Viral Video: പരസ്യബോർഡിൽ തൂങ്ങി അഭ്യാസം, പിന്നെ ബസിന് മുകളിലേക്ക്...! വീഡിയോ വൈറൽ
ബിൽബോർഡ് ഫ്രെയിമിൽ തൂങ്ങിക്കിടന്ന് ഇയാൾ അഭ്യാസപ്രകടനം നടത്തിയതോടെ റോഡിൽ ഗതാഗതകുരുക്ക് ഉണ്ടാകുകയും ചെയ്തു.
തെലങ്കാന: മദ്യപിച്ച് പരസ്യബോർഡിൽ തൂങ്ങി അഭ്യാസ പ്രകടനം നടത്തി യുവാവ്. തെലങ്കാനയിലാണ് സംഭവം. ഇയാൾക്കെതിരെ പോലീസ് കേസെടുത്തു. പരസ്യബോർഡിൽ തൂങ്ങിയുള്ള യുവാവിന്റെ പ്രകടനം കാണാൻ നടുറോഡിൽ ആളുകൾ തടിച്ചുകൂടി. ഇതോട് റോഡിൽ ഗതാഗതകുരുക്കും അനുഭവപ്പെട്ടു. സംഭവത്തിന്റെ വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. വീഡിയോ വൈറലായതോടെയാണ് പോലീസ് ഇയാൾക്കെതിരെ കേസെടുത്തത്. ബുധനാഴ്ചയാണ് സംഭവം നടന്നതെന്നാണ് റിപ്പോർട്ട്.
ബിൽബോർഡ് ഫ്രെയിമിൽ തൂങ്ങിക്കിടന്ന് ഇയാൾ ഒരുപാട് അഭ്യാസ പ്രകടനങ്ങളൊക്കെ നടത്തുന്നത് വീഡിയോയിൽ വ്യക്തമാണ്. ഇയാളെ സുരക്ഷിതമായി താഴെയിറങ്ങാൻ ആളുകൾ സഹായിക്കുന്നതും വീഡിയോയിൽ കാണാൻ സാധിക്കും. റോഡിന് നടുവിലുള്ള ബിൽബോർഡ് ആയതിനാൽ തന്നെ പെട്ടെന്ന് ആളുകളുടെ ശ്രദ്ധയിൽപ്പെടും. യാത്രക്കാരെല്ലാം ഇത് കാണാൻ തടിച്ച് കൂടിയതോടെ റോഡിൽ വലിയ ഗതാഗതകുരുക്കും അനുഭവപ്പെട്ടു.
യുവാവ് തൂങ്ങിക്കിടന്നതിന് തൊട്ടുതാഴെ ഒരു ബസ് നിർത്തിയിട്ടിരുന്നു. ഒടുവിൽ ഇയാൾ അതിന് മുകളിലേക്ക് വീഴുകയായിരുന്നു. മദ്യപിച്ചിരുന്നതിനാൽ അവിടെ നിന്നവരിൽ ചിലർ ബസിന് മുകളിൽ കയറി അയാൾ പിടിച്ചിറക്കാൻ ശ്രമിക്കുന്നുണ്ട്. ഇയാൾക്കെതിരെ പോലീസ് കേസെടുത്തിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...