Drowned death: വാമനപുരം നദിയിൽ യുവാവ് മുങ്ങി മരിച്ചു

തിരുവനന്തപുരം: വാമനപുരം നദിയിൽ യുവാവ് മുങ്ങി മരിച്ചു .കല്ലറ - താളിക്കുഴി സ്വദേശി മനോജ് (28) ആണ് മരിച്ചത്. ഇന്ന് വൈകിട്ട് അഞ്ചിനാണ് അഞ്ച് പേരടങ്ങിയ സംഘം  കുളിയ്ക്കാൻ താവയ്ക്കൽ കടവിൽ ഇറങ്ങിയത്. തുടർന്ന് മനോജ് കയത്തിൽ മുങ്ങി താഴ്ന്നു. കുടെയുള്ളവർ  നിലവിളിച്ചു നാട്ടുകാർ എത്തി എങ്കിലും രക്ഷിക്കാൻ കഴിഞ്ഞില്ല. ഫയർഫോഴ്സ് സംഘമെത്തി നാട്ടുകാരുടെ സഹായത്തോടെ മനോജിന്റെ മൃതദേഹം പുറത്തെത്തിച്ചു. സംഭവത്തിൽ വിതുര പോലീസ് കേസെടുത്തിട്ടുണ്ട്. മൃതദേഹം വിതുര താലൂക്കാശുപത്രിയിൽ സൂക്ഷിച്ചിരിക്കുകയാണ്. മോഹനൻ ഉഷ ദമ്പതികളുടെ മകനാണ് മനോജ്.

തൊടുപുഴയിൽ നാശം വിതച്ച് കനത്ത മഴ 

തൊടുപുഴയിൽ ഇന്ന് ഉച്ചയ്ക്ക് ശേഷം ഉണ്ടായ കനത്ത മഴയിൽ പലയിടത്തും വെള്ളം കയറി. നഗരത്തിന്റെ വിവിധ ഭാഗങ്ങളിലെ വ്യാപാരസ്ഥാപനങ്ങളിലാണ് വെള്ളം കയറിയത്. ഉച്ചയ്ക്കുശേഷം മൂന്നുമണിയോടെ ആരംഭിച്ച കനത്ത മഴ അല്പം കുറഞ്ഞു എങ്കിലും ഇപ്പോഴും തുടരുന്നുണ്ട്. ജില്ലയിൽ ഓറഞ്ച് അലർട്ട് നിലനിൽക്കുന്ന സാഹചര്യത്തിൽ രാത്രിയാത്ര നിരോധനം ഉൾപ്പെടെ കർശന മുൻകരുതലുകളാണ് ജില്ലാ ഭരണകൂടം ഏർപ്പെടുത്തിയിരിക്കുന്നത്.