Academic Failure: പരീക്ഷയ്ക്ക് തോറ്റു; ജീവനൊടുക്കാൻ കീടനാശിനി കഴിച്ച സഹോദരിമാരിൽ ഒരാൾ മരിച്ചു!

വിജയവാഡ: പരീക്ഷയിൽ തോറ്റതിനെ തുടർന്ന് ജീവനൊടുക്കാൻ ശ്രമിച്ച സഹോദരിമാർ ഒരാൾ മരിച്ചു. സംഭവം നടന്നത് ആന്ധ്രപ്രദേശിലെ വിജയവാഡയിലാണ്. ബിടെക്കിന് പഠിക്കുന്ന 18 കാരിയും ഇളയ സഹോദരിയുമാണ് കീടനാശിനി കുടിച്ച് ആത്മഹത്യയ്ക്ക് ശ്രമിച്ചത്. 

സംഭവത്തെ തുടർന്ന് ഇവരെ ആശുപത്രിയിൽ പ്രവേശിപ്പിക്കുകയും തുടർന്ന് നടന്ന ചികിത്സയ്ക്കിടെ ഇളയ സഹോദരി മരിച്ചു. മൂത്ത സഹോദരിയുടെ നില ​ഗുരുതരമായി തുടരുകയാണെന്ന് പോലീസ് പറഞ്ഞു.  സംഭവം കൃഷ്ണ ജില്ലയിലെ ഗുഡിവാഡയിൽ ശനിയാഴ്ചയാണ് നടന്നത്. 

കർഷകരായ മാതാപിതാക്കൾ ജോലി കഴിഞ്ഞു വീട്ടിലെത്തിയപ്പോഴാണ് സഹോദരിമാരെ കീടനാശിനി കഴിച്ച നിലയിൽ കണ്ടെത്തിയത്. ഇവർ ഛർദിച്ച് അവശ നിലയിലായിരുന്നു. ഉടൻ തന്നെ ഇവരെ ആശുപത്രിയിലെത്തിച്ചെങ്കിലും ചികിത്സയിലിരിക്കെ ഇളയ സഹോദരി ഇന്നലെ മരണത്തിന് കീഴടങ്ങുകയായിരുന്നു. മൂത്ത സഹോദരിയുടേയും ആരോ​ഗ്യനില ​ഗുരുതരമായി തുടരുകയാണെന്ന് പോലീസ് പറയുന്നത്. 

ബിടെക് ഒന്നാം സെമസ്റ്റർ പരീക്ഷയിൽ മൂത്ത സഹോദരിയും പ്ലസ്ടു പരീക്ഷയിൽ ഇളയസഹോദരിയും പരാജയപ്പെട്ടുവെന്നും അതിൽ ദു:ഖിതരായ കുട്ടികൾക്ക്  മാതാപിതാക്കളുടെ പ്രതികരണത്തെക്കുറിച്ച് ആശങ്കയുണ്ടായിരുന്നുവെന്നും. ഇതാവാം ആത്മഹത്യ ചെയ്യണമെന്ന ചിന്തയിലേക്ക് സഹോദരിമാരെ നയിച്ചതെന്നുമാണ് പോലീസ് പറയുന്നത്.  

കർഷകനായ പിതാവ് വളരെ കഷ്ടപ്പെട്ടാണ് മക്കൾക്ക് മികച്ച വിദ്യാഭ്യാസം നൽകിയതെന്നും മാതാപിതാക്കളുടെ പ്രതീക്ഷയ്‌ക്കൊത്ത് ഉയരാൻ കഴിയാത്തതിൻ്റെ കുറ്റബോധമാണ് ഇവരെ ജീവനൊടുക്കാൻ പ്രേരിപ്പിച്ചതെന്നും പോലീസ് അറിയിച്ചു.