Chief Minister : മുഖ്യമന്ത്രി രണ്ടാം നൂറുദിന കർമ്മ പദ്ധതി പ്രഖ്യാപിച്ചു; പദ്ധതി സർക്കാരിൻ്റെ ഒന്നാം വാർഷികത്തിന് മുന്നോടിയായി

Thiruvananthapuram : രണ്ടാം പിണറായി സർക്കാരിന്റെ ഒന്നാം വാർഷികത്തിനോട് അനുബന്ധിച്ച് മുഖ്യമന്ത്രി പിണറായി വിജയൻ രണ്ടാം നൂറ് ദിന കർമ്മ പദ്ധതി പ്രഖ്യാപിച്ചു. അതിനോടൊപ്പം തന്നെ മലമ്പുഴ ചെറാട് മലയിൽ കുടുങ്ങിയ യുവാവിനെ രക്ഷപ്പെടുത്തിയ സംഭവത്തിൽ മുഖ്യമന്ത്രി  സൈന്യത്തിന് നന്ദിയും അനുമോദനവും അറിയിച്ചു.

നാലര മാസത്തിനിടയിൽ ആദ്യമായിയാണ് മുഖ്യമന്ത്രി മാധ്യമങ്ങളെ കണ്ടത്.  സർക്കാർ അധികാരത്തിലേറിയിട്ട് മെയ് ഇരുപതിന് ഒരു വർഷം തികയുകയാണ്. ഈ സാഹചര്യത്തിലാണ് രണ്ടാം നൂറ് ദിന കർമ്മ പദ്ധതി പ്രഖ്യാപിച്ചിരിക്കുന്നത്. ഫെബ്രുവരി പത്തിനും മെയ് ഇരുപതിനും ഇടയിലായി പദ്ധതികൾ തീർക്കണമെന്നാണ് അറിയിച്ചിരിക്കുന്നത്.

രണ്ടാം നൂറ് ദിന കർമ്മപദ്ധതികൾ 

1) 1557 പദ്ധതികൾ നാളെ മുതൽ മെയ് 20 വരെ നടപ്പിലാക്കും

2)  അതിഥി തൊഴിലാളികൾക്ക് കൂടുതൽ തൊഴിൽ ദിനങ്ങൾ

3) നാലര ലക്ഷത്തിലധികം പുതിയ തൊഴിലവസരങ്ങൾ സൃഷ്ടിക്കും

4) പുതിയ 23 പോലീസ് സ്റ്റേഷനുകൾക്ക് തറക്കല്ലിടും

5) മലപ്പുറത്ത് ശിശുസൗഹൃദ സ്റ്റേഷനുകൾ ആരംഭിക്കും

6) ഉന്നതനിലവാരത്തിലുള്ള 53 സ്കൂളുകൾ

7) ഗ്രാമ നഗര വ്യത്യാസമില്ലാതെ കെ-ഫോൺ പദ്ധതി

8) റേഷൻ കാർഡുകൾ സ്മാർട്ട് കാർഡുകളാക്കും

9) സംസ്ഥാനത്താകെ വാതിൽപടി റേഷൻ സംവിധാനം

10) 15,000 പേർക്ക് പട്ടയം നൽകും

11) ഇടുക്കിയിൽ എൻ സി സി യുടെ നേതൃത്വത്തിൽ നിർമ്മിച്ച എയർ സ്ട്രിപ്പ് ഉദ്ഘാടനം ചെയ്യും

12) പതിനായിരം ഹെക്ടറിൽ ജൈവകൃഷി തുടങ്ങും

13) കീഫ്ബി വഴി ശബരിമല ഇടത്താവളം നവീകരിക്കും

14) മത്സ്യത്തൊഴിലാളികൾക്ക് ഭവന പദ്ധതി

15) കുട്ടനാട് പദ്ധതിയുടെ ഭാഗമായി വേമ്പനാട്ടുകായലിൽ ബണ്ട് നിർമ്മാണം

16) 1500 റോഡുകൾ ഉദ്ഘാടനം ചെയ്യും

17) കിഫ്ബി ഫണ്ട് പദ്ധതികൾക്കായി വകയിരുത്തും

18) കുഴൽക്കിണർ കുടിവെള്ള പദ്ധതി ആരംഭിക്കും

19) പ്രവാസി ഭദ്രതാ പദ്ധതി

20) ലൈഫ് മിഷൻ വഴി 20000 ഫ്ലാറ്റുകളും മൂന്നു വീടുകളും നിർമ്മിക്കും

21) പുനർഗേഹം പദ്ധതി വഴി വീടുകൾ നിർമിക്കും

22) മത്സ്യത്തൊഴിലാളികൾക്കുള്ള 532 വീടുകളുടെ താക്കോൽദാനം

23) വാണിജ്യ വ്യവസായ ബന്ധം ശക്തിപ്പെടുത്തും