India Pakistan diplomatic ties: ഇന്ത്യ-പാകിസ്താന്‍ നയതന്ത്ര ഇടപാടുകളില്‍ കാതലായ മാറ്റങ്ങൾ? സൂചനയുമായി പാക് വിദേശകാര്യമന്ത്രി

ഇസ്ലാമാബാദ്: ഇന്ത്യയുമായുള്ള നയതന്ത്ര ഇടപാടുകളിൽ കാതലായ മാറ്റങ്ങൾ കൊണ്ടുവരുന്നതിന്റെ സൂചനകൾ നൽകി പാക്കിസ്ഥാൻ വിദേശകാര്യമന്ത്രി മുഹമ്മദ് ഇഷാഖ് ദാർ. ബ്രസൽസിൽ നടന്ന ആണവോർജ്ജ ഉച്ചകോടിയിൽ പങ്കെടുത്തതിന് ശേഷം ലണ്ടനിൽ നടത്തിയ വാർത്താ സമ്മേളനത്തിൽ വെച്ചാണ് ഇന്ത്യയുമായുള്ള വ്യാപാര പ്രവർത്തനങ്ങൾ പുനരാരംഭിക്കുന്നതിനെ കുറിച്ച് ചിന്തിക്കുന്നതായി ഇഷാഖ് ദാർ വെളിപ്പെടുത്തിയത്. 2019 ഓ​ഗസ്റ്റ് മുതൽ ഇന്ത്യയുമായുള്ള വ്യാപാരബന്ധം പാക്കിസ്ഥാൻ നിർത്തി വെച്ചിരിക്കുകയായിരുന്നു.

ഇത് പുനസ്ഥാപിക്കാനാണ് പാക്കിസ്ഥാന്റെ നീക്കം. കേന്ദ്ര സർക്കാർ ആർട്ടിക്കിൾ 370 റദ്ധാക്കിയതിന് പിന്നലെ പാക്കിസ്ഥാൻ ഇന്ത്യയുമായുള്ള നയതന്ത്രബന്ധത്തിൽ നിന്ന് വിട്ടു നിൽക്കുകയായിരുന്നു. ഈ കാരണത്താൽ പാക്കിസ്ഥാനിൽ സാമ്പത്തിക വളർച്ചയെ ഇത് സാരമായി ബാധിച്ചു കൂടാതെ പുതിയ നിക്ഷേപങ്ങൾ കുറഞ്ഞതും വിദേശ കടങ്ങൾ തിരിച്ചടയ്ക്കാൻ സാധിക്കാതെ രാജ്യം ബുദ്ധിമുട്ടുകയാണ്. ഇതിനു പിന്നലെയാണ് ഇത്തരത്തിൽ ഒരി മാറ്റത്തിനായി രാജ്യം തുനിയുന്നത്.

ഇന്ത്യയുമായുള്ള വ്യാപാര കാര്യങ്ങൾ കൗരവമായി പരിശോധിക്കുമെന്ന് പാക്കിസ്ഥാൻ എക്സ്പ്രസ് ‍ട്രിബ്യൂൺ റിപ്പോർട്ട് ചെയ്തു. അതേസമയം അടുത്തിടെയായിരുന്നു പാക്കിസ്ഥാനിൽ തിരഞ്ഞെടുപ്പിന് പിന്നലെ പ്രധാനമന്ത്രിയായി ഷഹ്ബസ് ഷെരീഫിനെ തിരഞ്ഞെടുത്തത്. ഷഹ്ബസിന് പ്രധാനമന്ത്രി നരേന്ദ്ര മോദി അഭിനന്ദനമറിയിച്ചിരുന്നു. ഇത് ഇന്ത്യയും പാക്കിസ്ഥാനും തമ്മിലുളള വ്യാപാരബന്ധത്തിൽ പുരോ​ഗതിയുണ്ടാകുമെന്ന സൂചന നൽകിയിരുന്നു.