Fixed Deposit Rates: ആക്സിസ് ബാങ്കിൽ എഫ്ഡി ഇട്ടാൽ എന്താണ് ഗുണം? പുതിയ പലിശ നിരക്ക് നോക്കാം
Latest Fixed Deposit Rates of Axis Bank കഴിഞ്ഞ ദിവസമാണ് ബാങ്ക് തങ്ങളുടെ സ്ഥിര നിക്ഷേപങ്ങളുടെ പലിശ നിരക്ക ഉയർത്തിയത്
ആക്സിസ് ബാങ്ക് 2 കോടിയിൽ താഴെയുള്ള തങ്ങളുടെ സ്ഥിരനിക്ഷേപങ്ങളുടെ പലിശ നിരക്ക് വർധിപ്പിച്ചു . ബാങ്കിന്റെ വെബ്‌സൈറ്റ് അനുസരിച്ച്, പുതിയ നിരക്ക് 2022 ഒക്ടോബർ 14 മുതൽ പ്രാബല്യത്തിൽ വരും. 7 ദിവസം മുതൽ 10 വർഷം വരെ കാലാവധിയുള്ള സ്ഥിര നിക്ഷേപങ്ങളുടെ പലിശ നിരക്ക് സാധാരണക്കാർക്ക് 3.50% മുതൽ 6.10% വരെയും മുതിർന്ന പൗരന്മാർക്ക് 3.50% മുതൽ 6.85% വരെയുമാണ് വാഗ്ദാനം ചെയ്യുന്നത്.
നിരക്കുകൾ
7 ദിവസം മുതൽ 29 ദിവസം വരെ കാലാവധിയുള്ള നിക്ഷേപങ്ങളുടെ പലിശ നിരക്ക് 2.75% ൽ നിന്ന് 3.50% ആയി ബാങ്ക് വർദ്ധിപ്പിച്ചു,30 ദിവസം മുതൽ 60 ദിവസം വരെ കാലാവധിയുള്ള നിക്ഷേപങ്ങൾക്ക് 3.25% ൽ നിന്ന് 3.50%, 61 ദിവസം മുതൽ മൂന്ന് മാസം വരെ കാലാവധിയുള്ള നിക്ഷേപങ്ങൾക്ക് ഇപ്പോൾ 4.00% ,മൂന്ന് മാസം മുതൽ ആറ് മാസം വരെ കാലാവധി പൂർത്തിയാകുന്ന നിക്ഷേപങ്ങൾക്ക് ഇപ്പോൾ 4.25% പലിശ നിരക്ക് ലഭിക്കും.
6 മുതൽ 9 മാസം വരെ കാലാവധിയുള്ള നിക്ഷേപങ്ങൾക്ക് 4.65% ൽ നിന്ന് 5% . ബാങ്ക് 10 മാസം മുതൽ 1 വർഷം വരെയുള്ള നിക്ഷേപങ്ങളുടെ പലിശ നിരക്ക് 4.75% ൽ നിന്ന് 5.00% ആയി വർധിപ്പിച്ചു, കൂടാതെ ബാങ്ക് 1 വർഷം മുതൽ 1 വർഷം 11 ദിവസം വരെ കാലാവധിയുള്ള നിക്ഷേപങ്ങളുടെ പലിശ നിരക്ക് 5.45% ൽ നിന്ന് 6.10% ആയി 65 വർധിപ്പിച്ചു. 1 വർഷം 11 ദിവസത്തിനും 1 വർഷം 25 ദിവസത്തിനും ഇടയിൽ കാലാവധിയുള്ള നിക്ഷേപങ്ങൾക്ക് ഇപ്പോൾ 6.10% പലിശ ലഭിക്കും.
15 മാസം മുതൽ 2 വർഷം വരെ കാലാവധിയുള്ള നിക്ഷേപങ്ങൾക്ക് ആക്സിസ് ബാങ്ക് 6.15% പലിശ നൽകുന്നത് തുടരും, അതേസമയം 2 വർഷം മുതൽ 3 വർഷം വരെ കാലാവധിയുള്ള നിക്ഷേപങ്ങളുടെ പലിശ നിരക്ക് 5.70 ൽ നിന്ന് 6.20% ആയി ബാങ്ക് വർധിപ്പിച്ചു.
3 മുതൽ 5 വർഷം വരെ കാലാവധിയുള്ള നിക്ഷേപങ്ങളുടെ പലിശ നിരക്ക് 40 ബേസിസ് പോയിന്റ് വർധിപ്പിച്ച് 5.70% ൽ നിന്ന് 6.10% ആയും 5 മുതൽ 10 വർഷം വരെ കാലാവധിയുള്ള നിക്ഷേപങ്ങളുടെ പലിശ നിരക്ക് 35 ബേസിസ് പോയിന്റ് വർധിപ്പിച്ച് 5.75% ൽ നിന്ന് 6.10% ആയും ഉയർത്തി.
മുതിർന്ന പൗരന്മാർക്കുള്ള നിരക്കുകൾ
6 മാസം മുതൽ 10 വർഷം വരെ കാലാവധി പൂർത്തിയാകുന്ന നിക്ഷേപങ്ങളിൽ, പ്രായമായവർക്ക് ആക്സിസ് ബാങ്ക് അധിക പലിശ നിരക്ക് ആനുകൂല്യങ്ങൾ നൽകുന്നു. രണ്ടോ മൂന്നോ വർഷത്തിനുള്ളിൽ കാലാവധി പൂർത്തിയാകുന്ന നിക്ഷേപങ്ങൾക്ക് ആക്സിസ് ബാങ്ക് പ്രായമായവർക്ക് പരമാവധി 6.95% പലിശ നിരക്ക് നൽകുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...