വെല്ലൂര് മണ്ഡലത്തില് ഇന്ന് തിരഞ്ഞെടുപ്പ്
തമിഴ്നാട്ടിലെ വെല്ലൂര് ലോക്സഭ മണ്ഡലത്തിലെ പോളിംഗ് തുടങ്ങി.
വെല്ലൂര്: തമിഴ്നാട്ടിലെ വെല്ലൂര് ലോക്സഭ മണ്ഡലത്തിലെ പോളിംഗ് തുടങ്ങി.
രാവിലെ 7 മണി മുതല് വൈകുന്നേരം 6 മണി വരെയാണ് പോളിംഗ്.
തിരഞ്ഞെടുപ്പ് വേളയില് ഡിഎംകെ സ്ഥാനാര്ത്ഥിയുടെ സഹായിയുടെ പക്കല്നിന്ന് വന് തുക പിടിച്ചതിനെ തുടര്ന്നാണ് ഏപ്രിലില് പ്രഖ്യാപിച്ചിരുന്ന വോട്ടെടുപ്പ് റദ്ദാക്കി ഓഗസ്റ്റിലേക്ക് മാറ്റിയത്.
മൂന്നു വനിതകള് ഉള്പ്പെടെ 28 സ്ഥാനാര്ഥികളാണ് തിരഞ്ഞെടുപ്പില് ജനവിധി തേടുന്നത്. ജാതിയും മതവുമെല്ലാം വന് സ്വാധീനമാവുന്ന മണ്ഡലത്തില് എഡിഎംകെയുടെ എ. സി. ഷണ്മുഖവും ഡിഎംകെ സ്ഥാനാര്ഥി കതിര് ആനന്ദും തമ്മിലാണു പ്രധാന മത്സരം.
ലോക്സഭാ തിരഞ്ഞെടുപ്പിൽ ഒന്നൊഴികെ എല്ലായിടത്തും പരാജയപ്പെട്ട അണ്ണാഡിഎംകെയ്ക്ക് വെല്ലൂരിൽ അഭിമാന പോരാട്ടമാണ്.
വോട്ടെണ്ണല് വെള്ളിയാഴ്ച നടക്കും.