TVK party: തമിഴക വെട്രി കഴകത്തിന്റെ ആദ്യ പൊതുസമ്മേളനം ഒക്ടോബർ 27ന് വിഴുപ്പുറത്ത്

ചെന്നൈ: തമിഴക വെട്രി കഴകത്തിന്റെ ആദ്യ പൊതുസമ്മേളനം പ്രഖ്യാപിച്ച് നടൻ വിജയ്. ഒക്ടോബർ 27ന് വിഴുപ്പുറത്ത് ടിവികെയുടെ ആദ്യ പൊതുസമ്മേളനം നടക്കും. ഈ സമ്മേളനത്തിൽ പാർട്ടി നയം പ്രഖ്യാപിക്കുമെന്നും വിജയ് വ്യക്തമാക്കി. ഒക്ടോബർ 27ന് വൈകിട്ട് നാല് മണിക്കാണ് സമ്മേളനം.

ടിവികെയുടെ ആദ്യ പൊതുസമ്മേളനത്തിൽ കോൺഗ്രസ് നേതാവ് രാഹുൽ ഗാന്ധിയെയും കേരള മുഖ്യമന്ത്രി പിണറായി വിജയനെയും പങ്കെടുക്കാൻ വിജയ് ക്ഷണിച്ചേക്കുമെന്ന റിപ്പോർട്ടുകൾ മുൻപ് പുറത്തുവന്നിരുന്നു.

രാഹുൽ ഗാന്ധി, കേരള മുഖ്യമന്ത്രി പിണറായി വിജയൻ, ആന്ധ്ര മുഖ്യമന്ത്രി എൻ. ചന്ദ്രബാബു നായിഡു, തെലങ്കാന മുഖ്യമന്ത്രി എ. രേവന്ത് റെഡ്ഡി, കർണാടക ഉപമുഖ്യമന്ത്രി ഡി.കെ ശിവകുമാർ എന്നിവരേയും വിജയ് ക്ഷണിച്ചേക്കുമെന്ന് സൂചനയുണ്ട്.

രാഷ്ട്രീയത്തിൽ വിജയ്ക്ക് ഏറ്റവും താത്പര്യമുള്ള നേതാവ് രാഹുൽ ​ഗാന്ധിയാണെന്നും അതിനാലാണ് അദ്ദേഹത്തെ ടിവികെയുടെ സമ്മേളനത്തിൽ പങ്കെടുപ്പിക്കാൻ ഒരുങ്ങുന്നതെന്നുമാണ് ടിവികെ നേതാക്കൾ വ്യക്തമാക്കുന്നത്. രാഹുൽ ഗാന്ധിയുടെ ഉപദേശപ്രകാരമാണ് വിജയ് രാഷ്ട്രീയ പാർട്ടി രൂപീകരിച്ചതെന്ന ആരോപണം ഇതിനകം തന്നെ ഉയർന്നിട്ടുണ്ട്.