പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ഉന്നതതല യോഗം; കൊവിഡ് സാഹചര്യവും പ്രകൃതിക്ഷോഭവും ചർച്ചയാകും
ആരോഗ്യമന്ത്രാലയം, ആഭ്യന്തര മന്ത്രാലയം, നീതി ആയോഗ് എന്നിവയിലെ ഉന്നത ഉദ്യോഗസ്ഥരാണ് യോഗത്തിൽ പങ്കെടുക്കുക.കൊവിഡ് സാഹചര്യത്തിനും വാക്സിനേഷനും ഒപ്പം വിവിധ സംസ്ഥാനങ്ങളിലെ പ്രകൃതിക്ഷോഭവും ചർച്ചയായേക്കും
ന്യൂഡൽഹി: പ്രധാനമനന്ത്രി നരേന്ദ്ര മോദിയുടെ അധ്യക്ഷതയിൽ ഉന്നതതല യോഗം (High Level Meeting) തുടങ്ങി. കൊവിഡ് പ്രതിരോധ പ്രവർത്തനങ്ങളും വാക്സിനേഷനുമാണ് യോഗത്തിലെ പ്രധാന ചർച്ചാ വിഷയം. ആരോഗ്യമന്ത്രാലയം, ആഭ്യന്തര മന്ത്രാലയം, നീതി ആയോഗ് എന്നിവയിലെ ഉന്നത ഉദ്യോഗസ്ഥരാണ് യോഗത്തിൽ പങ്കെടുക്കുക.കൊവിഡ് സാഹചര്യത്തിനും വാക്സിനേഷനും ഒപ്പം വിവിധ സംസ്ഥാനങ്ങളിലെ പ്രകൃതിക്ഷോഭവും (Natural Disaster) ചർച്ചയായേക്കും. കൊവിഡ് വ്യാപനത്തിൽ കുറവുണ്ടെങ്കിലും മരണനിരക്ക് ഉയരുന്നത് ആശങ്ക വർധിപ്പിക്കുകയാണ്.
കഴിഞ്ഞ ബുധനാഴ്ചയും അവലോകന യോഗം ചേർന്നിരുന്നു. സംസ്ഥാനങ്ങളിലേക്ക് വാക്സിനുകൾ (Vaccine) എത്തിക്കുന്ന സംവിധാനങ്ങളെപ്പറ്റിയാണ് പ്രധാനമായും ചർച്ച ചെയ്തത്. വിദേശത്ത് നിന്ന് ലഭിച്ച മരുന്നുകളും ചികിത്സാ ഉപകരണങ്ങളും വിതരണം നടത്തുന്ന പ്രക്രിയയും ഉദ്യോഗസ്ഥർ വിശദീകരിച്ചു. ടൗട്ടെ ചുഴലിക്കാറ്റിനെ നേരിടാനുള്ള ഒരുക്കങ്ങളും പ്രധാനമന്ത്രിയുടെ നേതൃത്വത്തിൽ ചേരുന്ന ഉന്നതതല യോഗത്തിൽ ചർച്ചയാകുമെന്നാണ് സൂചന. ദേശീയ ദുരന്ത നിവാരണ അതോറിറ്റി ഉൾപ്പെടെയുള്ള സർക്കാർ വകുപ്പുകളിലെ ഉദ്യോഗസ്ഥർ യോഗത്തിൽ പങ്കെടുക്കും.
അതേസമയം, രാജ്യത്ത് കൊവിഡ് (Covid) വ്യാപനം നിയന്ത്രിക്കാൻ സാധ്യമായതെല്ലാം ചെയ്യുന്നുണ്ടെന്ന് പ്രധാനമന്ത്രി നരേന്ദ്ര മോദി കഴിഞ്ഞ ദിവസം വ്യക്തമാക്കിയിരുന്നു. ഓക്സിജൻ ലഭ്യത വർധിപ്പിക്കാൻ സാധ്യമായതെല്ലാം ചെയ്യുന്നുണ്ട്. മരുന്നുകളുടെ ലഭ്യത വർധിപ്പിക്കാൻ യുദ്ധകാലാടിസ്ഥാനത്തിൽ നടപടികൾ സ്വീകരിച്ചതായും പ്രധാനമന്ത്രി വ്യക്തമാക്കി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA