Lok Sabha Election 2024: രാജ്യത്തെ അഴിമതിക്കാർ ഒരുമിച്ച് ചേർന്ന് ഇന്ത്യാസഖ്യം രൂപീകരിച്ചു’ : രൂക്ഷമായി വിമർശിച്ച് നരേന്ദ്ര മോദി

ന്യൂഡൽ​ഹി: ഇന്ത്യ മുന്നണിക്കും കോണ‍​ഗ്രസിനുമെതിരെ രൂക്ഷമായ വിമർശനവുമായി പ്രധാനമന്ത്രി നരേന്ദ്ര മോദി. രാജ്യത്തെ അഴിമതിക്കാർ ചേർന്നാണ് ഇന്ത്യ മുന്നണി രൂപീകരിച്ചതെന്നും രാജ്യത്തെ അഴിമതിക്കെതിരായ പോരാട്ടത്തെ പ്രതിപക്ഷം തടസ്സപ്പെടുത്തുന്നുവെന്നും മോദിയുടെ ആരോപണം. കൂടാതെ കോൺ​ഗ്രസിനെതിരെ കച്ചത്തീവ് വിഷയവും നരേന്ദ്ര മോദി ഉയർത്തി. ലോക്സഭാ പ്രചരണം തുടങ്ങുന്നതിന്റെ ഭാ​ഗമായി മീററ്റിൽ സംസാരിക്കുകയായിരുന്നു അദ്ദേഹം. 

മീററ്റിലെ പ്രചാരണറാലിയിൽ ഇന്ത്യ മുന്നണിക്കെതിരെ രൂക്ഷമായ വിമർശനം ഉന്നയിക്കുന്നതിനൊപ്പം തന്നെ കേന്ദ്ര സർക്കാറിന്റെ വികസന മുന്നേറ്റങ്ങളും മോദി എണ്ണി പറഞ്ഞു. രാജ്യത്തെ അഴമതിക്കാർക്കെതിരെ താൻ ശക്തമായ നടപടിയാണ് സ്വീകരിച്ചത് എന്നാൽ പ്രതിപക്ഷം അഴിമതിക്കാരെ സംരക്ഷിക്കുന്ന നിലപാടാണ് സ്വീകരിച്ചതെന്നും നരേന്ദ്ര മോദി കുറ്റപ്പെടുത്തി. 

അതിനൊപ്പം തന്നം കച്ച്ത്തീവ് ദ്വീപ് കോൺ​ഗ്രസ് വിട്ടു കൊടുത്തതും നരേന്ദ്ര മോദി ഊന്നിപ്പറഞ്ഞു. വിമർശനങ്ങൾ ഉന്നയിക്കുന്നതിനൊപ്പം കേന്ദ്ര സർക്കാറിന്റെ വികസന പദ്ദതികളെക്കുറിച്ചും നപ്പിലാക്കിയ പദ്ധതികളേക്കുറിച്ചും നരേന്ദ്രമോദി പറഞ്ഞു. രാമക്ഷേത്രവും, വനിതാ സംവരണവും, ചൗധരി ചരൺ സിം​ഗിന് ഭാരതരത്ന നൽകിയതുമെല്ലാം നരേന്ദ്ര മോദി സർക്കാറിന്റെ മികവായി ഉയർത്തിക്കാട്ടാനും നരേന്ദ്ര മോദി മറന്നില്ല.അതേസമയം രാജ്യം തിരഞ്ഞെടുപ്പിലേക്ക് അടുക്കുമ്പോൾ കോണ‍​ഗ്രസിനെതിരേയുള്ള ആയുമായി കച്ച്ത്തീവ് വിഷയമാണ് പ്രധാനമന്ത്രി എടുത്തിരിക്കുന്നത്.