Nava Kerala Sadas | മുഖ്യമന്ത്രി സഞ്ചരിച്ച ബസ് കാണാൻ ലക്ഷങ്ങൾ വരും, വിറ്റാല്‍ വാങ്ങിയതിന്റെ ഇരട്ടി വില കിട്ടും- എകെ ബാലൻ

തിരുവനന്തപുരം: നവകേരള സദസ്സും അതിൻറെ ഭാഗമായുള്ള ബസും വിവാദങ്ങൾ ഇപ്പോഴും അവസാനിക്കുന്നില്ല. നവകേരള സദസ്സ്: മുഖ്യമന്ത്രി സഞ്ചരിച്ച ബസ് കാണാൻ ലക്ഷങ്ങൾ വരുമെന്ന് എ കെ ബാലൻ മാധ്യമങ്ങളോട് പറഞ്ഞു. ബസ് മ്യൂസിയത്തിൽ വച്ചാൽ മതി, ബസ് കാണാൻ പതിനായിരങ്ങൾ വഴിയരികിലും എത്തും. ഈ വാഹനം വിറ്റാല്‍ വാങ്ങിയതിന്റെ ഇരട്ടി വില കിട്ടും. ചലിക്കുന്ന ക്യാബിനറ്റ് ലോകത്ത് ആദ്യം. ആർഭാടം പറഞ്ഞ് ആരും രംഗത്ത് വരേണ്ടതില്ലെന്നും എകെ ബാലൻ മാധ്യമങ്ങളോട് പറഞ്ഞു.

അതേസമയം നവകേരള സദസ്സിൻറെ അവസാനഘട്ട ഒരുക്കങ്ങൾ വിലയിരുത്താൻ മുഖ്യമന്ത്രിയുടെ സാന്നിധ്യത്തിൽ യോഗം ചേർന്നു. കാസർഗോഡ് പൈവളിഗെ നഗർ എച്ച്.എസ്സിൽ വൈകിട്ട് 3 30ന്  നവകേരള സദസ്സിൻറെ ഔദ്യോഗിക ഉദ്ഘാടനം മുഖ്യമന്ത്രി പിണറായി വിജയൻ നിർവ്വഹിക്കും.

മന്ത്രിമാരും ഉദ്യോഗസ്ഥ പ്രമുഖരും പങ്കെടുക്കും. 140 നിയോജക മണ്ഡലങ്ങളിലൂടെ യാത്ര ചെയ്ത് ഡിസംബർ 23 ന് തിരുവനന്തപുരത്താണ് പരിപാടിയുടെ സമാപനം. മുഖ്യമന്ത്രിയും മന്ത്രിമാരും എല്ലാ നിയോജക മണ്ഡലങ്ങളിലും എത്തുകയും ജനങ്ങളുടെ പ്രശ്നങ്ങൾ നേരിട്ട് കേൾക്കും. ശാശ്വത പരിഹാരം കണ്ടെത്താൻ നിർദ്ദേശിക്കുകയുമാണ് ലക്ഷ്യങ്ങൾ.