Movie Shoot Accident: സിനിമാ ചിത്രീകരണത്തിനിടെയുണ്ടായ അപകടം; അമിത വേഗതയ്ക്ക് പോലീസ് കേസെടുത്തു

കൊച്ചി: സിനിമ ഷൂട്ടിം​ഗിനിടെയുണ്ടായ അപകടത്തിൽ പോലീസ് കേസെടുത്തു. കൊച്ചി സെൻട്രൽ പോലീസാണ് അമിത വേ​ഗതയ്ക്ക് കേസെടുത്തത്. ചിത്രീകരണത്തിന് അനുമതി വാങ്ങിയിരുന്നുവെന്നാണ് പോലീസ് അറിയിച്ചത്. 

ഇന്ന് പുലർച്ചെയാണ് കൊച്ചി എം.ജി റോഡിൽ സിനിമാ ചിത്രീകരണത്തിനിടെ കാറപകടമുണ്ടായത്. അപകടത്തിൽ നടൻമാരായ അർജുൻ അശോകൻ, സംഗീത് പ്രതാപ്, മാത്യൂ കോമസ് ഉൾപ്പെടെ 5 പേർക്കാണ് പരിക്കേറ്റത്. ഇവർ സഞ്ചരിച്ച കാർ നിയന്ത്രണംവിട്ട് തലകീഴായി മറിയുകയായിരുന്നു. വഴിയിൽ നിർത്തിയിട്ട രണ്ടു ബൈക്കുകളിലും കാർ തട്ടി ബൈക്ക് യാത്രക്കാരായ രണ്ടു പേർക്കും പരിക്കേറ്റു. 

ALso Read: Accident: സിനിമാ ചിത്രീകരണത്തിനിടെ കാർ തലകീഴായി മറിഞ്ഞു; നടൻ അർജുൻ അശോകൻ ഉൾപ്പെടെ 5 പേർക്ക് പരിക്ക്!

ബ്രൊമാൻസ് എന്ന സിനിമയുടെ ചിത്രീകരിക്കുന്നതിനിടെ ആയിരുന്നു അപകടം നടന്നത്.  കാർ ഓടിച്ചത് സിനിമയിലെ സ്റ്റണ്ട് മാസ്റ്റർ ആയിരുന്നുവെന്നും റിപ്പോർട്ടുണ്ട്.  അപകടമുണ്ടായത് ഇന്ന് പുലര്‍ച്ചെ 1:30 ഓടെയാണ്. അപകടത്തിന്‍റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. നിയന്ത്രണം വിട്ട കാര്‍ തലകീഴായി മറിയുകയും മുന്നിലുണ്ടായിരുന്ന കാറിലിടിക്കുന്നതും ഈ കാര്‍ റോഡരികില്‍ നിര്‍ത്തിയിട്ടിരുന്ന ഫുഡ‍് ഡെലിവറി ബോയുടെ ബൈക്കിലിടിച്ച ശേഷം തലകീഴായി മറിഞ്ഞ കാര്‍ മുന്നോട്ട് നീങ്ങി ബൈക്കുകളിലും ഇടിച്ചാണ് നിന്നത്.