്രമിച്ചിരിക്കുന്നതെന്ന് ഡൽഹി പോലീസ് പറഞ്ഞു. 

തന്റെ ശരീരത്തിൽ ഒരാൾ ചിപ്പ് ഘടിപ്പിച്ചാണ് അകത്തേക്ക് പറഞ്ഞ് വിട്ടത്. അയാളുടെ നിയന്ത്രണത്തിലായിരുന്നു താൻ എന്ന് പിടികൂടിയാൾ പറഞ്ഞുയെന്ന് പോലീസ് അറിയിച്ചു.