Viral Video: വെറും അഞ്ച് സെക്കൻഡ്! ജയിലിൽ നിന്ന് രക്ഷപ്പെടുന്നതിന്റെ ഡെമോ കാണിച്ച് പ്രതി, ഞെട്ടി പോലീസ്
മഹാരാഷ്ട്രയിലെ പൂനെ ജില്ലയിലാണ് ഞെട്ടിക്കുന്ന സംഭവം പുറത്തുവന്നിരിക്കുന്നത്. പിടികൂടിയ പ്രതിയോട് രക്ഷപ്പെട്ടത് എങ്ങനെയെന്ന് ചോദിച്ചപ്പോൾ ഇയാൾ ഡെമോ കാണിച്ചു കൊടുക്കുകയായിരുന്നു.
ജയിലിൽ നിന്ന് രക്ഷപ്പെടുന്ന തടവുകാരുടെ വാർത്തകൾ പലപ്പോഴും നമ്മൾ കേൾക്കാറുണ്ട്. പൂട്ട് തകർത്തും ഓട് തകർത്തുമൊക്കെ പ്രതികൾ രക്ഷപ്പെട്ട വാർത്തകൾ നിരവധിയാണ്. എന്നാൽ പൂട്ട് തകർക്കാതെ രക്ഷപ്പെട്ട പ്രതിയുടെ വീഡിയോ വൈറലാകുകയാണ്. ജയിലിൽ നിന്നും ചാടിപ്പോയ പ്രതിയെ പോലീസ് പിന്നീട് പിടികൂടിയെങ്കിലും ഇയാൾ എങ്ങനെ രക്ഷപ്പെട്ടുവെന്നതാണ് പോലീസിനെ അമ്പരപ്പിച്ചത്.
മഹാരാഷ്ട്രയിലെ പൂനെ ജില്ലയിലാണ് ഞെട്ടിക്കുന്ന സംഭവം പുറത്തുവന്നിരിക്കുന്നത്. പിടികൂടിയ പ്രതിയോട് രക്ഷപ്പെട്ടത് എങ്ങനെയെന്ന് ചോദിച്ചപ്പോൾ ഇയാൾ ഡെമോ കാണിച്ചു കൊടുക്കുകയായിരുന്നു. സെല്ലിന്റെ പൂട്ട് തകർക്കാതെ പ്രതി രക്ഷപ്പെട്ടത് പോലീസിനെയാകെ അമ്പരപ്പിക്കുന്നതായിരുന്നു. അഴികൾക്കുള്ളിലൂടെ അനായാസം പുറത്തിറങ്ങുന്ന വീഡിയോ സോഷ്ൽ മീഡിയയെ മുഴുവൻ ഞെട്ടിച്ചിരിക്കുകയാണ്. വെറും അഞ്ച് സെക്കൻഡ് കൊണ്ട് പ്രതി അഴിക്കുള്ളിലൂടെ പുറത്തു കടന്നത്.
പൂനെയ്ക്കടുത്തുള്ള പിംപ്രി-ചിഞ്ച്‌വാദിലെ ചകൻ പോലീസ് സ്റ്റേഷനിലാണ് സംഭവം നടന്നത്. സംഭവത്തിന് ശേഷം പോലീസ് കൂടുതൽ ജാഗ്രത പുലർത്തുകയും എല്ലാ പോലീസ് സ്റ്റേഷനുകൾക്കും മുന്നറിയിപ്പ് നൽകുകയും ചെയ്തു. പ്രതി അഴിക്കുള്ളിലൂടെ പുറത്തിറങ്ങുന്ന വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. വീഡിയോ കണ്ട് എല്ലാവരും ഞെട്ടിയിരിക്കുകയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...