കശ്മീരിൽ ഭീകരരുടെ വെടിയേറ്റ് പോലീസുകാരന് വീരമൃത്യു
ജമ്മു കശ്മീരിൽ ഭീകരരുടെ വെടിയേറ്റ് പോലീസ് കോൺസ്റ്റബിൾ വീരമൃത്യുവരിച്ചു
ശ്രീനഗർ: ജമ്മു കശ്മീരിൽ ഭീകരരുടെ വെടിയേറ്റ് പോലീസ് കോൺസ്റ്റബിൾ വീരമൃത്യുവരിച്ചു. പുൽവാമ ഗുദ്രൂ സ്വദേശിയായ റെയാസ് അഹമ്മദ് തോക്കർ ആണ് വീര മൃത്യു വരിച്ചത്. നാല് വയസുള്ള മകനെ സ്‌കൂളിൽ വിട്ട ശേഷം തിരിച്ചുവരുന്നതിനിടെയായിരുന്നു ആക്രമണം.
ബൈക്കിൽ എത്തിയ രണ്ട് ഭീകരർ റെയാസിന് നേരെ വെടിയുതിർക്കുകയായിരുന്നു. തുടർന്ന് അദ്ദേഹത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പോലീസ് അന്വേഷണം ആരംഭിച്ചു. ഭീകരരെക്കുറിച്ചുള്ള സൂചനകൾ ലഭിച്ചെന്നും ഉടൻ പിടികൂടുമെന്നും പോലീസ് പറഞ്ഞു. സംഭവത്തിന്റെ പശ്ചാത്തലത്തിൽ പ്രദേശത്ത് അതീവ ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...